Just In
- 13 min ago కుబేర యోగం తో మే 1 నుంచి ఈ మూడు రాశుల వారికి ధనం, ఐశ్వర్యం, సంపదలు పెరుగుతాయి
- 2 hrs ago 24 ఏప్రిల్ 2024: ఈ రోజు రాశి ఫలాలు మీ రాశికి ఈ రోజు ఎలా ఉంటుంది ఏ పనులు చేస్తే మంచిది ఇక్కడ తెలుసుకోండి..
- 10 hrs ago మేషరాశిలో ఏర్పడే గజలక్ష్మీ యోగం వల్ల ఏప్రిల్ 25 నుండి ఈ 3 రాశులకి పట్టిందల్లా బంగారమే..
- 11 hrs ago ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
Makar Sankranti 2022:ఈ ఏడాది మకర సంక్రాంతి పండుగ ఎప్పుడొచ్చింది? శుభ ముహుర్తం ఎప్పుడంటే?
2022 సంవత్సరంలో మకర సంక్రాంతి పండుగ తేదీ, చరిత్ర మరియు ప్రాముఖ్యత గురించి ఇప్పుడు తెలుసుకుందాం.
హిందూ మతంలో మకర సంక్రాంతి పండుగకు ఎంతో ప్రాముఖ్యత ఉంది. ఈ పండుగను మన దేశంలో చాలా వైభవంగా జరుపుకుంటారు. మన తెలుగు రాష్ట్రాలతో పాటు విదేశాల్లో కూడా ఈ పండుగను ఘనంగా జరుపుకుంటారు.
సంక్రాంతి పండుగ వేళ అనేక సంఘటనలు ఉన్నాయి. ఈ పవిత్రమైన రోజునే సూర్యుడు తన దిశను మార్చుకుంటాడు. ధనస్సు రాశి నుండి మకరరాశిలోకి ప్రవేశించే రోజు. ఇదే రోజున కేరళ రాష్ట్రంలోని శబరిమలలో అయ్యప్పస్వామి ఆలయ ప్రాంతంలో మకర జ్యోతి దర్శనమిస్తుంది.
మిగిలిన ప్రాంతాల్లో రైతుల చేతికి పంట చేతికొచ్చిన సందర్భంగా రైతులందరూ ఆనందంగా ఈ పండుగను జరుపుకుంటారు. ఇదిలా ఉండగా.. 2022 సంవత్సరంలో మకర సంక్రాంతి పండుగ ఎప్పుడొచ్చింది? శుభ ముహుర్తం ఎప్పుడు, అసలు ఈ పండుగను జరుపుకునేందుకు గల ముఖ్యమైన కారణాలేంటో ఇప్పుడు తెలుసుకుందాం...
Makar Sankranti 2022:సంక్రాంతి వేళ మీ రాశిని బట్టి ఏ వస్తువులను దానం చేయాలో తెలుసా...
సంక్రాంతి ఎప్పుడంటే..
మకర సంక్రాంతి హిందూ మతంలోని ప్రధాన పండుగలలో ఒకటి. మన దేశంలో వివిధ రాష్ట్రాల్లో వారి వారి విశ్వాసాల ప్రకారం జరుపుకుంటారు. మకర సంక్రాంతి పండుగను 2022 సంవత్సరంలో జనవరి 15వ తేదీన జరుపుకుంటారు. శుభ ముహుర్తం మధ్యాహ్నం 2:43 నుండి సాయంత్రం 5:45 గంటల వరకు ఉంటుంది. అంతకుముందు జనవరి 14వ తేదీన భోగీ పండుగ జరుపుకుంటారు.
పురాణాల ప్రకారం..
మకర సంక్రాంతి పండుగ వేళ సూర్యభగవానుడు తన కుమారుడైన శని ఇంటికి వెళతాడని చెబుతారు. అదే సమయంలో, శని మకరం మరియు కుంభరాశికి అధిపతిగా పరిగణించబడతారు. ఈ పండుగ తండ్రీ కొడుకుల కలయికతో ముడిపడి ఉంటుంది. దీనికి సంబంధించిన అనేక పౌరాణిక కథనాలు కూడా ఉన్నాయి. ఓ పురాణం ప్రకారం, ఈ పండుగను రాక్షసులపై విష్ణువు సాధించిన విజయంగా కూడా జరుపుకుంటారు. ఈరోజున శ్రీ మహావిష్ణువు అసురులను జయించి, మందర పర్వతంపై వారి తలలను పాతిపెట్టాడని చెబుతారు.
ఉత్తర దిశలో పయనం..
సంక్రాంతిని ఉత్తరాయణంగా పిలుస్తారు. ఎందుకంటే ఈరోజు నుండి సూర్యుడు దక్షిణయానం నుండి ఉత్తరయానంలోకి ప్రవేశిస్తాడు. ఈ సమయంలోనే దేశవ్యాప్తంగా రైతుల పంట చేతికొస్తుంది. అయితే ఈ పండుగను ఒక్కో రాష్ట్రంలో ఒక్కోపేరుతో జరుపుకుంటారు. ఉత్తర భారతంలోని ప్రజలందరూ సంక్రాంతి పండుగను మాఘీ అని పిలుస్తారు. మధ్య భారతంలో సుకరాత్ అని పిలుస్తారు. గుజరాత్ లో అయితే గాలిపటాలను ఎగురవేసి సంబురాలు జరుపుకుంటారు.
Makar Sankranti 2022:పతంగుల పండుగ వెనుక ఉన్న ఆసక్తికరమైన రహస్యాలేంటో తెలుసా...!
సంక్రాంతి వేళ దానం..
జ్యోతిష్యశాస్త్రం ప్రకారం, ఈరోజు స్నానం మరియు దానానికి ఎంతో ప్రాముఖ్యత ఉంది. మకర సంక్రాంతి రోజున తలస్నానం చేయడం చాలా పవిత్రమైనదిగా భావిస్తారు. దీంతో పాటు ఈ పవిత్రమైన రోజున దానం చేస్తే తాము కోరుకున్న కోరికలన్నీ నెరవేరుతాయని నమ్ముతారు. సంక్రాంతి రోజున పసుపు బియ్యం లేదా ఉన్ని దుస్తులను దానం చేస్తే పుణ్య ఫలం వస్తుందని పండితులు చెబుతారు.
రంగు రంగుల ముగ్గులు..
సంక్రాంతి వేళ పల్లెటూళ్లు.. పట్టణాల్లో ఉదయాన్నే రంగు రంగుల ముగ్గులతో ప్రతి ఒక్క లోగిలి ముంగిట పండుగ శోభను తెచ్చేస్తారు. ఈరోజున ముగ్గుల మధ్య గొబ్బెమ్మలు పెట్టడం ఆనవాయితీగా వస్తోంది.
- 2022 సంవత్సరంలో మకర సంక్రాంతి పండుగ ఎప్పుడొచ్చింది?
హిందూ క్యాలెండర్ ప్రకారం, 2022 సంవత్సరంలో జనవరి 15వ తేదీన శనివారం నాడు మకర సంక్రాంతి పండుగ వచ్చింది. మకర సంక్రాంతి పండుగ కంటే ముందు భోగి పండుగ 14వ తేదీ శుక్రవారం నాడు వస్తుంది.