లాక్ డౌన్ వేళ.. టాలీవుడ్ లో పెళ్లి కళ వచ్చేసిందే బాలా...!

లాక్ అయిన రానా...

భళ్లాలదేవుడిగా తన టాలెంట్ నిరూపించుకున్న రానా ఇన్ని రోజులు బ్యాచ్ లర్ గా గడిపాడు. తన పెళ్లి విషయం గురించి ఎవర్నడిగినా సమాధానం దాటవేస్తూ వచ్చాడు. అయితే కరోనా లాక్ డౌన్ వేళ మాత్రం తన ఫియాన్సీ వివరాలను చెప్పి అందరికీ షాకిచ్చాడు. డిసెంబరులో తన వివాహం జరిగే అవకాశం ఉందని వార్తలు కూడా వినిపిస్తున్నాయి.

భళ్లాలదేవుడితో బజాజ్..

అంతేకాదు తన కాబోయే భార్య మిహీకా బజాజ్ తో కలిసి దిగిన ఓ సెల్ఫీని సైతం సోషల్ మీడియాలో షేర్ చేసి అందర్నీ ఆశ్చర్యపడిచాడు. తన ఎంగేజ్ మెంట్ కు సమయం ఎంతో దూరంలో లేదని చెప్పేశాడు. అంతేకాదు అతి త్వరలోనే తామిద్దరూ పెళ్లి చేసుకోబోతున్నట్లు సంకేతాలు సైతం ఇచ్చాడు. దీంతో రానా అభిమానులు తన ప్రేమ గురించి తెలుసుకునేందుకు సోషల్ మీడియాలో తెగ వెతికారు. ఇంతకాలం గుట్టుచప్పుడు కాకుండా ప్రేమాయణం సాగించిన రానా ఫియాన్సీ గురించి తెలుసుకునేందుకు తెగ ఆసక్తి చూపారు.

వైఘా రెడ్డితో దిల్ రాజు

టాలీవుడ్ లో ప్రస్తుత లాక్ డౌన్ వేళ అందరి కంటే ముందుగా పెళ్లి చేసుకున్న వారిలో ప్రముఖ నిర్మాత దిల్ రాజు ముందు వరుసలో ఉన్నాడు. ఇటీవలే తను కూడా సోషల్ మీడియా ద్వారా తన రెండో పెళ్లి గురించి వివరాలు తెలియజేశాడు. ఆ తర్వాతి రోజే తన వైఘా రెడ్డితో వివాహం చేసుకుని అందరినీ ఆశ్చర్యపరిచాడు. అంతేకాదు తన కూతురే ఆ పెళ్లికి పెద్దగా వ్యవహరించినట్లు పుకార్లు కూడా వినిపించాయి.

నిఖిల్ నిశ్చితార్థం..

Image courtosy

ఇక టాలీవుడ్ లో మరో యంగ్ హీరో నిఖిల్. హ్యాపీ డేస్ తర్వాత వరుసగా సినిమాలు చేస్తున్న ఈ కుర్ర హీరో కూడా ఇంతకుముందే తన ఎంగేజ్ మెంట్ వివరాలను కూడా వెల్లడించాడు. అయితే పెళ్లి కావాల్సిన సమయంలో లాక్ డౌన్ వచ్చింది.

పల్లవి వర్మతో నిఖిల్..

Image courtosy

అయితే లాక్ డౌన్ మళ్లీ పొడిగించే అవకాశాలు ఉన్నాయని, ఇటీవలే ప్రధాని ప్రకటించడంతో, నిఖిల్ పల్లవి వర్మతో కలిసి గురువారం రాత్రి వివాహం చేసుకున్నాడు. తన పెళ్లి యొక్క ఫొటోలను సోషల్ మీడియాతో షేర్ చేసుకున్నాడు.

వైరల్ అయిన ఫొటోలు..

Image courtosy

అయితే దిల్ రాజ్ జంట కంటే యంగ్ హీరో నిఖిల్ జంట ఫొటోలు సోషల్ మీడియాలో చాలా వేగంగా వైరల్ అయిపోయాయి. ఈ ఫొటోలను చూసిన నెటిజన్లు తమదైన శైలిలో కామెంట్లు చేస్తున్నారు. అయితే అందరి కంటే ఓ నెటిజన్ కామెంట్ అందరిని ఆకట్టుకుంది. అదే ‘టాలీవుడ్ కు పెళ్లి కళ వచ్చేసిందే బాలా‘ అని కామెంట్లు చేస్తున్నారు.

మిగతా హీరోలు కూడా..

Image courtosy

ఈ లెక్కన చూసుకుంటే.. మిగిలిన టాలీవుడ్ హీరోలు కూడా తమ బ్యాచ్ లర్ జీవితానికి గుడ్ చెప్పేసి.. త్వరగా ఓ ఇంటి వారయ్యేందుకు ప్రయత్నాలు ముమ్మరం చేస్తున్నారు. తాజాగా నిఖిల్ వివాహం పూర్తవ్వడంతో.. ఇక తర్వాత నితిన్ ఒక్కడే ప్రస్తుతానికి పెళ్లి చేసుకునేందుకు రెడీగా ఉన్నాడు. తన వివాహం కూడా ఏప్రిల్ 16నే కావాల్సి ఉండగా, లాక్ డౌన్ కారణంగా వాయిదా పడింది.

జబర్దస్త్ మహేష్..

Image courtosy

అయితే లాక్ డౌన్ వేళ మరో టాలీవుడ్ నటుడు, జబర్దస్త్ మహేష్ కూడా అకస్మాత్తుగా పెళ్లి చేసుకుని అందరికీ షాకిచ్చాడు. ఈ నటుడు తన కొత్త జీవితాన్ని బంధువుల అమ్మాయితోనే ప్రారంభించబోతున్నట్లు తెలిపాడు. తన ఫొటోలను కూడా సోషల్ మీడియాలో పెట్టడంతో అవి కూడా బాగా వైరల్ అయ్యాయి.

శుభాకాంక్షల వెల్లువ..

Image courtosy

నిఖిల్ పెళ్లి చేసుకున్న రోజే మహేష్ కూడా పెళ్లి చేసుకోవడం, ఆ ఫొటోలు సోషల్ మీడియాలో ప్రత్యక్షమవడంతో నెటిజన్లు, వారి మిత్రులు, శ్రేయోభిలాషులందరూ శుభాకాంక్షలు చెబుతున్నారు. తూర్పుగోదావరి జిల్లా రాజోలుకు చెందిన మహేష్ తన బంధువుల అమ్మాయి పావనిని పెళ్లి చేసుకున్నాడు. లాక్ డౌన్ వల్ల అతి కొద్ది మంది సన్నిహితుల సమక్షంలో సింపుల్ గా పెళ్లి చేసుకున్నాడు. వీరి జోడిలను చూసిన నెటిజన్లంతా ‘నైస్ పెయిర్‘ ‘దీర్ఘసుమంగళి భవ‘ అంటూ పెళ్లి శుభాకాంక్షలు తెలుపుతున్నారు.