వావ్! మాఘ మాసంలో మంచు కురిసే వేళలో... కొండ కోనలను దాటుకుని మగువను మనువాడిన మగాడు...

వివాహ వేడుక కోసం..

సాధారణంగా మన దేశంలో భారతీయ వివాహ వ్యవస్థలో పెళ్లి కొడుకు గానీ లేదా పెళ్లి కూతురు గానీ వారి ఇంటి నుండి మరో ఇంటికి వెళ్లేందుకు వాహనాలను, లేదా గుర్రాలను వాడటం వంటివి మీరు చూసే ఉంటారు.

PC : Twitter

వధువు ఇంటికి వెళ్లేందుకు..

వీరు కూడా అందరిలాగానే కొత్త బట్టలు, వాహనాలను సిద్ధం చేసుకుని పెళ్లి కూతురు ఇంటికి వెళ్లడానికి రెఢీ అయ్యారు.

అకస్మాత్తుగా కురిసిన మంచు..

సరిగ్గా అప్పుడే ఆ ప్రాంతంలో మంచు వర్షం జోరుగా కురిసింది. అంతే అక్కడి రోడ్లు అన్నీ మంచు దప్పటితో కప్పుకున్నాయి. దీంతో అక్కడ ఎవ్వరూ కనీసం బయటకు కూడా రాలేని పరిస్థితి ఏర్పడింది.

కొండ కోనల నడుమ..

అయితే ఆ కొత్త పెళ్లి కొడుకు మంచు వర్షానికి భయపడలేదు. తను మనువాడాల్సిన మగువ కోసం పెద్ద సాహసమే చేశాడు. ఆ ప్రాంతానికి ఆ సమయంలో ఎలాంటి రవాణా సదుపాయం లేకపోవడంతో కొండ కోనల నడుమ కాలినడకన బయలుదేరాడు.

ఆటంకాలను అధిగమిస్తూ..

మనం మామూలుగా ఉన్న వాతావరణంలోనే కొండ కోనల్లో నడించేందుకు ఎంతో ఇబ్బంది పడుతూ ఉంటాం. అలాంటిది తనకు కాబోయే అర్థాంగి కోసం ఆ కుర్రాడు మంచు వర్షాన్నిసైతం లెక్క చేయకుండా ఏకంగా 4 కిలోమీటర్లకు పైగా కాలినడకన వెళ్లి వధువు ఇంటికి చేరుకున్నాడు.

ఆకట్టుకున్న కొత్త పెళ్లికొడుకు..

ఇదే సమయంలో ఆ కొత్త పెళ్లి కొడుకు అందరి దృష్టిని ఆకట్టుకున్నాడు. వధువు ఇంటికి చేరుకునే సమయంలో మధ్య మధ్యలో హూషారుగా డ్యాన్స్ కూడా చేశాడు.

సోషల్ మీడియాలో..

ఈ సంఘటనను ఎవరో సోషల్ మీడియాలో పోస్ట్ చేయడంతో అది కాస్త బాగా వైరల్ అవుతోంది. దీనిపై నెటిజన్లు తమదైన శైలిలో కామెంట్లు చేస్తున్నారు. ‘ప్రేమ వలలో పడ్డ పెళ్లికొడుకు‘ ‘ప్రేమ తెచ్చిన కష్టాలు‘ ‘రొమాంటిక్ కపుల్‘ ‘పెళ్లికొడుకుతో వారి బంధువులు ఈ పెళ్లిని ఎప్పటికీ మరచిపోలేరు‘ ‘ఈ ఏడాది అత్యుత్తమ అవార్డు ఇతనికే‘ అని రకరకాల కామెంట్లు చేస్తున్నారు.

ఇదంతా ఎక్కడంటే...

మన దేశంలోని ఉత్తరాఖండ్ లోని చమోలీ జిల్లా బిజ్రా అనే గ్రామంలో జరిగింది.