Just In
- 45 min ago మీరు ఉదయం నిద్రలేచిన వెంటనే మీ భాగస్వామితో కలిసి ఈ పని చేయండి, వారు రోజంతా హ్యాపీగా ఉంటారు
- 1 hr ago అశ్విని నక్షత్రంలో శుక్ర సంచారం ఈ రాశుల వారికి నాయకత్వ లక్షణాలు పెరుగుతాయి..
- 2 hrs ago వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- 3 hrs ago ఇవి తింటే మీ జుట్టు చాలా బలంగా మారుతుంది.. బట్టతల కూడా రాదు..
Jyeshtha Amavasya 2021: జ్యేష్ఠ అమావాస్య ప్రత్యేకతలేంటో తెలుసా...
జ్యేష్ఠ అమావాస్య ప్రత్యేకత మరియు విశిష్టత ఏంటో ఇప్పుడు తెలుసుకుందాం.
హిందూ పంచాంగం ప్రకారం జ్యేష్ఠ మాసంలో వచ్చే అమావాస్యను జ్యేష్ఠ అమావాస్య అంటారు. హిందూ పురాణాల ప్రకారం ఈ అమావాస్య చాలా ప్రత్యేకమైనది. 2021లో జ్యేష్ఠ అమావాస్య రోజునే శని జయంతి, సూర్య గ్రహణం, సావిత్రి వ్రత పూజలు కూడా జరగనున్నాయి.
జ్యేష్ఠ అమావాస్య రోజున చాలా మంది ఉపవాసం ఉండటం.. దానం చేయడం.. దేవుళ్లకు పూజలు చేయడం వంటివి చేస్తారు. ఇలా చేయడం వల్ల తాము చేసిన పాపాల నుండి మరియు తప్పుల నుండి మోక్షం లభిస్తుందని చాలా మంది నమ్ముతారు.
ఈ సంద్భంగా జ్యేష్ఠ అమావాస్య ఎప్పుడొచ్చింది.. జ్యేష్ఠ అమావాస్య విశిష్ఠత ఏంటి.. ఈ అమవాస్య ఉన్న ప్రాముఖ్యత గురించి తెలుసుకోవడంతో పాటు ఈ పవిత్రమైన రోజున ఏ పనులు చేయాలి.. ఏమి చేయకూడదనే వివరాలను ఇప్పుడు తెలుసుకుందాం...
శని జయంతి: వీటితో ఎలాంటి శనిదోశాలనైనా పరిష్కరించుకోవచ్చు...
జ్యేష్ఠ అమావాస్య ప్రత్యేకత..
హిందూ క్యాలెండర్ ప్రకారం, 2021లో జూన్ మాసంలో వచ్చే జ్యేష్ఠ మాసంలో క్రిష్ణ పక్షం యొక్క అమావాస్యకు ఎంతో ప్రత్యేకత ఉంది. ఇది జూన్ 10వ తేదీన ఏర్పడబోతోంది. ఈ అమావాస్యకు హిందూ మతపరంగా ఎంతో ప్రాముఖ్యత ఉంది. ఈరోజున జ్యేష్ఠ అమావాస్యతో పాటు శని జయంతి, సావిత్రి వ్రతం పూజలు కూడా జరగనున్నాయి. ఇది మాత్రమే కాదు ఈరోజునే తొలి సూర్యగ్రహణం కూడా జరగబోతోంది.
శని జయంతి..
హిందూ గ్రంథాల ప్రకారం.. జ్యేష్ఠ అమావాస్య రోజునే శని పుట్టినరోజుగా పరిగణిస్తారు. జ్యోతిష్యశాస్త్రం ప్రకారం శని దేవుడు చెడు కలిగిస్తాడని భావిస్తారు. కానీ శని జీవులలో కోపం, మెదడు పనితీరు మరియు మనశ్శాంతిని నియంత్రిస్తాడని అంటారు.
ఆంజనేయ ఆరాధన..
శని జయంతి రోజున హనుమంతుడి ఆరాధన వల్ల మంచి ఫలితం వస్తుందని పండితులు చెబుతారు. ఎందుకంటే కోపంగా ఉన్న శని దేవుడిపై హనుమంతుడు తేలికగా పట్టు సాధిస్తాడని నమ్ముతారు. అందుకే శనిని నియంత్రించడానికి ఆంజనేయుని ఆరాధన ఒక మార్గంగా భావిస్తారు. శని జయంతి రోజున శని ఆలయంలో శని మూర్తికి నూనె ఇవ్వడం కూడా తనను శాంతింపజేస్తుందని పండితులు చెబుతారు.
2021
జూన్
మాసంలో
వివాహ
మరియు
శుభ
ముహుర్తాలివే...!
సూర్య భగవానుడికి నీరు..
జ్యేష్ఠ అమావాస్య రోజున ఉదయాన్నే నిద్ర లేచి పవిత్రమైన నదిలో లేదా ప్రవహించే నీటిలో స్నానం చేయాలి. ఈరోజున సూర్య దేవునికి నీరు సమర్పించడం వల్ల మీకు మంచి ఫలితాలు వస్తాయి. అలాగే ఎర్రటి పువ్వులను ఒక రాగి కుండలో వేసి సూర్య భగవానుడికి అర్పించాలి. పేదలకు దానం చేయాలి.
ఇలా చేయకండి..
- జ్యేష్ఠ అమావాస్య రోజున మాంసాహారం తీసుకోవడం మరియు మద్యం సేవించడం వంటివి చేయకూడదు.
- ఈరోజున ఎవ్వరి నుండి డబ్బులు తీసుకోకూడదు.
- ఈరోజున కొత్త వస్తువులు కూడా కొనడం వంటివి చేయకూడదు.
ఇలా చేయండి..
- జ్యేష్ఠ అమావాస్య రోజున పీపాల్ చెట్టును ఆరాధించాలి.
- పీపాల్ చెట్టుకు ఒక దారాన్ని కట్టి, పచ్చి పాలను సమర్పించాలి.
- ఈ పవిత్రమైన రోజున గోమాత, శునకం మరియు కాకికి ఆహారం ఇవ్వాలి.
- ఈరోజున పూర్వీకులను పూజించాలి.
- నల్ల నువ్వులు దానం ఇవ్వడం వల్ల మంచి ప్రయోజనాలు కలుగుతాయి.