‘నా భార్య ఎదుటే.. నన్ను అలా చేసింది.. నాకు చాలా అన్ ఈజీగా అనిపించింది..’

పెళ్లికి ముందే..

హాయ్! నా పేరు గిరీష్ (పేరు మార్చాం). నా వయసు 30 సంవత్సరాలు నాకు పెళ్లి జరిగి ఆరు నెలలే పూర్తయ్యింది. అయితే నా భార్యకు పెళ్లికి ముందే చాలా మంది ఫ్రెండ్స్ ఉన్నారు. తను సిటీలో పుట్టి పెరిగిన కారణంగా తను వీకెండ్ వస్తే చాలు చాలా పార్టీలు చేసుకుంటూ ఉంటుంది. పెళ్లికి ముందు ఈ విషయం నాకు తెలీదు. అయితే పెళ్లి తర్వాత నన్ను కూడా తనతో పాటు పార్టీలకు తీసుకెళ్లేది.

కొంచెం తేడాగా..

అలా పార్టీల్లో తన ఫ్రెండ్స్ కు పరిచయం చేసేది. అయితే వారిలో పరిచయమైన వారిలో ఒక ఆమె ఆరోజు నుండి నన్ను కొంచెం తేడాగా చూడటం మొదలెట్టింది. నేను ఎంత దూరంగా ఉన్నా.. నాతో క్లోజ్ గా మూవ్ అయ్యేందుకు ట్రై చేస్తుంది. ఇదే విషయాన్ని నేను నా వైఫ్ కు కూడా చెప్పాను.

లైట్ తీసుకుంది..

అయితే తను నీతో జోక్ చేస్తుందిలే అని లైట్ తీసుకుంది. అయితే రీసెంట్ జరిగిన పార్టీలో తను లిమిట్స్ క్రాస్ చేసింది. ఏకంగా నా భార్య ముందే నాకు కిస్ చేసేసింది.

నా భార్యంటే ఇష్టం..

అయినా కూడా నా భార్య ఏమీ అనకపోవడంతో నేను ఆశ్చర్యపోయాను. నా వైఫ్ ఫ్రెండ్స్ లో ఇతరుల ప్రవర్తన కూడా ఇంచుమించు అలానే ఉంది. అయితే నాకు నా వైఫ్ అంటే నాకు చాలా ఇష్టం. తనకు కూడా నేనంటే ఎంతో ఇష్టం. కానీ, ఇలాంటివి నాకు అస్సలు ఇష్టం ఉండదు. ఈ సంఘటనతో నేను చాలా నిరాశకు గురయ్యాను.

నేనేం చేయాలి..

ఇప్పుడేం నేను ఏమి చేయాలి.. నాకు పరిష్కారం చెప్పగలరు' అని ఓ యువకుడు తన సమస్యను మానసిక నిపుణులతో చెప్పుకున్నాడు. దీనికి నిపుణులు ఏమి సమాధానం చెప్పారో ఇప్పుడు తెలుసుకుందాం...

ఓపెన్ గా ఉండాలి..

మీ ప్రాబ్లమ్ ఏంటో మాకు అర్థమైంది. మీరు ఒక్క విషయం గుర్తుంచుకోవాలి. పెళ్లి అంటే ఏడడుగులు.. మూడు ముళ్లు.. నలుగురి అక్షింతలే కాదు.. వందేళ్ల కాపురం. అలాంటి బంధం బలంగా ఉండాలంటే.. మీ ఇద్దరి మధ్య ఎలాంటి సీక్రెట్స్ ఉండకూడదు.

మీ వైఫ్ కు మీ ఇబ్బందిని..

ముఖ్యంగా అలాంటి విషయాల్లో అస్సలు మోహమాటపడకూడదు. మీరు ఎంతలా ఇబ్బందికి గురవుతున్నారనే విషయాన్ని తనకు తెలియజేయాలి.

ఫ్రెండ్ అయితే..

మీ భార్యకు ఫ్రెండ్ కావచ్చు. కానీ, తన బిహేవియర్ గురించి మీరిద్దరూ గొడవ పడకుండా చూసుకోవాలి. మీరిద్దరూ కలిసి కూల్ గా మాట్లాడుకోవాలి. ముఖ్యంగా మీ వైఫ్ కు మీరే అర్థమయ్యేలా వివరించాలి.

పాత అలవాట్లు..

ఎందుకంటే మీ కంటే ముందే వారితో బాగా పరిచయం మరియు క్లోజ్ గా ఉండటం అలవాటు అయ్యి ఉంటుంది కాబట్టి.. పెళ్లైన కొత్తలో వెంటనే వారితో రిలేషన్ కట్ చేయమంటే కష్టమవుతుంది. అదే కల్చర్ ను వారు పెళ్లి తర్వాత కూడా కంటిన్యూ చేయొచ్చు.

ఇంకోసారి అలా జరగకుండా..

అయితే మీకు అలాంటి కల్చర్ ఇష్టం లేదని.. మీరు అలాంటి సంఘటనల పట్ల ఎంతలా ఇబ్బంది పడుతున్నారో మీ భార్యకు అర్థమయ్యేలా చెబితే.. తను కూడా మీకు కోఆపరేట్ చేయొచ్చు. అంతేకాదు ఇంకోసారి పార్టీల్లో అలా జరగకుండా జాగ్రత్త పడొచ్చు.