సంభోగంలో పాల్గొన్న తర్వాత చేయకూడని,చేయవలసిన పనులివే..అది మిస్ చేస్తే మాత్రం..

శృంగారం లేదా సంభోగం అనేది రెండు శరీరాల కలయిక మాత్రమే కాదు..ఇది ఇరువురికి మానసికంగా,శారీరకంగా ఎంతో మేలు చేస్తుంది. ప్రతి ఒక్కరి జీవితంలో శృంగారం అనేది భాగమే కాబట్టి ఈ విషయం గురించి తెలుసుకోవడానికి సిగ్గుపడకూడదు, భయ పడకూడదు. కోరికలు అనేవి మగ, ఆడ ఇద్దరిలో సమానమే. ఈ రోజుల్లో చాలామంది చిన్న వయస్సులోనే శృంగారం మీద కోరిక తగ్గిపోతుంది..గతంలో వయస్సు పైబడినవారు కూడా భాగస్వామితో సంభోగానికి సై అనేవాళ్లు. అయితే ఇప్పుడు మారిన జీవినపరిస్థితులు,ఆహార అలవాట్లు ఇలా రకరకాల కారణాలతో లైంగిక జీవితాన్ని చాలా జంటలు పూర్తిస్థాయిలో ఆస్వాదించలేకపోతున్నారు.

ఇదిలా ఉంటే సంభోగంలో పాల్గొన్న తర్వాత ఖచ్చితంగా చేయాల్సిన, చేయకూడని పనులు కొన్ని ఉన్నాయి. ఇవి తెలుసుకోవడం చాలా ముఖ్యం. ఎందుకంటూ సంభోగం తర్వాత చాలా మంది చేసే కొన్ని సాధారణ తప్పులు ఉన్నాయి, ఇవి ఇన్ఫెక్షన్ల ప్రమాదాన్ని పెంచుతాయి. కాబట్టి వీటి గురించి తెలుసుకోవడం ద్వారా మీరు ఆరోగ్యంగా ఉంటారు,అదేవిధంగా మీ సంబంధం కూడా మెరుగుపడుతుంది.

సంభోగంలో పాల్గొన్న తర్వాత చేయాల్సిన,చేయకూడని పనులు ఇవే

నీరు తాగాలి
మిమ్మల్ని మీరు హైడ్రేటెడ్ గా ఉంచుకోవడానికి నీరు ముఖ్యమైన మార్గం. సంభోగ సమయంలో శరీర ఉష్ణోగ్రత పెరుగుతుంది, చెమటలు పడతాయి. అలాగే యోని కూడా పొడిగా మారవచ్చు. అందుకే శృంగారంలో పాల్గొన్న తర్వాత నీరు తాగడం.. మొత్తం శరీరాన్ని నార్మల్ టెంపరేచర్ కు తీసుకురావడానికి మంచి పద్ధతి. తద్వార మీ శరీరం డీహైడ్రేషన్ కు గురికాదు.

స్నానం

సంభోగం అయిపోయిన వెంటనే మంచం మీద నుండి లేచి స్నానం చేయవలసిన అవసరం లేదు. కానీ సంభోగంలో పాల్గొన్న తర్వాత సున్నితంగా శుభ్రం చేసుకోవడం వల్ల పురుషులు, స్త్రీలు మూత్ర నాళం వంటి ఇన్ఫెక్షన్ల నుండి రక్షించబడతారు. మీ జననేంద్రియాల చుట్టూ ఉన్న బయట ప్రాంతాన్ని సాధారణ గోరువెచ్చని నీటితో కడగాలి. మీరు తేలికపాటి సబ్బులను ప్రయత్నించవచ్చు. అయితే మీ స్కిన్ సున్నితమైనదైతే లేదా మీకు ఇప్పటికే ఇన్ఫెక్షన్ ఉంటే అవి ఆ ప్రాంతాన్ని చికాకు పెట్టవచ్చు.

అంతర్గత అవయవాన్ని రుద్దడం
యోనిని శుభ్రం చేసుకోవడం అవసరమే కానీ అంతర్గత అవయవాలను రుద్దడం మానుకోవాలి. ఇలా చేయడం వల్ల ఇన్ఫెక్షన్ వచ్చే ప్రమాదం బాగా పెరుగుతుంది.

