Just In
- 42 min ago Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- 1 hr ago గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- 4 hrs ago ఎన్నికల ముందు ప్రచారంలో గాల్లో మేడలు కడుతున్న నాయకులు..
- 6 hrs ago ఈ 4 రాశులకు శుక్రుడు, రాహువు కలయిక గొప్ప ఫలితాలిస్తాయి, ఏప్రిల్లో డబ్బు వర్షం కురుస్తుంది
Shani Jayanti 2022 Daan: శని మహాదశ కష్టాల నుండి ఉపశమనం కావాలంటే ఇవి దానం చేయండి...
2022లో శని జయంతి సందర్భంగా శని దోషం తొలగిపోవడానికి ఎలాంటి పరిహారాలు పాటించాలనే ఆసక్తికరమైన విషయాలను ఇప్పుడు తెలుసుకుందాం...
హిందూ మతాన్ని విశ్వసించే వారిలో చాలా మంది శని దోషం గురించి తరచుగా వింటూ ఉంటారు. ఇప్పటికీ చాలా మంది తమ జాతకంలో ఏలినాటి శని దోషం ఉందని.. తమ పనులేవీ నెరవేరడం లేదని బాధపడుతూ ఉంటారు.
అయితే అలాంటి వారందరి కోసం శని దేవుని అనుగ్రహం కోసం.. ఏలి నాటి శని నుండి విముక్తి పొందేందుకు ఈ ఏడాది మే మాసంలో ఓ ప్రత్యేక సందర్భం వచ్చింది. హిందూ క్యాలెండర్ ప్రకారం 2022 సంవత్సరంలో మే 30వ తేదీనశని జయంతి వచ్చింది.
జ్యేష్ట మాసంలో అమావాస్య ఆదివారం 29 మే 2022 మధ్యాహ్నం 2:54 గంటలకు ప్రారంభమై 30 మే 20 సాయంత్రం 4:59 గంటలకు ముగుస్తుంది. అందుకే ఈ ఏడాది శని జయంతిని మే 30వ తేదీన అంటే సోమవారం ఉదయం నాడు జరుపుకుంటారు. శాస్త్రాల ప్రకారం, సూర్యుని కుమారుడే శని దేవుడు అని పండితులు చెబుతారు. ఆయనకు ఛాయా పుత్రుడు అనే పేరు కూడా ఉంది.
జీవుల జాతక చక్రాలపైన తన ప్రభావాన్ని ఎలా చూపబోతున్నాడో అని నిరూపించడానికి ఆయన జననం సూర్యగ్రహణంలో జరిగింది. ఈ పవిత్రమైన రోజున శనిదేవుని పూజించడం వల్ల శారీరక, మానసిక, ఆర్థిక సమస్యలన్నీ తొలగిపోతాయని చాలా మంది నమ్ముతారు. అయితే శని జయంతి రోజున ఈ వస్తువులను దానం చేస్తే మీ కుటుంబ జీవితంలో మరియు వ్యక్తిగత జీవితంలో ఆనందం మరియు శ్రేయస్సు కచ్చితంగా పెంచుకోవచ్చు. అంతేకాదు బాధల నుండి కూడా పూర్తిగా విముక్తి లభిస్తుందని పండితులు చెబుతున్నారు. ఈ సందర్భంగా శని జయంతి రోజున ఏయే వస్తువులను దానం చేయాలనే వివరాలను ఇప్పుడు తెలుసుకుందాం...
Shani Jayanti 2022:శని దేవుని అనుగ్రహం కోసం ఈ పరిహారాలు పాటించండి...
పేదలకు దానం..
శని జయంతి సందర్భంగా శని దేవుడికి పూజ చేసిన అనంతరం నల్లని నువ్వులను పేదలకు దానం చేయాలి. ఇలా చేయడం వల్ల సాడే సతి, శని దహియ, శని దోషాల నుండి ఉపశమనం లభిస్తుంది. అంతేకాదు రాహు, కేతువుల దుష్పరిణామాల బారి నుండి కూడా తప్పించుకోవచ్చు.
దుస్తులను..
శని జయంతి రోజున మీ సామర్థ్యం మేరకు పేదలకు నల్లని రంగులో లేదా నీలం రంగులో ఉండే దుస్తులను మరియు చెప్పులను దానం చేయాలి. ఇలా చేయడం వల్ల రోగాలు, శారీరక బాధలు దూరమవుతాయని పండితులు చెబుతున్నారు.
డబ్బు సమస్యలు పోవాలంటే..
మీకు ఇప్పటివరకు ఏవైనా ఆర్థిక సమస్యలు ఉంటే.. శని జయంతి రోజున పావు కిలో నల్ల ఉల్లిపాయలను పేదలకు దానం చేయాలి. ఇలా చేయడం వల్ల మీకు ఆర్థిక సంక్షోభం నుండి విముక్తి లభించడమే కాదు.. మీ సంపద మరియు శ్రేయస్సు పెరుగుతుంది. అలాగే గోధుమలను కూడా దానం చేస్తే ఆర్థికంగా మీరు బలపడొచ్చు.
శని దోషం పోవాలంటే..
ఎవరి జాతకంలో అయితే ఏలినాటి శని ఉంటుందో.. ఆ శని దోషం నుండి విముక్తి కావాలని ఎవరైతే కోరుకుంటారో.. వారందరూ శని జయంతి రోజున ఆవాల నూనె లేదా నువ్వుల నూనెను దానం చేయాలి. శని మహాదశ కష్టాల నుండి ఉపశమనం కావాలంటే మీరు పేదలకు ఇనుము, గొడుగు, స్టీల్ వంటి పాత్రలను దానం చేస్తే మీకు మనశ్శాంతి లభిస్తుంది.
శని అనుగ్రహం కోసం..
శని జయంతి రోజున నిరాశ్రయులకు సేవ చేయడం ద్వారా, వారికి సహాయం చేయడం వల్ల మీరు శని దేవుని ప్రసన్నం చేసుకుని, ఆయన అనుగ్రహం పొందడానికి బలమైన అవకాశం ఉంది. నల్లని ఉద్ది పప్పును పిండిగా చేసి చేపలకు ఆహారంగా తినిపించాలి.
- 2022లో శని జయంతి ఎప్పుడు? సావిత్రి వ్రతం ఎప్పుడు?
హిందూ క్యాలెండర్ ప్రకారం 2022 సంవత్సరంలో మే 30వ తేదీన ఒకేరోజున సావిత్రి వ్రతం, శని జయంతి, సోమవతి అమావాస్య పండుగలొచ్చాయి. దాదాపు 30 సంవత్సరాల తర్వాత ఇలాంటి అరుదైన సంఘటన కనిపిస్తోందని జ్యోతిష్యశాస్త్ర నిపుణులు చెబుతున్నారు. హిందూ పంచాంగం ప్రకారం, ప్రతి సంవత్సరం జ్యేష్ఠ మాసంలోని అమావాస్య రోజున శని జయంతిని జరుకుంటారు. శాస్త్రాల ప్రకారం, సూర్యుని కుమారుడే శని దేవుడు అని పండితులు చెబుతారు. ఈ పవిత్రమైన రోజున శనిదేవుని పూజించడం వల్ల శారీరక, మానసిక, ఆర్థిక సమస్యలన్నీ తొలగిపోతాయని చాలా మంది నమ్ముతారు.