Maha Shivratri 2022:శివరాత్రి రోజున ఈ దుస్తులు ధరిస్తే, ఐశ్వర్యం పెరుగుతుందట...!

ఏ రంగు దుస్తులు ధరించాలంటే..

మహా శివరాత్రి 2022 రోజున భక్తులు ముందుగానే స్నానం చేసి, అందమైన బట్టలు ధరించి, సమీపంలోని శివాలయాన్ని సందర్శించి ప్రార్థనలు చేయాలి. ఈ పవిత్రమైన శివునికి పూజలు చేసే సమయంలో మీరు కచ్చితంగా ఆకుపచ్చని రంగులో ఉండే దుస్తులను ధరించాలి. ఎందుకంటే ఈ రంగు అంటే శివుడికి చాలా ఇష్టమట. ఒకవేళ మీ దగ్గర ఆకుపచ్చ దుస్తులు లేకపోతే, మీరు ఈ రోజున ఎరుపు, తెలుపు, పసుపు మరియు నారింజ రంగులను ధరించొచ్చు. కాటన్ దుస్తులనే కచ్చితంగా ధరించాలి. ఎందుకంటే ఇవి చాలా తేలికగా మరియు సౌకర్యవంతంగా ఉంటాయి.

ఈ దుస్తులు ధరించొద్దు..

ఈ పవిత్రమైన రోజున నలుపు రంగులో ఉండే దుస్తులను ధరించడం వంటివి చేయొద్దు.ఎందుకంటే నలుపు రంగును భోలేనాథుడు ఇష్టపడరు. ఆ దేవునికి నల్లని రంగులోని బట్టలను చూసి కోపం రావచ్చని పండితులు చెబుతారు. దీంతో మీకు వ్యతిరేక ప్రభావం వచ్చే అవకాశం ఉంటుంది. ఇక మగవారు తమ బట్టలు వేసుకునేటప్పుడు బెల్టులు వేసుకుంటూ ఉంటారు. ఇవి శివుడికి కోపం తెప్పిస్తాయట. మీరు లెదర్ వస్తువులు కూడా శివాలయం దగ్గరకు తీసుకెళ్లొద్దు. మగాళ్లు ధోతీ లేదా పైజామా ధరిస్తే మంచి ఫలితాలొస్తాయట.

మహా శివరాత్రి శుభ ముహుర్తం..

2022లో మహా శివరాత్రి శుభ ముహుర్తం ఈ విధంగా ఉంది.

మార్చి 1, 2022 నిశిత కాల పూజ సమయం - 12:26 AM నుండి 01:00 AM వరకు, మార్చి 02 రాత్రి మొదటి ప్రహార పూజ సమయం - 06:44 PM నుండి 09:47 PM వరకు, మార్చి 1 రాత్రి రెండవ ప్రహార పూజ సమయం - 09 : 47 PM నుండి 12:51 AM వరకు, మార్చి 2 రాత్రి మూడవ ప్రహార పూజ సమయం - 12:51 AM నుండి 03:54 AM వరకు, మార్చి 2 రాత్రి నాలుగు ప్రహార పూజ సమయం - 03:54 AM నుండి 06:57 AM వరకు, మార్చి 2 చతుర్దశి మార్చి 1న ప్రారంభమవుతుంది , 2022 03:16 AM చతుర్దశి మార్చి 2, 2022న 01:00 AMకి ముగుస్తుంది

శివరాత్రి ప్రాముఖ్యత

పురాణాల ప్రకారం, 2022 మహా శివరాత్రి ప్రాముఖ్యత ప్రకారం పార్వతీ దేవి ఈ రోజున శివుడిని వివాహం చేసుకుంది. కావున ఈ రోజున శివుడిని, పార్వతీ దేవిని పూజించిన వారి వైవాహిక జీవితంలోని సమస్యలన్నీ తొలగిపోయి జీవితంలో ఐశ్వర్యం పెరుగుతుందని చెబుతారు. ఇది కాకుండా, ఈ రోజున చేసే పూజ వైవాహిక సమస్యలను కూడా తొలగిస్తుంది. అందుకు భార్యాభర్తలు మహాశివరాత్రి నాడు ఉపవాసం ఉండాలి. హిందూ సంప్రదాయం ప్రకారం, మహాశివరాత్రి రోజున ఉపవాసం ఉన్న అమ్మాయిలు కోరుకున్న భర్తను పొందుతారని నమ్ముతారు. కోరుకున్న వివాహం జరగాలంటే ఈ రోజు ఉపవాసం ఉండటం మంచిది. మరో కథనం ప్రకారం, శివ లింగం ఈ పవిత్రమైన రోజునే ఉద్భవించిందని చాలా మంది నమ్ముతారు. అందుకే ఈరోజున మహా శివరాత్రి పండుగను జరుపుకుంటారు.