2018 శివరాత్రి రోజున ప్రార్థిస్తే ఎంత మంచి జరుగుతుందో మీకు తెలుసా ?

శక్తులను ఎలా నిర్వహించాలి :

జ్యోతిష్యుల ప్రకారం ఈ రోజున ఉత్తర గోళం లో ఏర్పడే స్థితి వల్ల సాధారణంగానే వ్యక్తుల యొక్క శక్తులు సైద్ధాంతికంగానే పెరుగుతాయట. ఈ విపరీతమైన శక్తిని, సమతుల్యతతో ఉంచుకోవడానికి ప్రతి ఒక్కరు రాత్రి మొత్తం మేలుకోవాల్సి వస్తుంది, అంటే జాగరణ చేయవలసి ఉంటుంది.

ఈ యొక్క కారణం చేతనే మన పూర్వికులు, ఈ పండుగను జరుపుకొనే విధానంలో భాగంగా ఒక విధానాన్ని ప్రవేశపెట్టారు. అదేమిటంటే, ఈ ప్రత్యేకమైన పండుగ రోజు వివిధ సంప్రదాయాలను ఆచరిస్తూ రాత్రి మొత్తం మేల్కొని ఈ పండగను జరుపుకొనేలా విధి విధానాలను రూపొందించడం జరిగింది.

వివిధరకాల వ్యాఖ్యానాలు :

ఒకానొక వ్యాఖ్యానం ఏమిటంటే, ఈ రోజున శివుడు శత్రువులందరి పై విజయం సాదించాడట, అందుకు ప్రతీకగా ఈ పండగ జరుపుకుంటారట. ప్రాచుర్యంలో ఉన్న మరొక కథ ఏమిటంటే, ఈ రోజున శివపార్వతులు ఇద్దరు వివాహం చేసుకున్నారట. ఇలా ఎదో ఒక కారణం చేత, ప్రతి ఒక్కరు ఈ రోజుని ప్రత్యేకంగా భావిస్తారు మరియు విశిష్టమైన గుర్తింపునిస్తారు. కొంతమంది దైవ చింతనలో లేకపోయినప్పటికీ కూడా, ఈరోజున మాత్రం నిష్టగా ఉండి, భక్తితో ప్రార్ధించి, తమ లక్ష్యాలను చేరుకోవాలని చూస్తారు. వివిధ వర్గాలు, వయస్సు గల ప్రజలందరూ ఈ పండగను సమానమైన భక్తితో జరుపుకోవడం జరుగుతుంది.

ప్రతికూలత మొత్తం చెడ్డది కాదు :

కొంతమంది నమ్మకాల ఆధారంగా బయటపడిన విషయం ఏమిటంటే, ఈ మహాశివరాత్రి రోజున ఆ మహాశివుడు ఎంతో ప్రాముఖ్యత గాంచిన తాండవ నాట్యాన్ని ఆడారని చెబుతారు. సాధారణంగా విపరీతమైన కోపం ఉన్న సందర్భంలోనే శివుడు తాండవ నాట్యం ఆడుతారట. ఇది వినాశనానికి చిహ్నం. ఈ నమ్మకం ఆధారంగానే ఈ పండగను జరుపుకోవడం జరుగుతుంది. సాధారణంగా హిందువులు జరుపుకొనే పండగలన్నింటిలోను, అనుకూలత పరిస్థితులు ఎక్కువగా ఉండి, రాత్రిపూట చీకటిలో జరుపుకునేవిగా పండుగలు ఉంటాయి. మనందరికీ తెలిసిన విషయం ఏమిటంటే, మహాశివుడు కోపంలో అన్నింటిని నాశనం చేస్తాడు. అయినప్పటికీ ఆయనను మనమందరం ఆరాధించడం జరుగుతుంది. అందరు ఖచ్చితంగా తెలుసుకోవాల్సిన విషయం ఏమిటంటే, మహాశివరాత్రి యొక్క ముఖ్య ఉద్దేశ్యం మన లోపల ఉన్న శాంతిని, ప్రశాంతతను వెతుక్కోవడం. ఎప్పుడైతే ఉన్నదంతా పూర్తిగా నాశనం అవుతుందో, ఆ తర్వాతనే సృష్టి మళ్ళీ కొత్తగా ఉద్భవించడం జరుగుతుంది.

ఉపవాసం ఎందుకు చేస్తారంటే :

శివరాత్రి పండుగ పర్వదినాన చాలామంది అతి ముఖ్యంగా పాటించే ఒక ఆచార సంప్రదాయ వ్యవహారం ఉపవాసంతో ఉండటం. భక్తులు ఉదయం నుండి ఆ రోజు ఏమి తినరు మరియు రాత్రంతా మేల్కొని ఉండి ఆ మహాశివునికి ప్రార్థనలు చేస్తారు. మనం ముందుగా చెప్పుకున్నట్లు గానే, ఈ పండుగ రోజు వచ్చే రాత్రికి చాలా ప్రాముఖ్యత ఉంది. ఆ మరుసటి రోజు ఉదయాన్నే భక్తులు ఉపవాసాన్ని విరమిస్తారు. ఇంత ఎక్కువసేపు ఉపవాసం చేయడం వల్ల శరీరం విపరీతమైన అలసటకు లోనవుతుంది. అయితే, ఆ మహాదేవుని ప్రార్ధించే సమయంలో తన్మయత్వంలో మునిగిపోయిన భక్తులను గనుక చూస్తే, ఉదయం నుండి వీరు ఉపవాసంతో వున్నారు, ఏమి తినలేదు అంటే ఎవరు నమ్మరు. అంత ఉత్సాహంతో ఆ దేవ దేవుడిని కొలుస్తారు. ఆ మహాశివరాత్రి రోజున చూపించే భక్తి మరియు ఆ సమయంలో ఉండే అత్యుత్సాహం నిజంగా అభినందనీయం.

