Just In
- 1 hr ago 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- 2 hrs ago ఈ 3 రాశుల వారు ఏప్రిల్ 23 నుండి అప్రమత్తంగా ఉండాలి, అంగారకుడి వల్ల అనేక సమస్యలు ఎదుర్కొంటారు
- 6 hrs ago అయోధ్య బాలరాముడిపై సూర్య తిలకం.. కిరణాలు నుదుటిపై పడేందుకు ఏమి చేసారంటే..!
- 7 hrs ago కొత్తగా పెళ్ళైన జంటలు ఈ విషయాలు తప్పనిసరిగా తెలుసుకోవాలి. మీ లైఫ్ సేవ్ చేస్తుంది
పెళ్లి కావాల్సిన అమ్మాయిలంతా చేసుకునే పండుగనే తీజ్, హరియాలి తీజ్ గురించి తెలుసా
తెలంగాణలో కూడా తీజ్ ఉత్సవాలను ఏటా శ్రావణంలో లంబాడాలు నిర్వహించుకుంటారు. హరియాల్ తీజ్ కు దీనికి కాస్త వైవిధ్యం ఉంటుంది. యువతులు తొమ్మిది రోజుల పాటు ఉపవాస దీక్షలు, ఆకకూరలే తింటూ పూజలు చేస్తారు. తీజ్.
హిందూ మాసాల్లో శ్రావణ మాసంలో వచ్చే పండుగలు ఇంకెప్పుడు రావేమో. ఈ మాసమంతా అంతా మంగళకరంగా ఉంటుంది. ఎక్కడ చూసినా పూజలే. ఇక శ్రావణంలోని శుక్షపక్షం మూడో రోజున ఒక పండుగ వస్తుంది. అదే హరియలీ తీజ్.
ఇది మహిళలకు సంబంధించిన పండుగ. ఆ రోజు మహిళలు తమ భర్తలు బాగుండాలని కోరుకుంటూ పూజలు చేస్తారు.
పార్వతిని పెళ్లి చేసుకున్న రోజు
దక్షుడి కుమార్తె అయిన పార్వతీ దేవిని శివుడు తన భార్యగా స్వీకరించిన రోజునే హరియాలి తీజ్ పండుగ చేసుకుంటారు. భార్య ఎంతో ప్రేమగా చూసుకున్న శివుడిని.. హరియాలి తీజ్ రోజూ అందరూ ఆరాధిస్తారు.
తనలో సగ భాగం భార్యకు ఇచ్చిన శివుడిలాగే తమ భర్త ఉండాలని కోరుకుంటారు మహిళలంతా. ఏ కష్టం వచ్చినా తన భర్త తనను గుండెల్లో పెట్టుకుని చూసుకోవాలని కోరుకుంటూ పూజలు చేస్తారు.
శ్రావణ తేజ్
ఇక ఇది శ్రావణమాసంలో రావడం వల్ల దీన్ని శ్రావణ తేజ్ అని కూడా అంటారు. శివుడిని ఆరాధించడమే ఈ పండుగ ముఖ్య ఉద్దేశం. హరియాలి తీజ్ పండుగ రోజంతా ఉపవాసం ఉండి వ్రతాలు చేస్తారు ఆడవారు. కనీసం నీళ్లు కూడా తాగరు. తీజ్ అయిపోయిన మరుసటి రోజు తింటారు.
స్నేహితురాళ్లతో కలిసి
ఇక అమ్మాయిలు హరియాలి తీజ్ రోజున తమ స్నేహితురాళ్లతో కలిసి ఆనందంగా గడుపుతారు. అందరి ఒకచోట సమావేశమై ముచ్చట్లు పెట్టుకుంటారు. పెళ్లీడుకొచ్చిన యువతులంతా పెద్దపెద్ద చెట్ల కింద సేదతీరుతూ ఆటలు ఆడుతూ సరదాగా గడుపుతారు. తీజ్ రోజు వీధి నాటకాలు కూడా ప్రదర్శిస్తారు. పార్వతీ, శివుడుల ప్రేమగాథలను తెలిపేలా ప్రదర్శనలుంటాయి.
కొత్తపెళ్లికూతురు తన పుట్టింటికి వెళ్లి
కొత్తగా పెళ్లి చేసుకుని ఉంటే ఆ రోజు కొత్తపెళ్లికూతురు తన పుట్టింటికి వెళ్లి సరదాగా గడుపుతుంది. తీజ్ రోజు అమ్మాయిలంతా సంప్రదాయ దుస్తుల్లో మెరిసిపోతారు. అలాగే ఊర్లలో ఊయల్లో ఊగుతూ గడుపుతారు. పెద్దపెద్ద చెట్ల కింద ఏర్పాటు చేసిన ఊయల్లో ఊగుతూ ఆనందంగా గడపుతారు. ఈ పండుగను ఎక్కువగా ఉత్తరాదిన చేసుకుంటారు.శివపార్వతీల ప్రేమకు ప్రతీకగా జరుపుకునే ఈ పండుగ రోజు రాత్రంతా కూడా నిద్రపోకుండా సంబురాలు చేసుకుంటూనే ఉంటారు.
లంబాడాలు నిర్వహించుకుంటారు
అయితే తెలంగాణలో కూడా తీజ్ ఉత్సవాలను ఏటా శ్రావణంలో లంబాడాలు నిర్వహించుకుంటారు. హరియాల్ తీజ్ కు దీనికి కాస్త వైవిధ్యం ఉంటుంది. యువతులు తొమ్మిది రోజుల పాటు ఉపవాస దీక్షలు, ఆకకూరలే తింటూ పూజలు చేస్తారు. గోధుమలు లేదా ధాన్యాన్ని బుట్టలో వేసి రోజూ వాటికి నీళ్లు పోస్తారు. ఇక చివరి రోజు వారంతా కలిసి మొలకెత్తిన ధాన్యాలతో ఉన్న బుటలతో ఊరేగింపుగా వెళ్తూ సంబురం చేసుకుంటారు.
శివపార్వతులనే పూజిస్తారు
వీరు కూడా శివపార్వతులనే పూజిస్తారు. మన ప్రాంతంలో తీజ్ ను పెళ్లి కావాల్సిన లంబాడీ యువతులే చేసుకుంటారు. మంచి వరుడితో పెళ్లి కావాలని కోరుకుంటూ ఈ పండుగ చేసుకుంటారు. తొమ్మిది రోజుల పాట ఆటపాటలతో సంబురాలు చేసుకుంటారు. చివరి రోజు నిమజ్జనంతో ఈ పండుగ పూర్తి అవుతుంది. మొత్తానికి ఎక్కడైనా సరే తీజ్ పండుగ అమ్మాయిలు జరుపుకుంటారు.