అవి ధరంచకూడదు

సంభోగంలో పాల్గొన్న తర్వాత మీ శరీరం వేడెక్కుతుంది, మీకు చెమట పడుతుంది. మీరు నైలాన్ లేదా సింథటిక్ లోదుస్తులు ధరిస్తే అది రాపిడికి కారణమవుతుంది. సంభోగం తర్వాత చాలా సమయం వరకు మహిళల యోని ఇన్ఫెక్షన్ కోసం సిద్ధంగా ఉంటుంది. కాబట్టి శుభ్రం చేసి ఆరిన తర్వాత బిగుతుగా ఉన్న, చెమట పట్టే లేదా తడిగా ఉన్న ఏ బట్టలు ధరించవద్దు. బిగుతుగా ఉండే లోదుస్తులు ధరించడం వల్ల తొడలలో చికాకు కలుగుతుంది. అందుకే సంభోగం తర్వాత యోని ఆరిన తర్వాత ప్యాంటీలు వేసుకోకుండా ఉండటానికి ప్రయత్నించండి. ప్యాంటీలకు బదులుగా వదులుగా ఉండే కాటన్ పైజామాలు ధరించండి. సంభోగం తర్వాత లోదుస్తులు ధరించకపోవడం మంచిది ఎందుకంటే ఇది ఈస్ట్ ఇన్ఫెక్షన్, దురద, చికాకు ప్రమాదాన్ని తగ్గిస్తుంది.

నొప్పిని విస్మరించకూడదు
ఇలా మొదటిసారి జరగడం సాధారణమే కానీ ప్రతిసారీ సంభోగం తర్వాత నొప్పి రావడానికి కారణం యోనిజం, ఎండోమెట్రియోసిస్, ఫైబ్రాయిడ్స్ వంటి మొదలైనవి ఉండవచ్చు. భరించలేని నొప్పిని విస్మరించడం వల్ల భవిష్యత్తులో పెద్ద సమస్యలు వస్తాయి. కాబట్టి ఇలా నొప్పి వస్తుంటే వెంటనే డాక్టర్ ని సంప్రదించాలి.

చేతులు శుభ్రం

సంభోగ సమయంలో మీ చేతులు, నోరు చాలా చోట్లకు వెళ్తాయి. ఇన్ఫెక్షన్ శరీరంలోకి ప్రవేశించడానికి ఇవి రెండు అతిపెద్ద మార్గాలు. అందుకే శృంగారంలో పాల్గొన్న తర్వాత మీ చేతులను బాగా కడుక్కోవడం, శానిటైజ్ చేసుకోవడం మర్చిపోవద్దు. బాగా కడిగి అవసరమైతే బ్రష్ చేయండి. ఇది మీ పరిశుభ్రతకు చాలా ముఖ్యం.

ఆరోగ్యకరమైన స్నాక్స్
సంభోగంలో పాల్గొన్న తర్వాత కొన్ని ఆరోగ్యకరమైన స్నాక్స్ కూడా తినాలి. రొమాన్స్ సమయంలో చాలా కేలరీలు ఖర్చవుతాయి కాబట్టి వాటిని తిరిగి పొందడానికి ఆరోగ్యకరమైన స్నాక్స్ బెస్ట్ ఆప్షన్.

సంభోగం తర్వాత కౌగిలింత
భాగస్వామితో సంభోగంలో పాల్గొన్న తర్వాత ఇద్దరూ కౌగిలించుకోవడం అవసరం . దీని వల్ల ఒకరిని అవసరమైన అనుభూతిని కలిగిస్తాయి. అందువల్ల ఇది భావోద్వేగ సంతృప్తికి దోహదం చేస్తుంది.

గర్భవతి అయితే

గర్భధారణ సమయంలో కొన్ని నెలల వరకు సంభోగం సాధారణంగా సురక్షితమే. కానీ ఈ సమయంలో మీరు UTI ల వంటి ఇన్ఫెక్షన్లు వచ్చే అవకాశం ఎక్కువగా ఉంటుంది. కాబట్టి సంభోగం తర్వాత ప్రాథమిక విషయాలను జాగ్రత్తగా చూసుకోవడం మరింత ముఖ్యం. సంభోగం తర్వాత మూత్ర విసర్జన చేయడం, యోని చుట్టూ కడుక్కోవడం, నీరు త్రాగడం వంటివి ముఖ్యంగా చేయాలి.. మీ భాగస్వామిని కూడా అలాగే చేయమని ప్రోత్సహించండి.

వేడి నీటి స్నానం
సంభోగంలో పాల్గొన్న తర్వాత చాలామంది మంచిగా హోట్ వాటర్ తో స్నానం చేస్తుంటారు. దీనివల్ల తమకు రిలాక్సేషన్ ఉంటుందని వారు భావిస్తారు. వాస్తవానికి వేడి నీరు బ్యాక్టీరియాకు సంతానోత్పత్తి ప్రదేశాన్ని అందిస్తుంది, ఇది ఇన్ఫెక్షన్ ప్రమాదాన్ని అనేక రెట్లు పెంచుతుంది. ఇది మీ జననేంద్రియ ఆరోగ్యానికి మాత్రమే కాకుండా మీ భాగస్వామి ఆరోగ్యానికి కూడా హానికరం. కాబట్టి నీటిని కొద్దిగా గోరువెచ్చగా ఉంచి అందులో ఒక చెంచా వెనిగర్ జోడించండి.