2021లో దంతేరాస్ పండుగ ఎప్పుడొచ్చింది?

Dhanteras 2021 : ధనత్రయోదశి రోజున బంగారం కొనొచ్చా.. లేదా..?

ధనత్రయోదశి రోజున బంగారంతో పాటు ఎందుకని విలువైన వస్తువులను కొనుగోలు చేస్తారు.

Updated: Thursday, October 28, 2021, 14:16 [IST]

హిందూ క్యాలెండర్ ప్రకారం, ప్రతి సంవత్సరం అశ్వియుజ మాసంలో బహుళ త్రయోదశినే ధన త్రయోదశి(దంతేరాస్)గా జరుపుకుంటారు. పురాణాల ప్రకారం, దన్వంతరి జయంతి రోజునే ధంతేరాస్ పండుగను జరుపుకుంటారు. 2021లో నవంబర్ 2వ తేదీన మంగళవారం రోజున దంతేరాస్ పండుగ వచ్చింది.

ఈ ధనత్రయోదశి రోజున చాలా మంది ప్రజలు బంగారం, వెండితో పాటు ఇతర విలువైన వస్తువులను కొనుగోలు చేస్తూ ఉంటారు. దీని వల్ల తమకు సంపద పెరగడంతో పాటు తమ కుటుంబశ్రేయస్సుకు మంచి జరుగుతుందని చాలా మంది విశ్వాసం. అందుకే ఈ పవిత్రమైన దంతేరాస్ రోజున ఏదో ఒక మంచి వస్తువునైనా కొంటూ ఉంటారు. అయితే ఈ దంతేరాస్ పండుగ అనేది ఎక్కువగా ఉత్తర భారతంలో జరుపుకుంటారు. అయితే కాలానుగుణంగా వచ్చిన మార్పుల కారణంగా, దక్షిణ భారతదేశంలో కూడా దంతేరాస్ రోజున బంగారాన్ని కొంటూ ఉన్నారు. అయితే ఈరోజునే బంగారంతో పాటు విలువైన వస్తువులను ఎందుకని కొనుగోలు చేస్తారనే వివరాలను ఇప్పుడు తెలుసుకుందాం.

పౌరాణిక కథ..

పురాణాల ప్రకారం, ఒకప్పుడు హిమా అనే రాజు ఉన్నాడు. అతని కుమారుడికి 16 సంవత్సరాల వయసులో పెళ్లి జరిగింది. ఇలా పెళ్లి చేసుకున్న నాలుగో రోజునే తనని పాము కరిచింది. దీంతో తను మరణం వరకు వెళ్లాడు. ఇది తెలుసుకున్న రాజు మరియు అతని కొడుకు వారి వివాహం గురించి చాలా ఆందోళన చెందుతున్నారు. యువరాజును వివాహం చేసుకున్న యువరాణి తన భర్తను ఎలాగైనా జీవించాలని నిర్ణయించుకుంటుంది. ఆమె ప్యాలెస్‌లోని అన్ని ఆభరణాలను సేకరిస్తుంది. అతని పక్కన కూర్చుని, దానిని ప్రధాన ద్వారం దగ్గర ఉంచి, యువరాజు నిద్రపోవద్దని సలహా ఇచ్చాడు. అతన్ని నిద్రపోకుండా ఉండటానికి ఆమె అతనికి అందమైన కథలు చెబుతుంది. పాటలు కూడా పాడింది.

యముడు పాము రూపంలో..

అదే సమయంలో ఆ ఇంటి ప్రధాన ద్వారం వద్దకు యముడు పాము రూపంలో వచ్చాక.. అక్కడ తన భార్య ఆభరణాల ప్రదర్శన వల్ల తను కంటి చూపు కోల్పోయాడు. దీంతో తను తలుపు ద్వారం కూడా దాటలేకపోయాడు.

ఉదయాన్నే వెళ్లిపోతాడు..

అదే సమయంలో తను కూడా ఆభరణాలు, నగలపై కూర్చుని.. రాత్రంతా పాటలు, కథలు విన్నాడు. ఆ తర్వాత ఉదయం తను తిరిగి వెళ్లిపోతాడు. అలా ఆ యువరాజు భార్య తన తెలివిని ఉపయోగించి ధన త్రయోదశి రోజున తన భర్త ప్రాణాలను కాపాడుకోగలిగింది. దీని వల్ల ధనత్రయోదశి రోజున రాత్రంతా యమధర్మరాజుకి గౌరవ సూచకంగా దీపాలను వెలిగిస్తారు.

యమ దీపం..

ధన త్రయోదశి రోజున ఇంటి ప్రధాన ద్వారం వద్ద వెలిగించే దీపాన్ని యమ దీపం అంటారు. అలాగే అదే సమయంలో బంగారాన్ని పెట్టి పూజిస్తారు. ఈ విధంగా దీపం వెలిగించడం వల్ల యముడు మరియు లక్ష్మీదేవి ఆశీర్వాదం లభిస్తుందని చాలా మంది నమ్ముతారు.

ధంతేరాస్ రోజున చేయకూడని పనులు..

ఈ పవిత్రమైన రోజున ఎవ్వరికీ బహుమతులు ఇవ్వకూడదు.
ఈరోజున ఇనుము సంబంధిత వస్తువులను కొనుగోలు చేయకూడదు.
ఈరోజున కొత్త, పాత వాహనాలను విక్రయించరాదు.
ఈరోజున నల్లని దుస్తులను ధరించరాదు.
ఈరోజు నూనెను కొంచమే వాడాలి.

లక్ష్మీదేవికి స్వాగతం..

సంపదకు ప్రతీక లక్ష్మీదేవి. అందుకే ఈ పవిత్రమైన రోజున చాలా మంది కొత్త వస్తువులను, నగలను, వెండి వస్తువులతో పాటు మరిన్ని విలువైన వస్తువులను కొంటారు. వీటిని కొనడం ద్వారా లక్ష్మీదేవిని ఇంట్లోకి ఆహ్వానించి ఇల్లు సంపదలతో తులతూగాలని కోరుకుంటారు.

మరో కథ..

మరో కథనం ప్రకారం, దేవ దానవులు క్షీర సాగర మదనం చేసినప్పుడు ధనత్రయోదశి రోజున క్షీర సాగరం నుండి అమ్రుతం బయటపడింది. అందువల్ల ధనత్రయోదశి నిష్టతో జరుపుకుంటే దీర్ఘాయుషు లభిస్తుందని చాలా మంది నమ్ముతారు.

బంగారం కొనలేకపోతే..

దీపావళికి ముందు వచ్చే ఈ ధనత్రయోదశి రోజున బంగారం లేదా వెండి కొంటారు. ఒకవేళ ఇలా కొనలేని వారు ఈరోజు కొత్త పాత్రలు కొని లక్ష్మీదేవి, గణపతి దేవిని పూజిస్తారు.

FAQs

హిందూ క్యాలెండర్ ప్రకారం, ప్రతి సంవత్సరం అశ్వియుజ మాసంలో బహుళ త్రయోదశినే ధన త్రయోదశి(దంతేరాస్)గా జరుపుకుంటారు. పురాణాల ప్రకారం, దన్వంతరి జయంతి రోజునే ధంతేరాస్ పండుగను జరుపుకుంటారు. ఈ నెల అంటే నవంబర్ 2వ తేదీన మంగళవారం రోజున దంతేరాస్ పండుగ వచ్చింది.

BoldSky Lifestyle