వారిద్దరికీ అందుకు సమయమే దొరకడం లేదంట... ఎందుకంటే వారింట్లో ఏకంగా 9 మంది సంతానం...!

వారిద్దరికీ అందుకు సమయమే దొరకడం లేదంట... !

మ్యాక్సైజన్, జేక్ దంపతులది పెనిస్లేవియాలోని ఓ ప్రాంతం. వీరిద్దరికీ వివాహం జరిగి చాలా సంవత్సరాలు పూర్తయ్యింది. కొన్నేళ్లుగా వీరికి పిల్లలే పుట్టలేదు. పిల్లల కోసం వీరు ఎంత ప్రయత్నం చేసినా.. ఫలితం రాలేదు. దాని కోసం ఎవరిలో లోపం ఉందోనని ఎన్నో రకాల చికిత్సలు కూడా చేయించుకున్నారు.

పిల్లలు పుట్టలేదు..

వీరిద్దరూ పిల్లల కోసం ఎన్ని ప్రయత్నాలు చేయాలో.. అన్నింటినీ చేశారు. అయినా కూడా వీరికి పిల్లలు పుట్టకపోవడంతో తీవ్ర నిరాశకు గురయ్యారు. ఇక తమకు సంతాన యోగ్యం లేదనుకున్నారు. అందుకే నలుగురు చిన్నారులను దత్తత తీసుకుని వారితో జీవితం గడిపేస్తున్నారు.

ఐవీఎఫ్ పద్ధతిలో..

అయితే ఓ రోజు వారిద్దరికీ ఎవరో ఐవీఫ్ పద్ధతిని ట్రై చెయ్యమన్నారు. దీంతో ఆమె In Vitro Fertilization(IVF) పద్ధతి ద్వారా ప్రెగ్నెంట్ అయ్యింది. అంతే కేవలం ఏడాదిలోపే ఓ పండంటి బిడ్డకు జన్మనిచ్చింది. రెండేళ్ల క్రితం అంటే 2018లో మగబిడ్డ పుట్టడంతో.. మొత్తం వారింట్లో ఐదుగురు చిన్నారులయ్యారు.

మరోసారి సహజ పద్ధతిలో..

అలా ఆ ఐదుగురే పిల్లలే లోకంగా బతుకుతున్న వారి జీవితంలోకి అకస్మాత్తుగా ఓ మరో ఆశ్చర్యకరమైన సంఘటన చోటు చేసుకుంది. ఆమె మరోసారి సహజ పద్ధతిలో ప్రెగ్నెంట్ అయ్యింది.

ఏకంగా నలుగురు..

ఆమె ప్రెగ్నెన్సీ అని నిర్ధారణ చేసిన వైద్యులు.. ఆమెకు టెస్టులు చేయగా.. ఆమె కడుపులో ఒకరు కాదు.. ఇద్దరు కాదు.. ఏకంగా నలుగురు చిన్నారులు పెరుగుతున్నారని షాకింగ్ న్యూస్ చెప్పారు.

మొత్తం 9 మంది..

అంతేకాదు.. ఆమె ఆ నలుగురు చిన్నారులకు ఇటీవలే విజయవంతంగా జన్మనిచ్చింది. వీరంతా మూడు నుండి నాలుగు పౌండ్ల బరువు ఉన్నారని డాక్టర్లు తెలిపారు. దీంతో మొత్తం ఆ ఇంట్లో కేవలం రెండు సంవత్సరాల కాలంలో 9 మంది చిన్నారులకు తల్లిదండ్రులయ్యారు. ఇటీవల పుట్టిన నలుగురికి సిలార్ లెడ్జర్, థియో అలెగ్జాండర్, బెక్ కిల్లియన్ మరియు సిసిలియా హడ్సన్ అని పేరు పెట్టారట.

తెగ సంబరం..

తమ జీవితంలో ఒక్క చిన్నారి కూడా రాడని బాధపడ్డామని.. అలాంటిది ఇప్పుడు తమకు 9 మంది పిల్లలు ఉన్నారంటూ వారు తెగ సంబరపడిపోతున్నారు. ఇదే విషయాన్ని వారు సోషల్ మీడియా ద్వారా అందరితో షేర్ చేసుకున్నారు.

సమయమే సరిపోవడం లేదట..

అంతమంది పిల్లలతో హాయిగా కాలం గడిపేద్దామనుకున్న వారికి.. ఇప్పుడు అదే సమయమే ఇబ్బందిగా మారుతోందని బాధపడుతున్నారు. ప్రస్తుతం ఆ చిన్నారులను చూసుకోవడానికి వారికి సమయమే ఏ మాత్రం సరిపోవడం లేదంట. తమ రొమాన్స్ కి కూడా కనీస టైమ్ దొరకడం లేదని తెగ ఫీలవుతున్నారు.

Courtesy: All Images Credited