దీపావళి స్పెషల్: లక్ష్మీదేవిని మీ ఇంట్లోకి ఆహ్వానించటం ఎలా?చేయాల్సినవి, చేయకూడనివి

పూజగదిలో శ్రీయంత్రాన్ని స్థాపించండి

హిందూమతస్థులు జీవితాన్ని మెరుగుపర్చుకోవడం కోసం వివిధరకాల యంత్రాలను ఇళ్ళలో ప్రతిష్టించుకుంటారు. కానీ శ్రీయంత్రం కన్నా మిన్న మరేదీ లేదని చెబుతారు.దీన్ని మీ పూజగదిలో పెట్టుకోవచ్చు. కానీ తప్పక దానికి రోజూ పూజలు చేయటం అవసరం. అన్ని పద్ధతులు సరిగా పాటిస్తే, ఇల్లంతా అదృష్టం, సంపదతో నిండిపోతుంది.

కమలాల జపమాలను వాడటం

లక్ష్మీదేవి హృదయానికి దగ్గరగా ఉండే అనేక విషయాలలో కమలాలు కూడా ఒకటి. లక్ష్మీదేవి కమలంలోనే నివసిస్తుందని చిత్రాలలో వ్యక్తీకరిస్తారు. పద్మాన్ని సంపదకి, మంచిసమయంకి గుర్తుగా భావిస్తారు. పూజగదిలో పద్మాలతో తయారైన జపమాలను లక్ష్మీ మంత్రాలు చదవటానికి వాడండి. దీనివల్ల మీ మనస్సు స్వచ్చత,ప్రేమ, దయతో నిండిపోయి పూజలో లగ్నమవుతుంది.

ముత్యపు శంఖాన్ని ఇంట్లో పెట్టుకోండి

ముత్యపు శంఖం అంటే శంఖం ముత్యపుకాంతితో మెరిసేది అని అర్థం. అరుదుగా దొరికే ఇవి ఎంతో ఆధ్యాత్మిక శక్తిని కలిగివుంటాయి. ఇవి ఇంట్లో ఉంచుకోటం వలన ఆర్థికంగా మీకు లాభాలు వస్తాయి. శంఖాన్ని శుభ్రమైన ఎరుపు, పసుపు లేదా తెల్లని రంగులోని గుడ్డలో చుట్టి ఉంచాలి.

నేతిదీపాలను వెలిగించండి

లక్ష్మీదేవి మీ భవిష్యత్తు దారిని కాంతిమయం, సంతోషమయం చేసే దేవత. మీ పూజగదిలో లక్ష్మీ విగ్రహం కానీ, పటం కాని పెట్టండి. దానిముందు ప్రతిరోజూ పొద్దున, సాయంత్రం నేతిదీపం వెలిగించండి. తులసిమొక్క ఉన్నట్లైతే దాని ముందు కూడా దీపం వెలిగించండి.

సముద్రపు ఆల్చిప్పలు,గవ్వలను పెట్టండి

పూజచేసే చోట ఆల్చిప్పలు, గవ్వలను ఉంచండి. ఇవి ఇంట్లోకి సానుకూల శక్తులను ఆహ్వానిస్తాయి. సంపద రూపాన్ని మీ ఇంట్లో ఉంచుకుంటే అవి మరింత సంపదని ఆకర్షిస్తాయని అంటారు. ఆధ్యాత్మిక వాతావరణాన్ని కూడా ఇంట్లో పెంచుతుంది.

లక్ష్మీదేవిని కొబ్బరికాయలతో పూజించండి

కొబ్బరికాయ పవిత్రమైన పండు. ఇది ఎంత పవిత్రమంటే దీన్ని శ్రీఫలమని కూడా అంటారు. ఇది అన్నిపూజలలో నైవేద్యంగా పెడతారు.లక్ష్మీదేవికి ప్రతిరోజూ కొబ్బరికాయ నైవేద్యంగా పెట్టి మంచిసమయాలను ఇంట్లోకి ఆహ్వానించండి.

లక్ష్మీదేవిని ప్రసన్నం చేసుకోటానికి చేయదగినవి మరియు చేయకూడనివిః

ప్రేమ,కరుణ వంటివి లక్ష్మీదేవిని ఇంట్లోకి వచ్చేట్లా చేస్తాయి.

పరిశుభ్రత చాలా ముఖ్యం. చిందరవందరగా,అపరిశుభ్రంగా ఉన్న ప్రదేశాలలో లక్ష్మీదేవి నివసించదు. అదేవిధంగా అపార్థాలు,గొడవలు ఉన్నచోటిని ఆమె అసహ్యించుకుంటుంది కూడా. మీ ఇంట్లో శాంతి, సామరస్యం ఉండేట్లా చూసుకోండి.

మీ ఇంట్లో స్త్రీలను ఎప్పుడూ అగౌరవంగా చూడవద్దు. మీ ఇంట్లో ఆడవారు ఆనందంగా ఉంటే, లక్ష్మీదేవి కూడా సంతోషంగా ఉంటుంది.

సూర్యోదయంకి ముందే నిద్రలేచి సూర్యాస్తమయం తర్వాత పడుకోండి.

వంట చేసేటప్పుడు మీరు రుచి చూడకండి.

స్నానం చేసి, అగ్నిదేవుడు, లక్ష్మీదేవికి నైవేద్యం పెట్టాకనే మీరు తినండి.

పవిత్రదినాలను గౌరవించండి. దీపావళి వంటి పండగలు, శుక్రవారాలు లక్ష్మీదేవికి ముఖ్యం. ఆరోజుల్లో పూజచేయటం మరవద్దు.

దీపావళినాడు లక్ష్మీదేవిని పూజలో చేయవలసినవి మరియు చేయకూడనివి

పూజ మరియు దీపావళి హారతి కుటుంబసభ్యులు అందరి సమక్షంలో జరగాలి. దానిద్వారా అందరూ అమ్మవారి ఆశీస్సులు పొందుతారు.

లక్ష్మీదేవికి సందోహంగా ఉన్న ప్రదేశాలు నచ్చవు. వాతావరణం శాంతిగా,సామరస్యంగా ఉండాలి.

ఇతర దేవతలకి హారతి ముగించాక, భక్తులు ఆనందంలో చప్పట్లు కొడతారు. కానీ లక్ష్మీపూజ హారతి తర్వాత చప్పట్లు కానీ, శబ్దాలు కానీ చేయవద్దు. ఒక చిన్న గంట శబ్దం చేస్తే చాలు.

హారతి అయిన వెంటనే బాణసంచా కాల్చవద్దు.