ఆ ఊరి మహిళలు బట్టలేసుకోరు..నగ్నంగా గ్రామ దేవతకి పూజలు..ఎందుకో తెలుసా

భారతదేశం అంటేనే విభిన్న సంస్కృతీ సంప్రదాయాలకు నిలయం. ఊరికో ఆచారం,సాంప్రదాయం ఉంటాయి మనదేశంలో. ప్రాంతాలు, స్థానికతను బట్టి కొన్ని ఏరియాల్లో ఉండే ప్రజల జీవన విధానాలు, ఆచార వ్యవహారాలు చాలా ప్రత్యేకంగా ఉండటమే కాకుండా ఆశ్చర్యాన్ని కూడా కలిగిస్తుంటాయి. కొన్ని ప్రదేశాల్లో ఎన్నో ఏళ్లుగా వస్తున్న ఆచారాలు, పురాతన కాలంనాటి సంప్రదాయాలు అలాగే కంటిన్యూ అవుతున్నాయి.

అలా కంటిన్యూ అవుతూ మనకు ఆశ్చర్యాన్ని కలిగించే ఆచారం ఒకటి ఏంటంటే మనదేశంలోని ఓ గ్రామంలో ఏడాదిలో 5 రోజులు మహిళలు బట్టలు లేకుండా ఉంటారు. అయితే ఏ రాష్ట్రంలో ఈ ఆచారం ఉంది? ఎందుకు వాళ్లు ఇలా చేస్తున్నారు? ఈ ప్రశ్నలకు సమాధానం ఇక్కడ చూడండి.

భర్తతో కూడా దూరం
మనదేశంలోని అత్యంత అందమైన రాష్ట్రం హిమాచల్ ప్రదేశ్, మంచు పర్వతాలు, పచ్చని పొలాలు, అడ్వెంచర్లు, అందమైన టూరిస్ట్ ప్లేస్ లతో ఉండే హిమాచల్ ప్రదేశ్ ని జీవితంలో ఒక్కసారి అయినా సందర్శించాలని చాలామంది కోరుకుంటారు. ఒక్కముక్కలో చెప్పాలంటే ఈ భూమ్మీద ఉన్న అత్యంత అందమైన ప్రదేశాల్లో హిమాచల్ ప్రదేశ్ ఒకటి. హిమాచల్ ప్రదేశ్ రాష్ట్రంలోని కులు జిల్లాలోని మణికర్ణ వ్యాలీలో పిని అనే ఓ గ్రామం ఉంది. పిని గ్రామంలోని మహిళలు ఏడాదిలో 5 రోజులు బట్టలు వేసుకోరు. తమతో పాటు, గ్రామాన్ని కూడా క్షేమంగా చూడాలని స్థానిక దేవతను కోరుతూ మహిళలు తమ ఒంటిపై దుస్తులు తీసి గ్రామ దేవతను పూజిస్తారట. ఇలా చేస్తే తమను తాము శుద్ధి చేసుకున్నట్టు వారు భావిస్తారట. ఈ సంప్రదాయం శ్రావణ మాసంలో నిర్వహించబడుతుంది. ఈ 5 రోజులు ఇంటికి తాళం కూడా వేయరు. అంతేకాకుండా భార్యభర్తలిద్దరూ ఒకే ఇంట్లో ఉంటారు గానీ ఒకరికొకరు మాట్లాడుకోరు,ఇద్దరూ ఎవరికి వారే తెలియనట్టుగా ఉంటారు. వందల ఏళ్లుగా ఇక్కడ ఈ సంప్రదాయం కొనసాగుతోంది.

దీని వెనుక ఆసక్తికరమైన చరిత్ర ఉంది
పిని గ్రామంలోకి పూర్వం ఓ రాక్షసుడు వచ్చి అందంగా రెడీ అయ్యే స్త్రీలను తీసుకెళ్లి తన కోరికలు తీర్చాలని చిత్రహింసలు పెట్టేవాడు. చివరికి లాహు ఘోండ్ దేవత రాక్షసుడిని చంపి స్త్రీలను రక్షించింది. అప్పటినుంచి ఈ సంప్రదాయం కొనసాగుతోందని అక్కడి గ్రామ ప్రజలు చెబుతుంటారు.