వాలంటైన్స్ డే రోజు ఈ గుడికి వెళ్తే పెళ్తైనట్లే!..సింగిల్ గా వెళ్తే జంటగా తిరిగొస్తున్నారు!

ఫిబ్రవరి నెలని లవర్స్ మంత్ అని కూడా అంటుంటారు. దీనికి కారణం ఫిబ్రవరి 14న జరుపుకునే వాలంటైన్స్ డే. ఫిబ్రవరి రాగానే ప్రపంచ వ్యాప్తంగా వాలెంటైన్స్ డేకి సన్నాహాలు మొదలవుతాయి. చాలామంది వాలైంటైన్స్ రోజునే తమ ప్రియమైనవారికి తమ ప్రేమను తెలియపరుస్తుంటారు,సర్ ప్రైజ్ చేస్తుంటారు. ఇక, బంటరి వ్యక్తులు ఈ ఏడాది అయినా తమకు భాగస్వామి దొరికేలా చూడమని దేవుడిని ప్రార్థిస్తుంటారు. వాలంటైన్స్ డే వీక్ లో ఓ ఆలయంకి వెళ్లే పెళ్లి కానివాళ్లకు పెళ్లి అయిపోతుందట,లవర్ లేని వాళ్లకు లవర్ దొరుకుతారంట. ఆ గుడి ఎక్కడ ఉంది,దాని ప్రత్యేకతలు ఇప్పుడు చూద్దాం.

జార్ఖండ్ రాజధాని రాంచీలోని ఉలాటు గ్రామంలో ఒక శివాలయం ఉంది. రాంచీలోని YBN యూనివర్సిటీ క్యాంపస్ వెనుక పెద్ద కొండ ఎక్కి ఈ ఆలయానికి చేరుకోవచ్చు. ఈ ఆలయం ఏడాది పొడవునా భక్తులను ఆకర్షిస్తున్నప్పటికీ, ప్రేమికుల వారంలో రద్దీ ఎక్కువగా ఉంటుంది. ఈ శివాలయం నిజమైన ప్రేమను పొందే ప్రదేశంగా ఖ్యాతిని పొందింది. ఈ గుడిలో తల వంచి నమస్కరిస్తే మంచి జీవిత భాగస్వామి లభిస్తారని నమ్మకం.

ఈ ఆలయంలో శివునికి నమస్కరించడం ద్వారా జీవిత భాగస్వామి గురించి మీరు కోరుకున్న కోరికలు నెరవేరుతాయంట. తమకు తగిన జీవిత భాగస్వామి దొరకాలరుకుంటే యువతీ యువకులు ఆలయానికి వస్తుంటారని ఆలయ పూజారి శంభునాథ్ తెలిపారు. అంతేకాకుండా పూజారి ప్రకారం వారి కోరికలు తరచుగా రెండు మూడు నెలల్లోనే నెరవేరుతాయి. ఈ ఆలయానికి వచ్చిన వెళ్లాక చాలా మంది వ్యక్తులు తమ జీవిత భాగస్వాములను కనుగొనడం, వివాహం చేసుకోవడం, కుటుంబాలు ప్రారంభించడం చూసినట్లు చెప్పారు. ఈ వివాహాలు ఏవీ కూడా విడాకులతో ముగియలేదని చెప్పారు. ఈ ఆలయానికి తమ కృతజ్ఞతలు తెలియజేయడానికి భక్తులు క్రమం తప్పకుండా ఆలయాన్ని సందర్శిస్తూనే ఉంటారని ఆయన చెప్పారు.

ఆలయంలో ప్రత్యేక పూజలు
ఈ ఆలయంలో పూజించే విధానం విశిష్టమైనది. భక్తులు తమ కోర్కెలు తీర్చుకోవడానికి కొబ్బరికాయలు తీసుకువస్తారు, కానీ ఇతర దేవాలయాల మాదిరిగా ఇక్కడ కొబ్బరికాయలు పగలడం లేదు. బదులుగా, అది ఆలయం వద్ద కట్టివేయబడుతుంది. కోరిక నెరవేరిన తర్వాత భక్తులు కొబ్బరికాయను సేకరించి ప్రసాదంగా పంపిణీ చేస్తారు, కోరిక నెరవేరే వరకు కొబ్బరికాయను తాకకుండా చూసుకుంటారు.