చిరంజీవి గురించి రామ్ చరణ్ సంచలన వ్యాఖ్యలు.. అందరిలానే అరవింద్‌తోనే అంటూ..!

మెగా పవర్ స్టార్ రామ్ చరణ్ ఇటీవల నందమూరి బాలకృష్ణ హోస్ట్‌గా వ్యవహరిస్తున్న అన్‌స్టాపబుల్ సీజన్-4 షోలో పాల్గొన్నారు. దీనికి సంబంధించిన ప్రోమోను ఆహ విడుదల చేసింది కూడా. రామ్ చరణ్‌తో పాటు శర్వానంద్, నిర్మాత విక్రమ్ కూడా ఈ షోలో పాల్గొని సందడి చేశారు. యూట్యూబ్‌లో ప్రస్తుతం ట్రెండింగ్‌లో కొనసాగుతుంది. ఈ ప్రోమోలో రామ్ చరణ్ పలు ఆసక్తికరమైన విషయాలను వెల్లడించారు. అందులో తన తండ్రి, నిర్మాత అల్లు అరవింద్ గురించి కూడా ఉంది. అసలు రామ్ చరణ్ ఏం చెప్పారు? ఎలాంటి వ్యాఖ్యలు చేశారు అనేది ఈ స్టోరీలో తెలుసుకుందాం.

అల్లు అరవింద్‌తో వెళ్తానని..

ఈ ప్రోమోలో బాలకృష్ణ ఒక ఆసక్తికరమైన ప్రశ్నను సంధించారు. చిరంజీవి, నాగబాబు, పవన్ కళ్యాణ్ ఫోటోలను షేర్ చేసి.. ఈ ముగ్గురిలో ఎవరితో పార్టీకి వెళ్తావని రామ్ చరణ్‌ను అడుగుతారు. దానికి రామ్ చరణ్ చెప్పిన సమాధానానికి అక్కడ ఉన్న వారితో పాటు ఆ ప్రోమో చూసిన వ్యక్తులు కూడా షాక్ అయ్యారు. బాలకృష్ణ అడిగిన దానిలో అసలు లేని పేరును రామ్ చరణ్ తెరపైకి తెచ్చారు. అదే అల్లు అరవింద్.

తాను చిరంజీవి, పవన్ కళ్యాణ్, నాగబాబుతో కాకుండా తన మామ అల్లు అరవింద్‌తో పార్టీకి వెళ్తానని పేర్కొన్నారు. అల్లు అరవింద్‌తో వెళ్లేందుకు తాను ఇష్టపడతానని, ఆయనతోనే తనకు పార్టీ చేసుకోవడం ఇష్టమని తెలిపారు. ఈ వార్తలు ప్రస్తుతం సోషల్ మీడియాలో వైరల్‌గా మారాయి. మెగా అభిమానులతో పాటు అల్లు అభిమానులు కూడా ఈ వార్తలు విని కుష్ అవుతున్నారు.

అందరిలాగానే రామ్ చరణ్ కూడా..

మనలో చాలా మంది తండ్రి కంటే ఎక్కువగా మామను ఇష్టపడుతుంటారు. మావయ్యతోనే ప్రతీది షేర్ చేసుకోవడానికి ఇష్టపడుతుంటారు. పైగా మావయ్యతోనే ఎక్కడికైనా వెళ్ళడానికి ఇష్టపడుతుంటారు. ప్రతి వ్యక్తి ఇదే చేస్తారు. రామ్ చరణ్ కూడా మనలో ఒకరే అని ఆయన ఈరోజు చేసిన వ్యాఖ్యలతో అర్థమైపోతుంది. దీనికి కొన్ని కారణాలు కూడా ఉంటాయి. తండ్రి కంటే మావయ్య ఎక్కువగా ఫ్రీడమ్ ఇవ్వడం కూడా దీనికి కారణం అవ్వొచ్చు. దీంతో పాటు మావయ్య ప్రతి విషయాన్ని పాజిటివ్‌గా తీసుకుంటారు. అలాగే సమస్యను పరిష్కరించుకునేందుకు సహాయపడతారు. అందుకే ప్రతి ఒక్కరూ తండ్రికంటే మావయ్యతోనే ప్రతీది పంచుకోవడానికి ఇష్టపడుతారు. అలాగే రామ్ చరణ్ కూడా.