పెళ్లికి ముందు శృంగారం గురించి మాట్లాడుకోండి, ఎందుకో తెలుసా?

చాలా మంది దంపతులు శృంగార సమస్యలు ఎదుర్కొంటారు. ఏదో ఒక సమస్యతో ఇబ్బంది పడతారు. ఒకరికి నచ్చినవి మరొకరికి నచ్చకపోవడం, ఒకరి ఇష్టాలను మరొకరు ఇష్టపడకపోవడం, భంగిమల విషయంలో వేర్వేరు కోరికలు, ఒకరికి ఎక్కువ కోరికలు ఉండటం మరొకరికి తక్కువ ఉండటం.. ఇలా చాలానే శృంగారం సమస్యలు రావొచ్చు.

సెక్స్‌ను చూసే ధోరణిలో తేడాలు, పూర్తిగా భిన్నమైన కోరికలు లాంటి వాటితో సమస్యలు రావొచ్చు. అందుకే పెళ్లికి ముందే కాబోయే జీవిత భాగస్వామితో శృంగారపరమైన విషయాల గురించి మాట్లాడుకోవాలని సూచిస్తారు రిలేషన్‌షిప్ ఎక్స్‌పర్ట్స్‌. పెళ్లి కాకముందే శృంగారం గురించి ఎలా మాట్లాడాలో ఇప్పుడు తెలుసుకుందాం.

వారి ప్రాధాన్యతల గురించి తెలుసుకోవాలి:
శృంగారంలో ఒకరి ఇష్టాయిష్టాలు తెలుసుకుని నడుచుకోవాలి. దీని వల్ల ఇద్దరూ ఆనందంగా సెక్స్ ను ఎంజాయ్ చేస్తారు. ఒకరికి ఇష్టమైనవి మరొకరికి ఇష్టం ఉండకపోవచ్చు. కాబట్టి ఏది ఇష్టమో ఏది ఇష్టంలేదో తెలుసుకోవాలంటారు రిలేషన్‌షిప్ ఎక్స్‌పర్ట్స్.

మీ గురించి చెప్పాలి:
సెక్స్ అనేది ఇద్దరు వ్యక్తులు అనుభవించాల్సిన ఆనందం. ఒక్కరే తమ ఇష్టమొచ్చినట్లుగా శృంగారం చేస్తూ పోతే దాంట్లో అసలైన సంతృప్తి మిస్ అవుతుంది. ఏదైనా కొత్తగా ప్రయత్నించాలనిపించినా, ప్రయోగాలు చేయాలనిపించినా ముందుగా భాగస్వామికి చెప్పి ఒప్పించి తర్వాతే ప్రొసీడ్ కావాలి. కోరికలు, అవసరాలు, సౌకర్యాల గురించి ఇద్దరూ పారదర్శకంగా మాట్లాడుకోవాలి.

ఇతర విషయాలు:
ఇద్దరికీ ఇష్టమైతే శృంగారానికి మించి ఇతర విషయాలు కూడా మాట్లాడుకోవచ్చు. గత అనుభవాలు, వాటి నుండి అలవర్చుకున్న విషయాలు చర్చించడం వల్ల కూడా మంచి ప్రయోజనం ఉంటుంది. ఇతర ఇబ్బందికర విషయాల గురించి సున్నితంగా మాట్లాడుకుంటే రాబోయే రోజుల్లో దాని వల్ల మంచి ఫలితం కనిపిస్తుంది.

కంప్యాషన్:
జంటల మధ్య తప్పనిసరిగా కమ్యూనికేషన్ ఉండాలి. మనసు విప్పి మాట్లాడుకోవాలి. అలా మాట్లాడుకుంటే చాలా సమస్యలకు పరిష్కారం దొరుకుతుంది. అలాగే అవమానం, అపార్థం లాంటి సమస్యలు తలెత్తవు.

Disclaimer: ఇంటర్నెట్‌లో అందుబాటులో ఉన్న సమాచారం ఆధారంగా ఈ వ్యాసాన్ని రాయడం జరిగింది. కచ్చితత్వానికి, విశ్వసనీయతకు ఎలాంటి హామీ ఇవ్వడం లేదు. Boldsky Telugu ఈ వ్యాసానికి సంబంధించిన ఏ విషయాన్నీ నిర్ధారించడంలేదు. ఈ వ్యాసం ఉద్దేశం సమాచారం అందించడం మాత్రమే. ఏదైనా పాటించే ముందు సంబంధిత నిపుణుల సలహా తీసుకోగలరు.