షాక్! కలయికలో టూత్ పేస్ట్ వాడుతున్న కపుల్స్... అలా వాడితే డేంజరంటున్న డాక్టర్లు...!

అది కష్టమైతే..

కొంతమంది కపుల్స్ లో యోనిలోకి అంగ ప్రవేశం కష్టమవుతుంది. దీంతో కొన్ని లూబ్రికేంట్లను వాడుతూ ఉంటారు. ఇంకా కొంతమంది అక్కడ నూనెలు, వ్యాసిలిన్, కోల్డ్ క్రీమ్స్ తదితర వాటిని వాడుతూ ఉంటారు. అయితే వీటి స్థానంలో ఇటీవల టూత్ పేస్టులను వాడుతున్నారట. దీని వల్ల సులభంగా అంగప్రవేశం జరుగుతుందని, అంతేకాదు.. దీని వల్ల ఎలాంటి సైడ్ ఎఫెక్ట్స్ ఉండవనే ప్రచారం జరిగింది. దీంతో చాలా మంది దీన్ని వాడటం మొదలుపెట్టారట...

ఇది ప్రమాదకరమా?

అయితే ఇలా చేయడం వల్ల ఏదైనా ప్రమాదం ఉందా అంటే.. కచ్చితంగా చాలా ప్రమాదం ఉంటుందని డాక్టర్లు హెచ్చరిస్తున్నారు. టూత్ పేస్టులో కందెన లేదా నూనెలు మాదిరిగా జారుడు స్వభావం ఉండదని.. వీటిని ప్రైవేట్ భాగాలకు రాసి కలయికలో పాల్గొంటే.. ఆ రాపిడికి గాయాలయ్యే అవకాశం ఎక్కువగా ఉందని చెబుతున్నారు.

మంట పుడతాయి..

ఈ టూత్ పేస్టులలో చాలా వాటికి పిండి స్వభావం ఎక్కువగా ఉంటుంది. ఇవి అక్కడ అంటించుకోవడం వల్ల రాపిడి సమయంలో గాయాలవుతాయి. అయితే అవి ఆ సమయంలో పెద్దగా తెలియకపోయినా.. మీ మొత్తం కార్యం అయిపోయిన తర్వాత అవి ఎర్రగా మారి మంట పుడతాయి. ఇవి మన శరీరంలోనే అత్యంత సున్నితమైన భాగాలు కావడం వల్ల.. వీటికి అయిన గాయాలు అంత త్వరగా మానవు.

సోషల్ మీడియాలో..

ఈ చిట్కాలను ఆన్ లైనులో.. సోషల్ మీడియాలో చూసి చాలా మంది వీటిని ట్రై చేస్తున్నారట. ఇప్పుడు చాలా మంది ఇదే ట్రెండుగా భావించారట. అయితే తమకు అయిన గాయాలను... చేదు అనుభవాలను సోషల్ మీడియా వెబ్ సైట్ ‘రెడిట్' ద్వారా పంచుకుని.. తమలా ఎవ్వరూ ఇబ్బందిపడొద్దని చెబుతున్నారు. ఎవ్వరు కూడా టూత్ పేస్టు లూబ్రికెంట్ గా వాడొద్దని సూచిస్తున్నారు.

దంతాలకు మాత్రమే..

టూత్ పేస్టును కేవలం దంతాల మాత్రమే ఉపయోగించాలని.. శరీరంలోని ఏ ఇతర భాగాలపై టూత్ పేస్టును వాడకూడదని డాక్టర్లు సూచిస్తున్నారు. ఒకవేళ టూత్ పేస్టును ప్రైవేట్ భాగాలకు వాడితే అంటు వ్యాధులు లేదా కెమికల్ బర్న్స్ వచ్చే అవకాశం ఎక్కువగా ఉంటుందని హెచ్చరిస్తున్నారు.

ఆనందాన్ని ఆస్వాదించలేరు..

టూత్ పేస్టులో ఉండే బ్లీచింగ్, పిప్పర్మెంట్ లేదా సుగంధ నూనెలు శరీరంలో దద్దుర్లు ఏర్పడేలా చేస్తాయి. అంతేకాదు దీని నుండి వచ్చే ఫంగస్ వల్ల బ్యాక్టీరియాల కారణంగా కలయిక అంటేనే విరక్తి వచ్చేలా చేస్తాయి. వీటిలో ఉండే గరుకుదనం వల్ల యోని భాగంలో చాలా ఇబ్బందిగా ఉంటుంది. దీని వల్ల శృంగారంలో మజాను ఆస్వాదించలేరు అని డాక్టర్లు చెబుతున్నారు.

సంతానంపై ప్రభావం..

శృంగారంలో పాల్గొనే జంటలు ఎవరైనా టూత్ పేస్టులనే కాదు.. బాత్రూమ్ లో వాడే ఇతర ఉత్పత్తులను లూబ్రికెంట్లుగా అస్సలు వాడకూడదు. ఎందుకంటే అవి మన బాడీని క్లీన్ చేసుకోవడానికి మాత్రమే రూపొందించారు. సున్నితమైన ప్రాంతాల్లో వీటిని వాడితే సంతానంపై ప్రభావం పడుతుంది.