దీపావళి పండుగా జరుపుకోవడానికి పాటించాల్సిన సాంప్రదాయ, ఆచారాలు..!

దీపావళి వేడుకలను అందించే అత్యంత ప్రజాదరణ పొందిన పండుగ. ఇది ఎంతో కాలం నుండి జరుపుకునే ఈ పండుగ రోజున ప్రతి ఒక్కరూ ఎంతో మంచితనాన్ని, ఆనంద౦ యొక్క విశ్వవ్యాప్త అనుభూతుల్ని కోల్పోతూ ఒక మతసంబంధమైన ప్రముఖ్యతగా భావించబడుతుంది.

భారతదేశంలోని అన్ని సాంప్రదాయ పండుగలలో, అత్యంత సురక్షితం అని చెప్పబడి, దేశంలోని ప్రజలందరూ ఇష్టపడే పండుగ దీపావళి. ఇది భారతీయులకు ప్రత్యెక గుర్తింపును ఇచ్చే అరుదైన సందర్భాలలో ఇది ఒకటి.

దీపావళి రోజు చేసే లక్ష్మి పూజ
దీపావళి పండుగ రోజు లక్ష్మి పూజకు ఒక ప్రాముఖ్యత ఉంది. ఈ పూజ భారతదేశంలో ప్రతి ఇంట్లో నిర్వహిస్తారు ప్రత్యేకంగా వ్యాపారాలు చేసేవారు తప్పక నిర్వహిస్తారు. వ్యాపారస్తులు దీన్ని కొత్త సంవత్సరంగా భావిస్తారు ఎందుకంటే ఈ రోజున కొత్త పద్దులను ప్రారంభించి తరువాత సంపదకు దేవత అయిన లక్ష్మిని ప్రార్ధిస్తారు. ఈ హిందూ మత దేవత శ్రేయస్సు, సంపద, అదృష్టాన్ని సూచిస్తుంది.

దీపావళి పూజకు సన్నాహాలు
దీపావళి పూజను అమావాస్య రోజు సూర్యాస్తమయం ముందు నిర్వహిస్తారు. ఈ పూజకు సరైన సమయాన్ని దీపావళి ముందు రోజే మతపరమైన పెద్దలు, పండితులు నిర్ధారించి లెక్కలు కట్టి వార్తాపత్రికలో ప్రచురిస్తారు. ఈ సాంప్రదాయ పూజను నిర్వహించడానికి, లక్ష్మి - వినాయకుడు, కలశం, రాలి, మౌళి, చిల్లర, బియ్యం గింజలు, తిలకం కోసం కుంకుమ, తమలపాకులు, వక్కలు, అగరుబత్తులు, కర్పూరం, పూలు, పూమాలలు మొదలైనవి అవసరము. నైవేద్యం, ప్రసాదం కోసం స్వీట్లు, పండ్లు అవసరము.

పూజకు ముందు ఇంటిని చక్కగా, శుభ్రంగా ఉంచడం ముఖ్యమైన పని, చెడు ఆత్మలను పారద్రోలి లక్ష్మీ దేవిని ఆహ్వానించడానికి కొవ్వొత్తులు, దీపాలతో ఇంటిని అలంకరించాలి. ఇంటి గుమ్మంలో ముగ్గులు పెట్టి, బియ్యం పిండితో చిన్ని చిన్ని అడుగుల ముద్రలను వేసి, రంగుల గీతలను గీయడం లక్ష్మీదేవి రాకకు ఎదురు చూస్తున్నట్టు సూచన. నూనె దీపాలు తెల్లవార్లూ వెలిగేటట్టు ఉంచుతారు ఎందుకంటే లక్ష్మీదేవి రహస్యంగా ఆ రాత్రి అటువైపు తిరుగాడుతుందని.

లక్ష్మి - గణేష్ పూజ పద్ధతి
ప్రతి పూజకు ప్రారంభంలో వినాయకుడి ప్రతికి పూజ చేయడం అనేది పవిత్రంగా భావిస్తారు, అలాగే లక్ష్మి పూజ కూడా చేస్తారు. ఈ విగ్రహాలకు సాంప్రదాయ స్నానం చేయించి, ఒక వేదికమీద కుర్చోపెడతారు. ఆరతి అనే భక్తిగీతాన్ని పాడుతూ, అందరితో కలిసి ప్రసాదాన్ని పంచుకుంటారు. ప్రతి కుటుంబం వారి శ్రేయస్సు, మనుగడకు అమ్మవారి దయను పొందాలని ఈ పూజను నిర్వహిస్తారు. ఈ పూజ పూర్తి అయిన తరువాత దీపావళి మందులను కాలుస్తారు.

ఈ పూజ ఐదు దేవతలకు సంబంధించినదని గమనించాలి. మొట్టమొదట వినాయకుడిని పూజిస్తారు. లక్ష్మి దేవి తన మూడు రూపాలైన సంపద, శ్రేయస్సుకు ప్రతిరూపమైన లక్ష్మీదేవి, చదువుకు మహా సరస్వతి, మహాకాళి గా పూజించబడుతుంది. అంతేకాకుండా దేవతలకు కోశాధికారి అయిన కుబేరుడిని కూడా ఈ పండుగ రోజున పూజిస్తారు.