శృంగారాన్ని ఎవరు ఎక్కువ ఎంజాయ్ చేస్తారో తెలుసా?, మగవారి పరిస్థితి ఏంటంటే?

శృంగారాన్ని ఆస్వాదించే విధానంలో స్త్రీలు, పురుషుల మధ్య వేరు వేరు అభిప్రాయాలు ఉంటాయని శాస్త్రవేత్తలు నిర్వహించిన తాజా పరిశోధనల్లో స్పష్టమైంది. మగవారు కేవలం లైంగిక అనుభవాలకు మాత్రమే ప్రాధాన్యత ఇస్తారని చాలా మంది అనుకుంటూ ఉంటారు. కానీ వాస్తవంగా, మగవారిలోనే అత్యధికంగా రొమాన్స్ ను ఆస్వాదించాలనే కోరిక ఉంటుంది. ఇది వారి శారీరక మరియు మానసిక ఆరోగ్యానికి మంచి ఫలితాలు ఇస్తుంది. అలాగే పురుషులు ప్రేమ సంబంధిత వ్యవహారాల్లో ఎక్కువగా ఆనందంగా ఉంటే.. విడిపోయినప్పుడు ఆ బాధ ఎక్కువగా ఉంటుందట. అలా ఎందుకు జరుగుతుందో ఈ స్టోరీలో తెలుసుకుందాం.

ఎందుకు జరుగుతుందంటే?

ఇది ఎందుకు జరగడానికి.. చిన్నప్పటి నుంచి మగ పిల్లలు పెరిగే పద్ధతే ఇందుకు కారణమట. సమాజం మగవారిని భావోద్వేగాలను దాచుకోవాలని, శక్తివంతంగా ఉండమని చెబుతుంది. తమ భావాలను వ్యక్తపరచడం చాలా తక్కువ. కాబట్టి, వారు తమ భావాలను ప్రధానంగా తమ భాగస్వాముల వద్దనే వ్యక్తపరుస్తారు. ఇందులో రొమాంటిక్ భావోద్వేగాలు కూడా ఉండడం సాధారణం. ఆ క్రమంలో, వారు రొమాన్స్ పై ఎక్కువ ఫోకస్ పెట్టి తమ భావాలను భాగస్వామికి వెల్లడించడం కష్టంగా భావిస్తారు.

కొన్ని సందర్భాల్లో, పురుషులు తమ భావాలను ఇతర కుటుంబ సభ్యుల దగ్గర కూడా వ్యక్తం చేసేందుకు ప్రయత్నిస్తారు, కానీ ఆ ఫలితాలు అంచనా వేసినంత అనుకూలంగా రాకపోవచ్చు. ఈ క్రమంలో వారు భాగస్వామి వద్దే ఎక్కువగా భావోద్వేగాలను పంచుకుంటారు. కానీ, ఈ విధానం మగవారిని మానసికంగా బలహీనంగా మారుస్తుంది. రొమాన్స్ మీద ఎక్కువగా దృష్టి పెట్టినపుడు, ఇతర బంధాలు మరియు సపోర్ట్ నెట్‌వర్క్ ను తక్కువగా భావిస్తారు. దీంతో సామాజిక బంధాలు దెబ్బతినవచ్చు.

మహిళల విషయంలో..

మహిళల విషయంలో, వారు చిన్నప్పటి నుంచి అనేక రకాల భావోద్వేగాలను కలిగి ఉంటారు. సమస్యలను పరిష్కరించడంలో, వారి భావాలను వ్యక్తపరచడంలో వారికి తేలికగా ఉంటుంది. మగవాళ్లవలె భావోద్వేగాలను అణచి ఉంచాల్సిన అవసరం ఉండదు. కాబట్టి, మహిళలు తమ భావాలను ఇతరులతో పంచుకునేందుకు చాలా స్వేచ్ఛగా ఉంటారు.

మగవారికి భావోద్వేగాలను బహిరంగంగా పంచుకోవడం కోసం, ఒక సానుకూల వాతావరణం మరియు విశ్వసనీయ స్నేహితులు, కుటుంబ సభ్యులు ఉండటం చాలా ముఖ్యం. ఈ అంశం మన సమాజంలో ముఖ్యమైనది, ఎందుకంటే ఇది ఆరోగ్యకరమైన మరియు బలమైన సంబంధాలను ఏర్పరచడంలో సహాయపడుతుంది.