శనివారం రోజున పొరపాటున కూడా ఈ వస్తువులను కొనొద్దు...!

నల్లని వస్తువులు..

జ్యోతిష్యశాస్త్రం ప్రకారం, శనివారం రోజున నల్లని వస్తువులను కొనకూడదు. అయితే ఈరోజున నల్లని వస్తువులను దానం చేయొచ్చు. ఈరోజున ఎంత అత్యవసరమైనా కూడా నల్లని వస్తువులను కొనుగోలు చేయకండి. ఇలా చేస్తే మీ ఇంట్లో ఇబ్బందులు ఎదురవుతాయి.

నువ్వుల దీపం..

శనివారం రోజున మీ ఇంట్లో నువ్వులనూనెతో దీపం వెలిగిస్తే అంతా మంచి జరుగుతుంది. నువ్వుల దీపాలను వెలిగించి శని దేవుడిని ఆరాధిస్తే.. ఆ భగవంతుని అనుగ్రహం పొందొచ్చు. అయితే ఈరోజు నల్ల రంగులో ఉండే నువ్వులు, ఒలియోరెసిన్ వంటి వస్తువులను కొనుగోలు చేయకండి. అయితే వీటిని ఈరోజు దానం చేయొచ్చు. దీని వల్ల మీకు చాలా ప్రయోజనకరంగా ఉంటుంది. ఒకవేళ మీరు పొరపాటున శనివారాలలో నల్ల నువ్వులను కొనుగోలు చేస్తే, దాని వల్ల మీకు జీవితంలో చాలా అడ్డంకులు ఎదురవుతాయి.

ఇనుము ఉత్పత్తులు..

కత్తెర, కత్తులు వంటి ఇనుప వస్తువులను కూడా శనివారం కొనుగోలు చేయరాదని పెద్దలు చెబుతుంటారు. ఎందుకంటే మీరు శనివారం ఈ వస్తువులను కొనుగోలు చేస్తే, అది చెడు పరిణామాలకు కారణమవుతుందని నమ్ముతారు. ఇది కుటుంబ సభ్యులు మరియు బంధువుల మధ్య తగాదాలకు కూడా దారితీస్తుంది.

పర్స్, బూట్లు..

పర్సులు, బూట్లు, సంచులు వంటి తోలు వస్తువులను శనివారం రోజున కొనకూడదు. ఎందుకంటే ఇవి విజయానికి అవరోధంగా ఉంటాయి మరియు జీవితంలో సమస్యలను కలిగిస్తుంది.

ఉప్పు..

మీరు శనివారాలలో కొనకూడని మరొక వస్తువు ఉప్పు. శనివారాలలో ఉప్పు కొనడం వల్ల ఆర్థిక సంక్షోభాలు ఎదురవుతాయి. దీని వల్ల మీకు ఎక్కువ అప్పులు కూడా చేయాల్సి వస్తుందట.

స్టేషనరీ..

శనివారాలలో పెన్నులు, పుస్తకాలతో పాటు స్టేషనరీ వస్తువులను కొనకండి. ఈ విధంగా కొనుగోలు చేస్తే, మీరు అధ్యయనాలు సరిగ్గా చేయలేరు. ఇంటర్వ్యూలలో కూడా పేలవమైన ప్రదర్శన ఇస్తారు. మీరు ఉద్యోగాలకు కూడా సెలెక్ట్ కాకపోవచ్చు.

కొత్త వాహనాలు, దుస్తులు..

శని వారం రోజున కొత్త కారు లేదా స్కూటర్ వంటి వాటిని కొనకూడదట. ఎందుకంటే ఇవి లోహాలతో తయారవుతాయి. శనివారం రోజున ఇలాంటి లోహాలను కొనడం మంచిది కాదు. అలాగే కొత్త బట్టలను కూడా కొనడం మంచిది కాదట. ఎందుకంటే ఇనుము శనితో సంబంధం ఉన్న మరో లోహం. అయితే ఈరోజున ఇనుము వంటి లోహాలను దానం చేస్తే మంచి ప్రయోజనాలు వస్తాయట.

ఇతర విషయాలు..

కొంతమంది శనివారాలలో గోళ్లు కత్తిరించరు. ఎందుకంటే గోర్లు లోహాలతో కత్తిరించబడతాయి. అదేవిధంగా, పైన పేర్కొన్నవన్నీ హిందూ బోధనలు లేదా వేదాల మీద ఆధారపడి ఉండవని గుర్తుంచుకోవాలి. ఇది చాలాకాలంగా అన్ని నమ్మకాలు అనుసరిస్తున్న ఒక అభ్యాసం. ప్రజలు ఇటువంటి ఆచారాలు ఆచరించడానికి భయం ప్రధాన కారణమని మరికొందరు చెబుతుంటారు.