తమ కంటే చిన్న వారిని పెళ్లి చేసుకున్న ప్రముఖలెవరో తెలుసా...

కత్రినా కైఫ్ - విక్కీ కౌశల్

ఇటీవలే పెళ్లి చేసుకున్న కత్రినా కైఫ్ వయసు 38 సంవత్సరాలు. అయితే వరుడు విక్కీ కౌశల్ వయసు కేవలం 33 సంవత్సరాలే. వీరిద్దరి మధ్య ఏజ్ గ్యాప్ ఏకంగా 5 సంవత్సరాలు ఉన్నప్పటికీ.. వీరిద్దరూ ఏడడుగులు వేసేందుకు ఆసక్తి చూపారు. ఈ నేపథ్యంలోనే రాజస్థాన్ లోని పురాతనమైన కోటలో డిసెంబర్ 9వ తేదీన ఘనంగా వివాహం చేసుకున్నారు. ఈ కపుల్ కూడా కలకాలం సంతోషంగా జీవించాలని మనమంతా కోరుకుందాం.

ప్రియాంక చోప్రా - నిక్ జోనాస్

బాలీవుడ్ నటి మరియు ఇంటర్నేషనల్ ఐకాన్ ప్రియాంక చోప్రా 2018లో వివాహం చేసుకున్నారు. వీరిద్దరి మధ్య ఏజ్ గ్యాప్ ఏకంగా పది సంవత్సరాలు. ప్రియాంక చోప్రాకు 37 సంవత్సరాలు.. నిక్ జోన్స్ కు 27 సంవత్సరాల వయసు ఉన్నప్పుడు వీరిద్దరూ వివాహం చేసుకున్నారు. దీంతో వీరి పెళ్లి సోషల్ మీడియాలో బాగా వైరల్ అయ్యింది. వీరి పెళ్లిపై అనేక విమర్శలు కూడా వచ్చాయి. పెళ్లయిన తర్వాత అనేక ఇబ్బందులొస్తాయన్నా.. వీరు వాటి గురించి ఏ మాత్రం పట్టించుకోకుండా హ్యాపీగా మ్యారేజ్ లైఫ్ ను ఎంజాయ్ చేస్తున్నారు.

మలైకా అరోరా ఖాన్- అర్జున్ కపూర్

ఇక బాలీవుడ్ లో మరో పాపులర్ హీరోయిన్ మలైకా అరోరా ఖాన్ 48 సంవత్సరాల వయసులో దర్శక-నిర్మాత బోనీ కపూర్ కుమారుడు అర్జున్ కపూర్ తో డేటింగ్ చేస్తోంది. అర్జున్ కపూర్ వయసు కేవలం 36 సంవత్సరాలే. ఈ జంట మధ్య ఏకంగా 12 సంవత్సరాల వయసు తేడా ఉంది. అయినా వీరిద్దరూ కలిసి హ్యాపీగా ఎంజాయ్ చేస్తున్నారు.

ఊర్మిళ - మొహ్సిన్ అక్తర్

ఒకప్పుడు వెండితెరను ఏలిన ఊర్మిళ హఠాత్తుగా చాలా కాలం పాటు సినీ పరిశ్రమకు దూరమైంది. ఆ తర్వాత ఒకరోజు పెళ్లి వార్త బయటకు రావడంతో అందరూ షాకయ్యారు. ఎందుకంటే ఊర్మిళ తన కంటే పదేళ్లు చిన్న వయసు ఉన్న కాశ్మీరీ వ్యాపారవేత్త మరియు మోడల్ అయిన మొహ్సిన్ అక్తర్ మీర్‌ను వివాహం చేసుకుంది.

సుస్మితా సేన్-రోహ్మన్ షాల్

బాలీవుడ్ లో మరో హీరోయిన్ సుస్మితా సేన్(46) మరియు ఆమె ప్రియుడు రోహ్మన్ షాల్ మధ్య 15 సంవత్సరాల తేడా ఉంది. సుస్మితా సేన్ 31 ఏళ్ల రోహ్‌మన్ ఇన్‌స్టాగ్రామ్‌లో కలిశారు. ఆమె DMలో రోహ్‌మాన్ సందేశాన్ని చూసిన తర్వాతే వారి ప్రేమ కథ ప్రారంభమైందట. సుస్మిత, రోహ్మాన్ కొన్నేళ్ల క్రితం డేటింగ్ ప్రారంభించారు. ఆ తర్వాత 2018లో ఇన్‌స్టాగ్రామ్‌లో తమ సంబంధాన్ని అధికారికంగా ప్రకటించారు.

సోహా అలీ ఖాన్-కునాల్ కెమ్ము

కునాల్ కెమ్ము మరియు సోహా అలీ ఖాన్ ల ప్రేమకథ సంతోషకరమైన ముగింపుతో ఒక రకమైన అద్భుత కథను గుర్తుకు తెస్తుంది. కునాల్ గెమ్ము సోహా అలీ ఖాన్ కంటే 5 సంవత్సరాలు చిన్నవాడు. 2009లో ‘డుండే రే జావోకే' సినిమాలో కలిసి పనిచేసినప్పుడు వీరిద్దరూ ప్రేమలో పడ్డారు.

ఫరా ఖాన్ - శిరీష్

బాలీవుడ్ పాపురల్ డైరెక్టర్ ఫరా ఖాన్ 'మై హూ నా' సెట్‌లో శిరీష్ గుండార్‌ను కలిశారు. అక్కడే వారిద్దరి మధ్య పరిచయం ఏర్పడింది. ఆ తర్వాత వారి పరిచయం కాస్త ప్రేమగా మారింది. అంతే వీరిద్దరి మధ్య ఎనిమిది సంవత్సరాలు ఏజ్ గ్యాప్ ఉన్నా ఏ మాత్రం పట్టించుకోకుండా పెళ్లి చేసుకున్నారు. వీరికి అన్య మరియు దివా అనే ఇద్దరు కుమార్తెలు మరియు జార్ అనే కుమారుడు ఉన్నారు.

మహేష్ బాబు-నమ్రత..

టాలీవుడ్ ప్రిన్స్ మహేష్ బాబు.. తను సినిమాల్లో బిజీగా ఉన్న సమయంలోనే నమ్రతాను పెళ్లి చేసుకున్నారు. అయితే మహేష్ బాబు కంటే నమ్రతా రెండు సంవత్సరాలు పెద్దది. వీరిద్దరూ కూడా తమ వివాహ జీవితాన్ని చాలా సంతోషంగా గడుపుతున్నారు. వీరికి ఇద్దరు పిల్లలు ఉన్నారు. వారిలో ఒకరు సితార. మరొకరు గౌతమ్. వీరిద్దరిలో గౌతమ్ పెద్దొడు.