Good Friday 2022: గుడ్ ఫ్రైడే రోజున పొరపాటున కూడా ఈ పనులు చేయకూడదంట...!

నిశ్శబ్దం పాటించాలి..

ఈరోజు ఏసు క్రీస్తు మరణాన్ని స్మరించుకునే రోజు. కాబట్టి ఈరోజున ఏ చర్చిలోనూ గంటలు మోగనివ్వరు. ఈ పవిత్రమైన నిశ్శబ్దం మరియు కఠినమైన ఉపవాసం పాటిస్తారు. ఈరోజున కలర్ ఫుల్ డ్రస్సులు కూడా ధరించకూడదట. ఎందుకంటే ఈరోజున ఏసుక్రీస్తు మరణానికి సంతాపం వ్యక్తం చేసే రోజు. కాబట్టి చాలా మంది నల్లని వస్త్రాలు ధరించేందుకు ప్రాధాన్యత ఇస్తారు.

కొవ్వొత్తులు వెలిగించరు..

గుడ్ ఫ్రైడే రోజున అద్దాలను మూసేస్తారు. ఒక అద్దం కూడా బయటపడకుండా ఉండాలని భావిస్తారట. అలాగే ఏసు మరణించిన వారి చిహ్నాల ముందు కొవ్వొత్తులు మరియు దీపాలను వెలిగించకూడదట.

మధ్యాహ్నం సమయంలో..

ఈరోజున మీరు ఎలాంటి పొరపాట్లు పనులు చేయకూడదు. ముఖ్యంగా ఈరోజు మధ్యాహ్నం సమయంలో ప్రార్థనలు చేయాలి. ఎందుకంటే మధ్యాహ్నం వేళ ఏసు శిలువ వేయబడ్డాడు కాబట్టి ఈ సమయాన్ని పూజలు చేసేందుకు గడపాలి.

Good Friday 2021: గుడ్ ఫ్రైడే రోజున కొన్ని చోట్ల నల్లని దుస్తులను ఎందుకు ధరిస్తారు...

ఎక్కడికి వెళ్లకూడదు..

ఏసు శిలువ వేయబడిన సమయంలో మీరు రేడియో, టెలివిజన్ మరియు గ్యాడ్జెట్లను ఉపయోగించకూడదట. ముఖ్యంగా మధ్యాహ్నం సమయంలో కర్టెన్లు తెరవకూడదు. తెరవనివ్వకూడదు. బయటకు అంటే ఏదైనా సినిమాకు లేదా క్రీడా కార్యక్రమాలు లేదా ఇతర వినోద కార్యక్రమాలను చూడటానికి కూడా వెళ్లకూడదంట.

కలయికలో పాల్గొనకూడదు..

ఈ పవిత్రమైన రోజున జంటలు కలయికలో పాల్గొనకూడదట. అలాగే ఎలాంటి రెస్టారెంట్ వెళ్లకుండా ఉండేందుకు ప్రయత్నించాలట. ఈ రోజున ఆటలను కూడా ఆడకూడదట.

దురలవాట్లకు దూరంగా..

యేసు శిలువ వేయబడిన ఈరోజున అనవసరంగా మాట్లాడటం మానుకోవాలి. ఎందుకంటే వీలైనంత మేరకు ప్రతి ఒక్కరూ నిశ్శబ్దాన్ని పాటించాలి లేదంటే ఏసు ఆరాధనలో పాల్గొనాలి. అలాగే ఈరోజు మద్యం సేవించడం, పొగతాగడం వంటివి చేయకూడదట. లాటరీ టికెట్లు కొనడం, అమ్మడం వంటివి చేయరాదు. పేకాట వంటివి కూడా బంద్ చేయాలంట.