జ్యోతిష్యశాస్త్రం ప్రకారం, జుట్టు, గోళ్లను ఎప్పుడు కత్తిరించుకుంటే శుభ ఫలితాలొస్తాయో తెలుసా...

ప్రతిరోజూ..

శాస్త్రాల ప్రకారం, మీరు కటింగ్ ఎప్పుడు చేసుకున్నా ఉదయం 6 నుండి మధ్యాహ్నం 12 గంటలలోపే పూర్తి చేయాలి. అప్పుడే మీకు శుభ ఫలితాలు వస్తాయి. సాయంకాలం వేళలో మరియు చీకటి పడ్డాక ఎప్పటికీ కటింగ్ చేసుకోకూడదు. అలాగే తండ్రి, కుమారులు ఒకేరోజున, అన్నదమ్ములు కూడా ఒకేరోజున కటింగ్ చేసుకోకూడదు అనే నియమం ఉంది.

సోమవారం..

సోమవారం రోజున కటింగ్ చేసుకుంటే.. మీ ఏడు నెలల ఆయుష్షు పెరుగుతుంది. మీకు సంపద, శ్రేయస్సు లభిస్తుంది. అయితే పిల్లలు కావాలనుకువాళ్లు.. ఒకే కుమారుడు ఉండే వారు సోమవారం రోజున కటింగ్, షేవింగ్ వంటివి చేసుకోకూడదు.

మంగళవారం..

సాధారణంగా మన తెలుగు రాష్ట్రాల్లో ప్రతి మంగళవారం రోజున కటింగ్ షాపులు మూసేస్తారు. ఎందుకంటే ఈరోజున కటింగ్ చేసుకుంటే ఎనిమిది నెలల ఆయుష్షు తగ్గిపోతుందట. దీని ఫలితంగా మీ ఇంట్లో దుఃఖం కలుగుతుందట. అలాగే కొన్ని ఆరోగ్య సమస్యలు కూడా వస్తాయట.

Akshaya Tritiya 2021: అక్షయ తృతీయ రోజున బంగారమే కొనాలా? అలా చేస్తేనే శుభఫలితాలా?

బుధవారం..

ఈరోజున కటింగ్ చేసుకున్న వారికి ఐదు నెలల ఆయుష్షు పెరుగుతుందట. అంతేకాక మీరు ఆరోగ్యవంతంగా ఉండేందుకు సహాయపడుతుంది. అలాగే సంపద కూడా పెరుగుతుందట. మీ కుటుంబ జీవితం కూడా సంతోషంగా ఉంటుందట.

గురువారం..

ఈరోజున కటింగ్ చేసుకుంటే.. మీకు పది నెలల ఆయుష్షు పెరుగుతుందట. అయితే లక్ష్మీదేవి ఇంట్లో ఉండాలని కోరుకునే వారు.. ఈరోజున కటింగ్, షేవింగ్ వంటివి చేయించుకోకూడదు. ఒకవేళ మీరు అలా చేస్తే.. ధన నష్టం జరగొచ్చు. పిల్లల నుండి కొన్ని సమస్యలు రావొచ్చు.

శుక్రవారం..

ఈరోజున కటింగ్, షేవింగ్ చేసుకుంటే.. పదకొండు నెలల ఆయుష్షు పెరుగుతుంది. అయితే అక్కా,చెల్లెళ్లు ఉన్నవారు ఈరోజున కటింగ్, షేవింగ్ వంటివి చేయించుకోకూడదు.

శనివారం..

ఈరోజున కటింగ్, షేవింగ్ చేసుకున్న వారికి ఏడు నెలల ఆయుష్షు తగ్గిపోతుంది. అంతేకాదు మీరు అనారోగ్యం పాలయ్యే అవకాశం ఉంటుంది.

ఆదివారం..

చాలా మందికి ఆదివారం సెలవు రోజు కాబట్టి.. ఈ రోజున కటింగ్, షేవింగ్ చేసుకునేందుకు, అదే సమయంలో గోళ్లను కత్తిరించుకుంటూ ఉంటారు. అయితే ఇలా చేయడం వల్ల ఒక నెల ఆయుష్షు తగ్గిపోతుంది. ఎందుకంటే ఆదివారం నారాయణుడికి అంకితం చేయబడింది. అంతేకాదు ఈరోజున కటింగ్ చేసుకుంటే, శరీరం అధిక వేడి పొందుతుంది.

క్షవరానికి అనుకూల తిథులు..

శాస్త్రాల ప్రకారం, క్షురకర్మకు అనుకూలమైన తిథులు ఇవే. విదియ, తదియ, పంచమి, సప్తమి, త్రయోదశి శుభప్రదమైనవి.

అదే విధంగా ఆదివారం, శనివారం, మంగళవారం నాడు క్షవరం చేయించుకోవడం మంచిది కాదు.