దీపావళికి ముందే మీ ఇంట్లో నుండి ఈ వస్తువులను పడేయండి...

పాత దీపాలను వాడితే..

మీరు గత ఏడాది వాడిన దీపాలను మళ్లీ వాడకూడదంట. ఎవరి స్థాయి మేరకు.. వారు కొత్త దీపాలను అవి కూడా మట్టితో చేసిన వాటిని కొనుగోలు చేసి దీపావళి పండుగను జరుపుకుంటే ఆ తల్లి మిమ్మల్ని ఆశీర్వదిస్తుంది.

ఇవి ఉంటే..

మీ ఇంట్లో చిన్నారులు ఆడుకునే బొమ్మలలో ఏవైనా విరిగిపోయి ఉంటే, వాటిని కూడా వెంటనే బయట పడేయాలి. అలాగే చినిగిన బట్టలేవైనా ఉంటే, వాటిని కూడా పడేయాలంట. ఇలాంటివి మీ ఇంట్లో ఉంటే లక్ష్మీదేవి మీ ఇంటికి రాదంట.

పగిలిన వస్తవులు..

మీ ఇంట్లో విరిగిపోయిన మంచాలు.. లేదా శబ్దం వచ్చే మంచాలు, పగిలిన అద్దాలు ఉండకూడదట. అలాంటివి ఉంటే మీ ఇంట్లో చిన్న చిన్న విషయాలకే పెద్ద పెద్ద గొడవలు జరిగే అవకాశం ఉందట. ఇక శబ్దం వచ్చే మంచం లాంటివి ఉంటే వెంటనే వాటిని బాగు చేయించాలి, లేదంటే బయటపడేయాలి.

చెద పట్టిన ఫోటోలు..

మీ ఇంట్లో గానీ.. లేదా మీ చేతికి గానీ ఆగిపోయిన గడియారం.. ఉంటే వెంటనే వాటిని బాగు చేయించాలి. లేదా వాటిని కూడా పడేసి కొత్తవాటిని తీసుకురావాలి. అలాగే చెద పట్టిన ఫొటోలు ఉంటే కూడా బయటపడేయాలంట. మీ ఇంటి గుమ్మం దగ్గర ఏమైనా రిపేరి ఉంటే వాటిని కూడా వెంటనే బాగు చేయించాలి.

ఇవి చేయాలి..

దీపావళి పండుగ సమయంలో లక్ష్మీదేవిని పూజించే వేళ.. ఆవు నెయ్యి లేదా నువ్వుల నూనెతోనే దీపారాధన చేయడం మంచిది. ఇలా చేస్తే లక్ష్మీదేవి కటాక్షం మీకు తప్పకుండా లభిస్తుంది. అలా వెలిగించిన దీపంలో లక్ష్మీదేవి ఉంటుందని చాలా మంది నమ్ముతారు.

ఇంటిని శుభ్రంగా..

లక్ష్మీదేవి భూమి మీదకు వచ్చే సమయంలో మీ ఇంటిని చాలా శుభ్రంగా ఉంచుకోవాలి. అంటే దీపావళికి కనీసం నాలుగు రోజుల ముందు నుండే మీ ఇంటిని పరిశుభ్రంగా ఉంచుకోవాలి. మీరు మీ ఇంటిని క్లీన్ చేసుకోవడమే కాదు.. పనికిరాని వస్తువులను కూడా ఇంట్లో ఉంచకూడదు. ఒకవేళ అలా ఉంచితే మీ ఇంట్లో ప్రతికూల శక్తులు ప్రవేశించే ప్రమాదం ఉందట.