2025 Maha shivratri: శివరాత్రి రోజు ఉపవాసం ఉండేవారు ఏం తింటే రోజంతా ఎనర్జీ‌తో ఉంటారో తెలుసా? ఇవే బెస్ట్

హిందువులు ప్రత్యేకంగా, పవిత్రంగా జరుపుకునే పండగల్లో మహా శివరాత్రి కూడా ఒకటి. ఈరోజు శివ భక్తులందరూ శివుడి ఆరాధనలోనే ఉంటారు. ఉపవాస దీక్ష పాటిస్తూ.. శివనామస్మరణ చేస్తూ, శివుడి పూజలు చేసుకుంటూ రోజంతా గడుపుతారు. అనంతరం రాత్రి జాగరణ చేసి, శువుడిని పూజించి తమ కోరికలు నెరవేర్చాలని కోరుకుంటారు. అయితే శివరాత్రి రోజున ఎవరైతే ఉపవాసం ఉంటారో, వారు ఏం ఏం తినాలి? రోజంతా ఎనర్జీతో ఉండాలంటే ఎలాంటి ఆహరం తీసుకోవాలి? అనేది ఈ స్టోరీలో తెలుసుకుందాం.

బంగాళాదుంపలు:

బంగాళాదుంపలు చాలా మంచి పోషకాలు కలిగి ఉంటాయి. వీటిని ఉపవాసంలో ఉన్నప్పుడు తీసుకోవచ్చు. ఉపవాసం సమయంలో కొందరు తెల్ల ఉప్పు కంటే రాక్ సాల్ట్ వాడతారు. మీరు బంగాళాదుంపలు తీసుకోవాలనుకుంటే, వాటితో ఆలు టిక్కీ, ఆలు పకోడా, ఆలు కిచ్డీ వంటి వంటలు తయారుచేసుకోవచ్చు.

సాబుదాన:

సాబుదాన చాలా మంది ఉపవాసంలో తీసుకుంటారు. ఇవి పోషకాలు మరియు శక్తిని అందించే ఆహారాలు. సాబుదానతో కిచ్డీ, పకోరా, వడ వంటి వంటలు చేయడం ద్వారా ఉపవాసం నాడు రోజంతా ఎనర్జీగా ఉంటారు.

పాలు మరియు పాలతో చేసిన వంటకాలు:

ఉపవాస సమయంలో పాలు, వాటితో చేసిన వంటకాలు మంచి శక్తిని ఇస్తాయి. ఇందులో పోషకాలు సమృద్ధిగా ఉంటాయి. ఇవి తక్షణమైన శక్తిని అందజేస్తాయి. అలాగే రోజంతా యాక్టీవ్‌గా ఉండేలా సహాయపడతాయి. వీటితో మీరు తండై, బాదం పాలు, మఖానే ఖీర్, సబుదాన ఖీర్ వంటి వంటకాలను తయారుచేసి తీసుకోవచ్చు.

పకోడా:

పకోడా మరియు ఇతర స్నాక్స్‌ని ఉపవాస సమయంలో తినవచ్చు. వేరే వేరే మసాలాలతో, జీలకర్ర, నల్ల మిరియాలు, పచ్చి యాలకులు, దాల్చిన చెక్క, అజ్వైన్ వంటి పదార్థాలతో పకోడాను రుచిగా తయారుచేసుకోవచ్చు. ఇవి కూడా ఉపవాసం రోజు తీసుకోవడం వలన గ్యాస్ వంటి సమస్యల బారిన పడకుండా ఉండడంతో పాటు రోజంతా యాక్టీవ్‌గా ఉండే అవకాశం ఉంటుంది.

పండ్లు, డ్రై ఫ్రూట్స్:

పండ్లు మరియు డ్రై ఫ్రూట్స్ ఉపవాసం సమయంలో శక్తిని పెంచుతాయి. మీరు పండ్లతో చాట్, ఫ్రూట్ సలాడ్, ఫ్రూట్ మిల్క్‌షేక్స్ తయారుచేసుకోవచ్చు. అలాగే, బాదం, వాల్‌నట్స్, ఖర్జూరాలు, జీడిపప్పు, ఎండుద్రాక్ష, డ్రై ఆప్రికాట్స్ వంటి ఫుడ్స్ కూడా తీసుకోవచ్చు.

ఇంకా కొన్ని ఆహారాలు:

పాలు, పెరుగు, పనీర్, లస్సీ, నట్స్, డ్రై ఫ్రూట్స్, బాదం, వాల్‌నట్స్, పొద్దుతిరుగుడు గింజలు వంటి పోషకాహారాలను కూడా తీసుకోవచ్చు. కొబ్బరినీరు, నిమ్మ, పుదీనా, తులసి వంటి మూలికలతో తయారుచేసిన డ్రింక్స్ కూడా ఉపవాసంలో ఉపకరిస్తాయి. ఈ ఆహారాలు ఉపవాసం సమయంలో శక్తిని సమర్పించడానికి, ఆరోగ్యాన్ని మెరుగుపరచడానికి సహాయపడతాయి.