‘నా భర్త గురించి నాతో నెగిటివ్ గా చెబుతోంది... నమ్మాలా వద్దా’?

నెగిటివ్ విషయాలను..

హాయ్..‘నా పేరు వైశాలి(పేరు మార్చాం). నా వయసు 25 సంవత్సరాలు. నాకు ఇటీవలే కొత్తగా పెళ్లి అయ్యింది. మా అత్తగారు నాతో చాలా క్లోజ్ గా ఉంటారు. అన్నీ ఓపెన్ గా మాట్లాడతారు. అయితే నా భర్త గురించి ప్రతిరోజూ ఏదో ఒక నెగిటివ్ విషయాన్ని చెబుతారు.

అలా కుదరదు..

ఇదే విషయాన్ని నేను నా భర్తకి వెళ్లి చెబితే.. వెంటనే తల్లి, కొడుకు మధ్య గొడవలు అయిపోతాయని సైలెంట్ గా ఉంటున్నాను. ఆ సమయంలో తను కూడా హ్యాపీగా ఫీలవ్వడు. అలా అని నేను మా అత్త నుండి దూరంగా వెళ్లడానికి కుదరదు. ఎందుకంటే మాది ఉమ్మడి కుటుంబం. అయితే తన ప్రవర్తన నాకు నచ్చడం లేదు. నేను ఇలాంటి ఇబ్బందులను ఎలా అధిగమించాలి' అనే ఓ వివాహిత తన సమస్యను చెప్పుకుంది.

పరోక్షంగా చెప్పండి..

మీ అత్తగారు మీతో ఎలాగో అన్ని విషయాలను ఓపెన్ గా చెబుతారు కాబట్టి.. తనకు మీరు అలాంటివి నచ్చవని పరోక్షంగా చెప్పాలి. లేదంటే తను ఎప్పటికీ ఆ విషయాలను అర్థం చేసుకోలేదు. అప్పటికీ మీ సమస్య పరిష్కారం కాకపోతే.. ఓపెన్ గా చెప్పేయండి. అలా చెప్పడం వల్ల మళ్లీ అలాంటి ఇబ్బందులు రాకపోవచ్చు. అంతేకాదు ఆమె తన తప్పుల్ని తెలుసుకోవడానికి వీలు కలుగుతుంది.

ఎలాంటి ప్రభావమో చెప్పండి..

తనకు మీ ఇద్దరి మధ్య ఉండే లిమిట్స్ గురించి ఒకసారి తెలియజేయండి. మీ ఇద్దరి మధ్య సంబంధాలను ఆమె మాటలు ఎలాంటి ప్రభావాన్ని చూపిస్తున్నాయనేది ఆమె తెలుసుకుంటే.. మీ సమస్య పరిష్కారమైనట్టే. మీరు ఇలా చేయడం వల్ల ఆమె మిమ్మల్ని కాస్త అర్థం చేసుకోవచ్చు.

అవి షేర్ చేసుకోండి..

మీరు మీ అత్తగారితో సరైన కమ్యూనికేషన్ చేస్తే.. ముఖ్యంగా మీ భావోద్వేగాలను తనకు తెలియజేయగలిగితే చాలు. అందుకోసం మీరు కాస్త ఓపిక, తీరికగా ఉండాలి. ఇలా చేయడం వల్ల మీరు అలాంటి ఇబ్బందుల నుండి ఈజీగా బయటపడొచ్చు.

తన స్థానంలో ఉండి..

మీరు మీ అత్తగారి స్థానంలో ఉండి ఒకసారి ఆలోచించండి. తను మీ కాపురం సంతోషంగా ఉండాలనే అలాంటి విషయాలు చెబుతున్నారా? లేదా అనే విషయాలను ఆలోచించండి. ఆమె మీతో మరింత దగ్గరవ్వడానికి అలా చేస్తున్నారా అనేది తెలుసుకోవడానికి ప్రయత్నించండి.

బాధపడొద్దు..

మీ అత్తగారితో మాట్లాడేటప్పుడు తను చెప్పే మాటలకు మీరు బాధపడాల్సిన అవసరం లేదు. మీరు కొంత ఒత్తిడిని తట్టుకుంటే చాలు అనేక సమస్యలకు పరిష్కారం లభిస్తుంది. అంతేకాదు కొన్ని విషయాల్లో మీరు రాజీ అవ్వాల్సి ఉంటుంది. ఇలా చేస్తే మీ సమస్యలకు పరిష్కారం లభించొచ్చు.