Ram Navami Fasting Rules:శ్రీరామ నవమి రోజున ఏమి తినాలి.. ఏమి తినకూడదో తెలుసా...

తాజా పండ్లను..

శ్రీరామ నవమి రోజున ఉపవాసం ఉండే ప్రతి ఒక్కరూ తాజా పండ్లను తీసుకోవాలి. ఇవి మిమ్మల్ని మరింత ఆరోగ్యంగా ఉంచేందుకు సహాయపడతాయి. అలాగే వీటిని జ్యూస్ గా కూడా చేసుకుని తినొచ్చు. మీరు తాజా అరటిపండును కూడా తీసుకోవచ్చు.

బంగాళదుంపలు..

బంగాళదుంపల(ఆలుగడ్డ)ను ఉత్తర భారతంలో ఎక్కువగా తింటారు. ఎందుకంటే వీటిలో కార్బోహైడ్రేట్స్ ఎక్కువగా ఉంటాయి. అయితే మీరు బంగాళదుంపను తక్కువగా తీసుకుంటూ ఉంటే.. నవమి రోజున బంగాళదుంపలో కొంచెం నెయ్యి వేసి వేయించిన లేదా బంగాళదుంప హల్వా వంటివి చేసుకొని తినొచ్చు.

చపాతీ, దోశ..

శ్రీరామ నవమి రోజున ఉపవాసం ఉండే వారు గోధుమ పిండితో చేసే చపాతీలను, బియ్యపు పిండితో తయారయ్యే దోశ లేదా హల్వా వంటివిని ఎక్కువగా తినొచ్చు. ఇవి కూడా మీకు తగిన శక్తిని ఇస్తాయి.

పాలు, డ్రై ఫ్రూట్స్..

శ్రీరామ నవమి రోజున సాయంకాలం సమయంలో అంటే సూర్యస్తమయం ముగిసిన తర్వాత పాలు, పాల ఉత్పత్తులు, డ్రై ఫ్రూట్స్ వంటి వాటిని ఉపయోగించొచ్చు. అలాగే ఉపవాసం ఉండే వారు లస్సీ రూపంలో పాలను తీసుకోవచ్చు. పనీర్ వంటి వాటిని కూడా తీసుకోవచ్చు. వీటిని తీసుకోవడం వల్ల మీకు మంచి ఎనర్జీ వస్తుంది. అయితే డ్రై ఫ్రూట్స్ మీ బాడీలోని వేడిని ఎక్కువగా పెంచే అవకాశం ఉన్నందున వాటిని ఎక్కువగా తీసుకోకండి.

ఇవి వాడొద్దు..

శ్రీరామ నవమి వంటి పవిత్రమైన రోజున ఉపవాసం ఉండే వారు ఆహారం చేసేటప్పుడు పసుపు, ఎర్రని కారం లేదా ఎక్కువ ఉప్పు వంటి వాటిని వాడొద్దు. ఎందుకంటే కారం, ఉప్పు ఏది ఎక్కువైనా నిగ్రహంగా ఉండటం కొంత కష్టంగా ఉంటుంది. అలాగే ప్రశాంతంగా ఉండలేరు.

వీటి జోలికి వెళ్లొద్దు.

శ్రీరామ నవమి రోజున చెడు అలవాట్లకు దూరంగా ఉండాలి. ముఖ్యంగా మాంసాహార పదార్థాలను అస్సలు తీసుకోకూడదు. శ్రీరామనవమి రోజున మందు, సిగరెట్ వంటి వాటి జోలికి అస్సలు వెళ్లకూడదు. అదనంగా, ఉల్లిపాయలు మరియు వెల్లుల్లి తినొద్దు. ఈ రెండు పదార్థాలు లేకుండా మీ కూరను తయారు చేసుకుని తినాలి.