‘నాకు కొత్తగా పెళ్లయ్యింది.. కానీ ఇతర స్త్రీలను చూస్తే కంట్రోల్ చేసుకోలేకపోతున్నా...’

ఆరు నెలల క్రితమే..

‘నా పేరు రాజేష్ (పేరు మార్చాం). నా వయసు 28 సంవత్సరాలు. నాకు ఆరు నెలల క్రితమే బంధువులందరి సమక్షంలో గ్రాండ్ గా పెళ్లి జరిగింది. పెళ్లికి ముందే నాకు చాలా అఫైర్లు ఉండేవి.

పెళ్లి తర్వాత..

అయితే పెళ్లి తర్వాత వాటన్నింటికీ పుల్ స్టాప్ పెట్టి, మంచి వివాహ జీవితం గడుపుదామనుకున్నాను. కానీ నా భార్యతో పాటు ఇతర స్త్రీలను చూస్తే అస్సలు ఆగలేకపోతున్నాను. నాకు తెలియకుండానే నేను కంట్రోల్ తప్పుతున్నాను.

ఎందుకు జరుగుతుందో..

అసలు ఇలా ఎందుకు జరుగుతుందో నాకేమీ అర్థం కావడం లేదు. ఈ సమస్య వారితో వివాహేతర సంబంధాలకు పెట్టుకునేందుకు దారి తీస్తోంది. ఇప్పటికే ఒకట్రెండు సార్లు ప్రయత్నించాను కూడా.

ఎన్నో ప్రయత్నాలు..

అయితే ఇలాంటి పనులు చేయడం తప్పని.. ఈ ప్రాబ్లమ్ నుండి బయటపడేందుకు ఎన్నో ప్రయత్నాలు చేశాను. కానీ నా వల్ల కావట్లేదు. ఈ చెడ్డ అలవాటును ఎలా వదిలించుకోవాలి..

హ్యాపీ లైఫ్..

ఇలాంటి వాటిని పక్కనబెట్టి నేను నా మ్యారేజ్ లైఫ్ ని హ్యాపీగా గడపాలనుకుంటున్నాను. నాకెందుకో లైంగిక క్రీడకు బాగా బానిస అయ్యానేమోనని భయమేస్తోంది. ఇప్పుడు నేనేం చేయాలో అర్థం కావట్లేదు. నాకు సరైన పరిష్కారం చూపగలరు' అంటూ యువకుడు తన సమస్యను చెప్పుకున్నాడు.

తప్పులు చేయడం..

ఈ భూమి మీద ప్రతి మనిషి ఏదో ఒక సందర్భంలో ఏదో ఒక విషయంలో తప్పులు చేస్తుంటాడు. అలాగే పొరపాటు చేయడం కూడా మానవులకు చాలా సహజమే. అయితే వాటి గురించి తెలుసుకుని దాని నుండి బయటపడటమే మన ముందున్న మార్గం.

మళ్లీ జరగకుండా..

అయితే మనం గతంలో చేసిన తప్పుల నుండి గుణపాఠం నేర్చుకుని.. మంచి మార్పు వైపు అడుగులు వేస్తే ఎవ్వరి జీవితం అయినా సంతోషంగా ఉంటుంది.

మీ పార్ట్ నర్ తో ప్రాబ్లమ్ ఉంటే..

ఇక మీ సమస్య విషయానికొస్తే, మీ పార్ట్ నర్ తో మీకేమైనా సమస్యలున్నాయా? అవి మిమ్మల్ని ఇతర స్త్రీలవైపు ఆకర్షిస్తున్నాయా? ఒకవేళ తనతో ఏదైనా ప్రాబ్లమ్ ఉంటే.. ఇతరులతో శారీరక సంబంధాలు పెట్టుకోవడం వల్ల మీకు ఆరోగ్య సమస్యలతో పాటు కుటుంబంలో ప్రాబ్లమ్స్ వస్తాయి. ఎందుకంటే త్వరలో మీరు తండ్రి కాబోతున్నారు.

మంచి నిర్ణయమే..

అయితే మీరు అలాంటి అలవాటుకు గుడ్ బై చెప్పాలనుకోవడం నిజంగా మంచి నిర్ణయమే. ఎందుకంటే మీరు మీ బేబీకి ఒక రోల్ మోడల్ గా ఉండాలి. ఒక్కసారి మీ భవిష్యత్తు గురించి మిమ్మల్ని నమ్ముకుని మీతో వచ్చిన భార్య, బిడ్డల గురించి గురించి ఆలోచించండి. మీరు మీ కెరీర్ పై ఫోకస్ పెట్టాలి. ఆ తప్పు చేయాలనే ఫీలింగ్ వచ్చినప్పుడల్లా ఈ విషయాలను గుర్తుంచుకోండి.

ఆ ఉద్దేశంతో అడుగులు వేస్తే..

ఒకవేళ మీ భార్య ప్రెగ్నెన్సీగా ఉందని..మీరు స్వీయ నియంత్రణ కోల్పోవద్దు. మీరు అటువైపు అసలు అడుగులు వేయకండి. మీరు స్వయంగా త్రుప్తి పొందేందుకు ప్రయత్నించండి. అప్పటికీ మీ సమస్యకు పరిష్కారం దొరక్కపోతే.. మీరు మంచి సైకాలజిస్టుని సంప్రదించండి...