కొత్తగా పెళ్లయిన వారిలో ఈ లైంగిక సమస్యలు కామన్.. హైరానా పడాల్సిన పని లేదు

లైంగిక సంబంధిత సందేహాలు

కొత్త జంటలు సాధారణంగా వివాహం తర్వాత వారి లైంగిక కోరికలో చాలా హైలో ఉంటారు. ప్రతి రోజు 2, 3 అంతకంటే ఎక్కువ సార్లు శృంగారం చేయాలని కోరుకుంటారు. అసలు శృంగారం గురించి తెలియకముందు ఇలాంటి కోరికలు ఉంటాయి. బుక్స్ చదవడం, వీడియోలు చూసి ఏదో ఊహించుకుంటారు. శృంగారం గురించి తెలుసుకోవడం వేరు, అనుభవించడం వేరు. ఒకసారి అనుభవించిన తర్వాత మొదట అనుకున్న ఆశలు, కోరికలు మారిపోతాయి. ఇది కొంత అసంతృప్తి గురిచేసే అవకాశం ఉంటుంది.

గర్భ నిరోధకాలను ఉపయోగం

శృంగారం విషయంలో చాలా మంది పురుషులకు ఎలాంటి అనుభవం ఉండదు. కొంతమందికి కండోమ్ ఎలా వాడాలో కూడా తెలిసి ఉండకపోవచ్చు. అలాంటి పురుషులు శృంగారం సమయంలో చాలా ఇబ్బంది పడతారు. ఈ టెన్షన్ వల్ల అంగం కూడా సరిగ్గా స్తంభించదు. ఈ పరిస్థితికి ఎలా స్పందించాలో భార్యకు కూడా తెలిసి ఉండదు. పురుషులు ఈ పరిస్థితి చాలా అవమానంగా భావిస్తారు.

అభిరుచి లేకపోవడం

చాలా మంది పురుషులు స్ఖలనాన్ని ఎక్కువ సేపు ఆపుకోలేరు. శృంగారం ప్రారంభమైన కొద్దిసేపట్లోనే స్ఖలనం అవుతుంది. దీని వల్ల ఎన్నో ఆశలు, కోరికలతో శృంగారం చేయాలనుకున్న ఇద్దరు భాగస్వాముల్లోనూ అసంతృప్తి వచ్చేస్తుంది. త్వరగా స్ఖలనం కావడం పట్ల పురుషులు అవమానకరంగా ఫీల్ అవుతుంటారు.

దీని వల్ల మరోసారి కలవాలన్నా ఆ భయం వారిని వెంటాడుతుంది. క్రమంగా శృంగారం అంటే ఇష్టం లేకుండా పోతుంది. దాని నుండి తప్పించుకోవాలని చూస్తారు. ఈ సమస్యను పరిష్కరించడానికి మార్గం శృంగారంలో తరచూ పాల్గొనడమేనని వైద్యులు సూచిస్తున్నారు. స్ఖలనం త్వరగా పడిపోకుండా ప్రాక్టీస్ చేయడం చాలా మంచి ఫలితం ఇస్తుందని వారు సూచిస్తున్నారు.

అపోహలను నమ్మడం

మొదటి రాత్రి స్త్రీకి రక్తస్రావం జరుగుతుందన్న పురాతన కాలం నాటి అపోహను నమ్మడం. ఇలాంటి వాటిని నమ్మడం వల్ల శృంగార జీవితాన్ని ఆస్వాదించలేరు. వీటిని బలంగా నమ్మే వ్యక్తి భర్త అయితే వివాహంలో సమస్యలు మొదటి రాత్రి నుండే మొదలు అవుతున్నట్లు గమనించాల్సిందే.

అలాగే పురుషుడు స్త్రీని సంతృప్తి పరచలేకపోతే అతను అవమానాన్ని ఎదుర్కోవాల్సి రావొచ్చు. దాని వల్ల తీవ్రమైన ఒత్తిడి కూడా ఉంటుంది.

కమ్యూనికేషన్ లేకపోవడం

చాలా మంది కొత్త దంపతులు ఒకరితో ఒకరు మాట్లాడటానికి సిగ్గు పడుతుంటారు. శృంగారం విషయంలో ఇది మరీ ఎక్కువగా ఉంటుంది. వారికి ఏం కావాలి అనేది చెప్పలేరు. ఎదుటివారికి ఏం కావాలో చెప్పడం వల్ల ఇద్దరూ సంతృప్తి పడవచ్చు. కాబట్టి కొద్దిగా చనువు తీసుకుని కమ్యూనికేట్ చేయడం చాలా ముఖ్యం. శృంగారానికి సంబంధించిన విషయాలను డైరెక్ట్‌గా చెప్పలేకపోతే సంజ్ఞలు, సంకేతాలు, రాతల ద్వారా అయినా తెలియజేయాలి.