Rama Navami 2023: శ్రీరాముని అనుగ్రహం పొందడానికి రామ నవమి నాడు పఠించాల్సిన మంత్రాలు!

Rama Navami 2023: శ్రీరామ నవమి శుభాకాంక్షలు.. రామ నామంతో సకల పాపహరణం. రామ నవమి హిందూ మతంలో ముఖ్యమైన పండుగలలో ఒకటి. శ్రీరాముని జన్మదినాన్ని రామ నవమిగా జరుపుకుంటారు. రాముడు విష్ణువు యొక్క ఏడవ అవతారం. భూమిపై ధర్మాన్ని స్థాపించడానికి విష్ణువు రాముడిగా అవతరించినట్లు చెబుతారు. రామ నవమి ప్రతి సంవత్సరం చైత్రమాసం శుక్లపక్షంలో నవమి సందర్భంగా జరుపుకుంటారు.

శ్రీ సీతారాముల కళ్యాణం కమనీయం.. రామరాజ్యం రమణీయం. శ్రీరాముని పట్టాభిషేకం సకల జనులను పరవశింపజేసే ఓ అద్భుతఘట్టం. ఈ సంవత్సరం రామ నవమిని మార్చి 30, గురువారం జరుపుకుంటారు. ఈ రామ నవమి నాడు రామ మందిరాల్లో శ్రీరాముడికి ప్రత్యేక పూజలు నిర్వహించనున్నారు. అలాగే ఈ రోజున రామభక్తులు ఉపవాసం ఉండి, శ్రీరాముని పూజించి, శ్రీరామునికి మంత్రాలు పఠించి, శ్రీరాముని అనుగ్రహాన్ని పొందేందుకు ప్రయత్నిస్తారు. శ్రీరాముడు ఉత్తర భారతదేశంలోని అయోధ్యలో జన్మించాడు కాబట్టి, ఉత్తర భారతదేశంలో రామ నవమిని చాలా ఘనంగా జరుపుకుంటారు.

శ్రీరామ నవమి ప్రాముఖ్యత
త్రేతాయుగంలో వసంత ఋతువులో చైత్రశుద్ధ నవమినాడు పునర్వసు నక్షత్రపు కర్కాటక లగ్నంలో సరిగ్గా అభిజిత్ ముహూర్తంలో శ్రీరాముడు జన్మించాడని పురాణాలు చెబుతున్నాయి. రాముడి జన్మ దినమును ప్రజలకు ఒక వేడుక. పద్నాలుగు సంవత్సరాల వనవాసము, ఆపై లంకను జయించి.. రావణ సంహారం గావించి తిరిగి అయోధ్య చేరిన తర్వాత శ్రీరాముడు సీతాసమేతంగా పట్టాభిషిక్తుడైనాడు. ఈ శుభ సంఘటన కూడా చైత్ర శుద్ధ నవమి నాడే జరిగినదని ప్రజల విశ్వాసము. శ్రీ సీతారాముల కళ్యాణం కూడా ఈరోజునే జరిగింది. అందుకే శ్రీరామ నవమికి అంతటి ప్రాముఖ్యత.

రామనవమి సందర్భంగా శ్రీరాముని శ్లోకాలు ఇక్కడ కొన్ని అందజేస్తున్నాం.. ఈ శ్లోకాలు ఎంతో శక్తివంతమైనవి.. ప్రభావవంతమైనవి అని ప్రతీతి. మీరు కూడా రామ నవమి నాడు శ్రీరాముని అనుగ్రహం పొందాలని అనుకుంటున్నారా?అయితే శ్రీరాముని ప్రసన్నం చేసుకోవడానికి రామ నవమి రోజున శ్రీరామునికి కొన్ని మంత్రాలను పఠించండి. రాముడి యొక్క అత్యంత ప్రసిద్ధ మరియు శక్తివంతమైన మంత్రాలలో కొన్ని క్రింద ఉన్నాయి. రామ నవమి నాడు వాటిని పఠించి శ్రీరాముని అనుగ్రహాన్ని పొందండి.

రామ మంత్రం అభయం.. శ్రీ రామ నవమి ఎంతో పవిత్రం!

1. రామ మూల మంత్రం

శ్రీరాముని అత్యంత శక్తివంతమైన మరియు సరళమైన మంత్రం "శ్రీరామ జయం" లేదా "ఓం శ్రీ రామాయ నమః". ఈ మంత్రాన్ని జపిస్తే మనశ్శాంతి, ఆత్మవిశ్వాసం, విజయం లభిస్తాయి.

2. రామ తారక మంత్రం

"శ్రీ రామ జయ రామ జయ జయ రామ"

3. రామ గాయత్రి మంత్రం

"ఓం దశరథాయే విద్మహే సీతా వల్లభాయ ధీమహి
తన్నో రామ ప్రశోదయాత్"

4. రామ ధ్యాన మంత్రం

"ఓం అపాదమపహర్తారం దాతారం సర్వసంపదమ్
లోకాభిరామం శ్రీరామం భూయో భూయో నమామ్యహం"

5. కోదండ రామ మంత్రం

"శ్రీరామ జయ రామ కోదండ రామ"

ఈ మంత్రంలో కోతండం అంటే విల్లు అని అర్థం. రాముడు ధనుస్సును మోసేవాడు కాబట్టి, ఈ కోదండ రామ మంత్రాన్ని జపించడం వల్ల మనలోని చెడు ఆలోచనలు నశిస్తాయి.

విష్ణు సహస్రకానికి సూక్ష్మరూపంగా చెప్పే శ్లోకం..

శ్రీ రామ రామ రామేతి రమే రామే మనోరమే | సహస్ర నామతత్తుల్యం రామనామ వరాననే ||

ఈ శ్లోకం మూడుమార్లు స్మరించితే ఒక్క విష్ణు సహస్రనామ పారాయణ ఫలితమేకాదు, భక్తులకు శివసహస్రనామ ఫలితం కూడా లభిస్తుందని పురాణాలు చెప్పినట్లుగా నివేదికలు ఉన్నాయి.