నృత్యం మరియు సంగీతం :

ఆ మహా శివుడు నటరాజు రూపంలో ఉన్నప్పుడు, నృత్య దేవుడిగా అందరూ ఆయనను పిలుస్తారు. ఈ రోజు రాత్రి ఆయనకు ప్రత్యేకంగా పూజించడం జరుగుతుంది. అందుచేత ఈ సమయంలో చాలా మంది నృత్యం చేస్తారు. భక్తులు ఎంతోమంది ఉత్సాహంగా నృత్యంతో పాటు, పాటలు పాడుతూ, భజనలు చేస్తూ ఈ పండగ రోజున ఆ శివుడిని కొలుస్తారు. బిగ్గరగా "ఓం నమః శివాయ" అని శివుడిని సుతిస్తూ ఆహ్లాదకరంగా భక్తివరవశ్యంతో భక్తులు ఈ మహాశివరాత్రిని జరుపుకుంటారు. ఈ మంత్రాన్ని మాత్రం అందరూ ఖచ్చితంగా జపిస్తారు.

సంబంధిత ఆచారాలు :

మిగతా భారతీయ పండుగల లాగానే శివరాత్రికి సంబంధించి కూడా వివిధ రకాల ఆచారాలు ఉన్నాయి. మొదటిది కొత్త బట్టలు వేసుకోవాలి, మహా శివరాత్రి రోజు మొత్తం ఉపవాసం ఉండాలి, శివలింగాలను ఆచారాలకు అనుగుణంగా కడగాలి. ఈ శుభ్రం చేసే సమయంలో తేనె, పాలు, మరియు నీళ్లతో పాటు అవసరమైన పదార్ధాలను ఉపయోగించాలి. స్త్రీలు ఎవరైతే ఉపవాసంతో ఉంటారో వారు శివలింగాన్ని ఉదయాన్నే ఆచారాలకనుగుణంగా స్నానం చేయిస్తారు. అదే పూజారులు అయితే ప్రతి మూడు గంటలకు ఒకసారి శివలింగాన్ని శుభ్రం చేస్తారు. ఒకే రకమైన ఉత్సాహంతో రోజు మొత్తం ఈ పండగను జరుపుకుంటారు. ఈ సమయాల్లో ఆలయాల నుండి గంటల శబ్దం విపరీతంగా వినపడుతుంది మరియు "ఓం నమః శివాయ" అనే మంత్రం నాలుగు దిక్కులా ధ్వనిస్తుంది.

స్త్రీల యొక్క పాత్ర :

ఈ పండుగను ప్రతి ఒక్కరు జరుపుకున్నప్పటికీ కూడా, ఈ పండుగ పర్వదినం స్త్రీలకు మరింత పవిత్రమైనదని భావిస్తారు. ఈ రోజున పెళ్ళైన మహిళలు ఉపవాసంతో ఉండి, తమ భర్త బాగుండాలని భక్తి శ్రద్దలతో పూజ చేస్తారు. ఇలా చేయడానికి గల కారణం ఏమిటంటే, మహాశివుడు మరియు పార్వతీదేవిల జంట ఉత్తమమైన జంట అని చాలామంది భావిస్తారు. యుక్తవయస్సులో ఉన్న అమ్మాయిలు మరియు పెళ్లి కాని అమ్మాయిలను కూడా, ఈ రోజున ఉపవాసంలో ఉండేలా ప్రోత్సహిస్తారు. ఇలా చేయడం ద్వారా ఆ మహాశివుడిని ప్రసన్నం చేసుకొని, అయన ఆశీర్వాదాలు కారణంగా, ఆయనలా ఉండే మంచి భర్తలు వీరికి కూడా వస్తారట.

శివరాత్రి రోజున బహుమతి ఎంపికలు :

శివరాత్రి రోజున పూజ సామగ్రి అయిన ఇత్తడితో చేసిన దీపాలు, దీపపు స్టాండ్లు, రుద్రాక్ష మాల, చదివేందుకు ఉపయోగపడే బల్ల మరియు కాండిల్స్ పెట్టుకొనే హోల్డర్లను ఇవ్వడం పవిత్రంగా భావిస్తారు. ఈ రోజున గనుక ఏ కుటుంబం అయినా శివుడి ప్రతిమను లేదా శివలింగాన్ని గనుక అందుకున్నట్లైతే అలాంటి కుటుంబానికి అదృష్టం బాగా కలిసి వస్తుందట. మీరు గనుక ఆధునిక శైలిలో ఆలోచిస్తున్నట్లైతే మరియు ఏదైనా వినూత్నంగా బహుకరించాలి అని భావిస్తున్నట్లైతే అటువంటి సమయంలో మీరు సువాసనలు వెదజల్లే కాండిల్స్ లేదా శివ భజనలు మంత్రాలను, పాటలను మరియు ప్రార్ధనలను రికార్డు చేసిన సి.డి లను, బహుకరించవచ్చు. ఇలాంటి వివిధరకాల బహుమతులను మీరు ఎదుటివారికి ఇవ్వడం ద్వారా, వారిని మీరు ఎంతో సంతోషపెట్టిన వారు అవుతారు. దానితో పాటు మీ మనస్సు ఎంతో ఆనందపడుతుంది మరియు మీకు ప్రశాంతత లభిస్తుంది.