Jaya Ekadashi 2022: జయ ఏకాదశి రోజున చేయాల్సిన, చేయకూడని పనులేంటో తెలుసుకోండి...

చేయకూడని పనులు..

* జయ ఏకాదశి రోజున ఆకులు, పూలు కోయరాదు.పూజకు ఒకరోజు ముందే వాటిని కోసి సిద్ధంగా ఉంచుకోవాలి.

* జయ ఏకాదశి రోజున దానం చేసిన ఆహారాన్ని అస్సలు తినకూడదు.

* జయ ఏకాదశి రోజున ఉపవాసం ఉండే వారు ధాన్యాలు, ఎర్రని మిరపకాయలు, మసాలా వస్తువులను తినకూడదు.

* ఏకాదశి వ్రతం పాటించే వారు పాలకూర, అన్నం, తమలాపాకులు, క్యారెట్, బెండకాయ, క్యాబెజీ వంటి వాటిని తినకూడదు. ఎందుకంటే ఇవి మిమ్మల్ని అనవసరంగా నిందలు మోసేలా చేస్తాయట.

వీటికి దూరంగా ఉండాలి..

* జయ ఏకాదశి వ్రతం చేసే వారు ఉపవాసానికి ముందు ఉల్లి, మాంసహారం, వెల్లుల్లి వంటివి తినకూడదు.

* జయ ఏకాదశి రోజున మీరు కోపం తెచ్చుకోకూడదు. ఆ వ్రతం చేసే వారి గురించి ప్రతికూలంగా ఆలోచించకూడదు.

* జయ ఏకాదశి రోజున వ్రతం చేసే వారు చెడు మాటలు మాట్లాడరాదు.

* జయ ఏకాదశి రోజున వ్రతం చేసే వారు జుట్టు కట్ చేసుకోవడం, షేవింగ్ చేయడం, గోళ్లు కత్తరించుకోవడం వంటివి చేయకూడదు.

* జయ ఏకాదశి రోజున వ్రతం చేసే వేళ కుటుంబ సభ్యులు చీపురుతో శుభ్రం చేయడం వంటివి చేయరాదు.

కుంభంలోకి సూర్యుడి రవాణా సమయంలో ఈ రాశుల వారు జాగ్రత్తగా ఉండాలి...!

చేయాల్సిన పనులు..

* జయ ఏకాదశి రోజున తెల్లవారుజామునే నిద్ర లేవాలి. విష్ణుమూర్తిని ఆరాధించేందుకు ఈరోజంతా ఉపవాం ఉండాలి.

* జయ ఏకాదశి రోజున వ్రతం ఆచరించే వారు పసుపు రంగు దుస్తులు ధరించాలి. ఈ పవిత్రమైన రోజున విష్ణుమూర్తికి పూజలో పంచామ్రుతం మరియు తులసి ఆకులను సమర్పించాలి.

* జయ ఏకాదశి వంటి పవిత్రమైన రోజున శ్రీ మహా విష్ణువు యొక్క ఉపవాస కథను చదవండి.

* సూర్యోదయం తర్వాత ఏకాదశి ఉపవాసం ఉంటే.. ద్వాదశి రోజు ముగిసేలోపు పారాయాణం చేయాలి.

* ఇలా చేయడం వల్ల మీరు చేపట్టే పనులన్నింటిలో విజయం సాధిస్తారు.

ఇవి కూడా చేయండి..

* జయ ఏకాదశి రోజున వ్రతం ఆచరించే వారు పండ్లను ఒక్కసారి మాత్రమే తినాలి.

* ఈరోజున ఎవరైనా పేదవారు దానం అడిగితే.. కాదనకుండా మీ సామర్థ్యం మేరకు.. మీకు తోచినంత దానం చేయండి.

* ఉపవాస సమయంలో దానం చేస్తే మీకు పుణ్య ఫలం వస్తుంది.

* జయ ఏకాదశి రోజున ఎవ్వరినీ నిరుత్సాహపరచకండి. మీ మాటలతో బాధపెట్టడం వంటివి చేయకండి.