‘నా భర్త చేసేది నచ్చట్లేదు.. తనకు దూరంగా వెళ్దామనుకుంటున్నా... కానీ’

బాబు పుట్టాడు..

మా రెండు సంవత్సరాల కాపురానికి గుర్తుగా ఒక బాబు పుట్టాడు. బాబు కోసం ఇన్నాళ్లు అన్ని భరించినా.. ఇక నుండి తనతో కలిసి ఉండాలంటేనే నాకు చాలా ఆందోళన కలుగుతోంది. దీంతో నాకు ఏమి చేయాలో అర్థం కావడం లేదు.

విడిపోదామంటే..

నేను విడాకులు తీసుకుని తన నుండి దూరంగా వెళ్దామంటే.. నాకు పిల్లాడి గురించి చాలా బెంగగా ఉంది. పైగా నా పిల్లాడు మా ఇద్దరి మధ్య గొడవలు చూసి ఎంతగా భయపడతాడో కూడా అర్థం కావడం లేదు. ఇప్పటివరకు ఇంట్లో మేము ముగ్గురమే ఎక్కువగా ఉండేవాళ్లం. మా పిల్లాడికి మా ఇద్దరితో రిలేషన్ బాగుంది. కానీ మేమిద్దరం విడిపోతే బాబు ఎవరో ఒకరి వద్దే ఉండాల్సి వస్తుంది. కానీ నేను అలా చేయలేను.

పిల్లాడిని వదులుకుంటే..

ఒకవేళ నేను పిల్లాడిని వదులుకుంటే.. నా బాబ ప్రవర్తన, ఆలోచనా విధానం అన్ని మారిపోతాయి. తను పెరిగి పెద్దయిన తర్వాత అచ్చం నా భర్తలా మారితే బాగుండదు. కాబట్టి నేను మంచి సలహా కోసం ఎదురుచూస్తున్నాను. పిల్లాడు ఉన్నాడు నేను తీసుకునే నిర్ణయం బెస్ట్ గా ఉండాలి. నా నిర్ణయం ఎవరినీ బాధ పెట్టకూడదంటే.. నేనేం చేయాలి. నా సమస్యకు పరిష్కారం చెప్పగలరు' అంటూ ఓ వివాహిత తన బాధను చెప్పుకుంది.

చాలా కష్టమే..

మీరు ప్రస్తుతం ఉన్న పరిస్థితి చాలా క్లిష్టమైనదే. నేటి కాలంలో చాలా మంది మహిళలు తమ భాగస్వామితో అనేక సమస్యలను ఎదుర్కొంటున్నారు. మరీ ముఖ్యంగా ప్రస్తుతం ఇలాంటి ఇబ్బందులు ఎక్కువయ్యాయి. మీరు ఉత్తమ నిర్ణయం తీసుకోవాలనుకుంటున్నారు.. మీ బాబు భవిష్యత్తు కోసం ఆలోచించడం కూడా మంచిగానే ఉంది.

మంచి వాతావరణంలో..

అయితే మీరు ఇప్పుడు భావోద్వేగంగా ఏదైనా నిర్ణయం తీసుకుంటే.. అది మీ బాబుపై తీవ్ర ప్రభావమే చూపుతుంది. పైగా మీ పిల్లాడు చాలా ఎదగాలి. ఇలాంటి సమస్యల వల్ల తన భవిష్యత్తు నాశనం కాకూడదు. మీ పిల్లాడు మంచి వాతావరణంలో పెరగాలి. అలా చేయడం మీ బాధ్యత.

ఒకటికి రెండుసార్లు..

కాబట్టి ఇలాంటి సమయంలో మీరు ఒకటికి రెండుసార్లు ఆలోచించాలి. మీ పిల్లాడి భవిష్యత్తు మీ మీద ఆధారపడి ఉంది. కాబట్టి మీరు మీ స్నేహితులతో, పెద్దలతో ఒకసారి దీని గురించి మాట్లాడండి. మీరిద్దరూ మీ బాబు ముందు అరచుకోవడం.. గొడవపడటం వంటివిచేయకండి. ఒకవేళ మీ ఇద్దరు గొడవలు పడినా మీ బాబుకు దూరంగా జరిగేలా జాగ్రత్తలు తీసుకోండి.

మనసు పాడు చేసుకోవద్దు..

అంతేగానీ ఎక్కువగా ఆలోచించి మీ మనసును పాడు చేసుకోకండి. మీ బాబు జీవితాన్ని ప్రశాంతంగా ఉండేలా చూడండి. మీ ఇద్దరి మధ్య రిలేషన్లో సఖ్యత కోసం మంచి మానసిక నిపుణులను సంప్రదించండి. అప్పుడు మీకు కచ్చితంగా మంచి పరిష్కారం లభించొచ్చు.