Guru Purnima 2021:గురు పూర్ణమి రోజున ఏం చేయాలి.. ఏ పనులు చేయకూడదు...!

గురువు ప్రార్థన..

గురు పూర్ణిమ రోజున సూర్యోదయానికి ముందే నిద్ర లేచి, స్నానం చేయాలి. శుభ్రమైన తెలుపు లేదా పసుపు రంగులో ఉండే బట్టలను వేసుకోవాలి. గురు విగ్రహాన్ని లేదా చిత్ర పటాన్ని పూజా మందిరంలో ఉంచి ఆరాధించాలి. గురు దక్షిణగా పసుపు రంగులో ఉండే బట్టలను సమర్పించాలి. మీ జీవితంలో అజ్ణానం మరియు అహంకారాన్ని ఎల్లప్పుడూ తొలగించాలని గురువును ప్రార్థించాలి.

కష్టాలు తొలగిపోవాలంటే..

గురు పూర్ణిమ రోజున మీకు కష్టాలు తొలగిపోవాలంటే.. మీ ఆర్థిక సమస్యలకు పరిష్కారం లభించాలన్న మీరు కొన్ని పనులు తప్పక చేయాలి. ఈ పవిత్రమైన రోజున మీరు అవసరమైన వారికి లేదా పేదలకు పసుపు ధాన్యాలు దానం చేయాలి లేదా ఈరోజున పసుపు రంగులో ఉండే మిఠాయిలను అందరికీ పంచాలి. అప్పుడు మీ కష్టాలు తొలగిపోయే అవకాశం ఉందని పండితులు చెబుతారు.

గీతా పఠనం..

గురు పూర్ణిమ రోజున విద్యార్థులు గీతా పఠనం తప్పనిసరిగా చేయాలి. ఇలా చేయడం వల్ల మీకు విద్యలో ఎదురయ్యే అడ్డంకులను సులభంగా అధిగమించొచ్చు. విద్యపై ఆసక్తి లేని విద్యార్థులంతా గీతా పఠనం చేసి.. గోమాతకు సేవ చేస్తే.. మీరు చేసే అధ్యయనంలో మంచి ఫలితాలొస్తాయి.

వివాహ జీవితంలో విజయం..

మీ వైవాహిక జీవితంలో సమస్యలను ఎదుర్కొంటున్న లేదా పెళ్లి కాకుండా ఇబ్బందులు ఎదుర్కొనే వ్యక్తులు గురు యంత్రాన్ని తీసుకొని, గురు పూర్ణిమ రోజున ప్రత్యేకంగా ఆరాధించాలి. ఈ పరిహారం చేయడం వల్ల మీరు అనేక రంగాల్లో విజయం సాధిస్తారు. మీ వివాహ జీవితానికి సంబంధించిన సమస్యలన్నీ తొలగిపోతాయి.

ఈ మంత్రాలను పఠించండి..

గురు పూర్ణిమ రోజున జ్ణానం మరియు అదృష్టం పెరగాలంటే ఈ మంత్రాలను జపించండి.

‘ఓం గురవే నమః'

‘ఓం శ్రీ బృహస్పతి నమః'

ఇవి చేయకూడదు..

ఈ రోజున నల్లని రంగులో ఉండే దుస్తులు వేసుకోరాదు.

గురు పూర్ణిమ రోజున మద్యం, మాంసం జోలికి వెళ్లకూడదు.

ఆల్కహాల్ వంటివి అస్సలు ముట్టుకోకూడదు.

ఈరోజున ఎవరిపైనా కోప్పడకూడదు.