Holi Remedies :హోలీ వేళ ఈ పరిహారాలు పాటిస్తే డబ్బు సమస్యలే ఉండవట...!

నిండు చంద్రుడికి..

హోలీ పండుగ రోజున సాయంకాలం సంధ్యా సమయం తర్వాత చంద్రుడిని పూజించాలి. ఏదైనా వెండి పల్లెం లేదా ఏదైనా తెల్లని లోహంతో చేసిన ప్లేటును తీసుకోండి. అందులో నైవేద్యంగా కొన్ని ఖర్జురాలు, మఖానా ఉంచండి. దీపారాధన చేసి చంద్రుడికి పాలు సమర్పించండి. అనంతరం ధూపం వెలిగించి తర్వాత ప్రార్థనలు చేయండి.

ద్విముక దీపారాధన..

హోలీ పండుగ రోజున మీ ఇంటి ప్రధాన ద్వారం వద్ద రంగు రంగుల ముగ్గులతో, వాటిపై పిండితో చేసిన ద్విముఖ దీపారాధన చేయండి. దీపం వెలిగించేటప్పుడు మీ ఆదాయం పెరగాలని కోరుకోండి. ఇలా చేయడం వల్ల మీ సంపద పెరిగే అవకాశముంది. అదేవిధంగా మీ కుటుంబంలో ఆనందం, శాంతి లభిస్తుంది. దీపం శాంతి(ఆరిపోయిన) తర్వాత దాన్ని హోలీ దహనం కోసం ఏర్పాటు చేసిన అగ్నిలోకి వేయండి. ఇలా చేయడం వల్ల మీ ఆర్థిక సమస్యలన్నీ తీరిపోతాయి.

బకాయిలను పొందడానికి..

మీరు ఎవరికైనా అప్పులు ఇచ్చి, వాటిని తిరిగి పొందలేకపోతున్నారా? అప్పుడు దానిమ్మ చెట్టు నుండి ఎండి కొమ్మను తీసుకోండి. ఆ కొమ్మలపై మీకు ఎవరి నుండి డబ్బు రావాలో వారి పేరు రాయండి. హోలికా దహన్ అగ్నిలో వాటిని వేయండి. ఇలా చేయడం వల్ల మీరు మీ బకాయిలన్నింటినీ తిరిగి పొందేందుకు ఇది సహాయపడుతుంది.

ఖర్చులను తగ్గించేందుకు..

హోలీకా దహనం రోజున, హోలికా దహనం తర్వాత అందులో మిగిలిన బూడిదలో కొంత బూడిదను తీసుకోండి. దాన్ని ఎర్రని వస్త్రంలో వేసి ముడి కట్టండి. ఈ వస్త్రాన్ని మీ క్యాష్ లేదా వాలెట్లో ఉంచండి. దీని వల్ల మీ ఖర్చులు తగ్గిపోతాయి.

సంపద పెరిగేందుకు..

హోలీ పండుగకు ముందు రోజున గబ్బిలాలు నివసించే చెట్ల కొమ్మలను ఇంటికి తీసుకురండి. వాటి కొమ్మలను సూర్యోదయం కంటే ముందే విరగ్గొట్టి రాత్రి వేళ వాటి ఆకులను చించేసి దాన్ని డబ్బులు పెట్టే చోట ఉంచండి. ఇలా చేయడం వల్ల మీ సంపద పెరుగుతుంది. అంతేకాదు మీ డబ్బుకు సంబంధించిన సమస్యలన్నీ తొలగిపోతాయి. మీకు చాలా విషయాల్లో ప్రయోజనం చేకూరుతుంది.

లక్ష్మీదేవి అనుగ్రహం కోసం..

హోలీకా దహనం రోజున రాత్రి వేళ తూర్పునకు ఎదురుగా పీట వేసుకుని కూర్చోండి. ఆ తర్వాత బియ్యం కుప్పగా పోసి వాటిపై ఏడు కోడిగుడ్లు, ఓ శంఖాన్ని ఉంచండి. అనంతరం ఓం గం గణపతయే నమః అనే మంత్రాన్ని 108 సార్లు జపించండి. పూజ తర్వాత ఈ సామాగ్రిని ఎవరూ తిరగని ప్రదేశానికి తీసుకెళ్లి గొయ్యి తవ్వి అందులో పాతిపెట్టండి. ఇలా చేయడం వల్ల మీకు ఆర్థిక సమస్యలు తొలగిపోయి, లక్ష్మీదేవి అనుగ్రహం లభిస్తుంది.