ఇది మామూలు యవ్వారం కాదు: ఒకే ఇంట్లో భర్త,మాజీ మొగుడుతో కలిసి జీవిస్తున్న మహిళ

ప్రస్తుతం సిటీల్లో నివిసించాలంటే ఖర్చులు తడిసిమోపెడవుతున్నాయి. చాలామంది నగరవాసులను వేధించే ప్రధాన సమస్య ఇంటి అద్దె. పెరుగుతున్న ఇంటి అద్దెలు,చాలీచాలనీ జీతాలతో నగరజీవితం కొందరికి నరకంగా మారుతుంది. అయితే నగరాల్లో కాస్ట్ ఆఫ్ లివింగ్ పెరుగుతున్న క్రమంలో ఓ మహిళ తన భర్త,మాజీ భర్త,పిల్లలో కలిసి ఉంటున్న వ్యవహారం ఇప్పుడు వైరల్ గా మారింది. దీనివల్ల తమకు చాలా ఖర్చు కూడా తగ్గుతోందని ఆ మహిళ చెబుతోంది. అయితే కొందరు ఆమెను ప్రశంసిస్తుడగా,మరికొందరు విమర్శిస్తున్నారు.

అమెరికాలోని కాలిఫోర్నియాకు చెందిన మేఘన్ మీయర్(25)అనే యువతికి 2020లో టేలర్ అనే పోలీస్ ఆఫీసర్ తో పెళ్లి అయింది. మేఘన్-టేలర్ దంపతులకు ఓ కూతురు కూడా పుట్టింది. అయితే 2003లో టేలర్-మేఘన్ దంపతులు విడిపోయారు. అయితే తమ కూతురు భవిష్యత్తు కోసం అప్పుడప్పుడు కలుస్తుండాలని కూతురిని కలిసి పెంచాలని నిర్ణయించుకున్నారు. డివోర్స్ తర్వాత మేఘన్ తన సొంతూరు కాలిఫోర్నియాకి వెళ్లిపోయింది. అక్కడ మేఘన్ కి తన పాత ఫ్రెండ్ మైఖేల్ ని కలిసింది. ఆ పరిచయం ప్రేమగా మారింది. రెండు నెలల్లో మేఘన్ గర్భం దాల్చింది. తర్వాత మేఘన్, మైఖేల్ పెళ్లి చేసుకున్నారు.

తన కూతురు తల్లికి దూరంగా ఉండకూడదు,ఆమెకు దగ్గరగా ఉండాలని భావించి టేటర్ మేఘన్ ఇంటికి దగ్గర్లోనే ఓ ఇళ్లను కొనుగోలు చేయాలని ఫ్లాన్ చేశాడు. అయితే అధిక ధరల కారణంగా కొనలేకపోయాడు. దీంతో అందరం ఒకే ఇంట్లో ఉందాం,ఖర్చులు షేర్ చేసుకుందాం అని మేఘన్ చేసిన ప్రపోజల్ కి టేలర్,మైఖేల్ ఇద్దరూ అంగీకరించారు. దీంతో ముగ్గురు కలిసి ఒకే ఇంట్లో తమ ఇద్దరు పిల్లలతో కలిసి ఉంటున్నారు. టేలర్,మైఖేల్ ఇద్దరూ అన్నదమ్ముల్లా కలిసి ఉంటున్నారని మేఘన్ తెలిపింది.

మొదట్లో కొంచెం ఇబ్బందిగా ఉందని..తర్వాత అలవాటు పడిపోయామని,ఇప్పుడు అంతా హ్యాపీ అని మేఘన్ తెలిపింది. అమెరికాకు చెందిన న్యూయార్క్ టైమ్స్ పత్రికలో వీరి గురించి వచ్చిన తర్వాత ఈ వ్యవహారం హాట్ టాపిక్ గా మారింది. దీనిపై సోషల్ మీడియాలో పలురకాలుగా నెటిజన్లు కామెంట్లు చేస్తున్నారు.