శ్రావణ మాసంలో హనుమంతుని పూజిస్తే మీ ఇక్కట్లు పటాపంచలు అవుతాయి.

పంచోపచార పూజ:

మంగళవారం నాడు శివాలయాన్ని సందర్శించి, హనుమంతునికి పంచోపచార పూజను చేయండి. పంచోపచార పూజ అనేది ఐదు విధాలుగా లేదా ఐదు దశలలో జరుగుతుంది. ఈ పూజలో, దేవత విగ్రహానికి ముందుగా స్నానం చేయిస్తారు. హనుమంతుడు బ్రహ్మచారి అని, స్త్రీలు సాధారణంగా తన విగ్రహాన్ని తాకకూడదని అంటారు కనుక ఈ పనిని పూజారి మాత్రమే చేయాలి.

స్నానం తరువాత, విగ్రహం యొక్క అలంకరణ చేయాలి. తరువాత పువ్వులను సమర్పించాలి. దీని తరువాత, పరిసరాలలోని ప్రతికూల శక్తులను పారద్రోలిటానికి ధూపం వెలిగిస్తారు. అప్పుడు, దీపం వెలిగించి తర్వాత, హారతి పాట పాడాలి. చివరిగా భోగంగా పిలువబడే ప్రసాదాన్ని సమర్పించాలి

మర్రి ఆకును ఉపయోగించి చేసే పరిహారం:

ఈ మాసంలో ఏ మంగళవారంనాడు, ఒక మర్రి ఆకును తీసుకోండి. దానిని చక్కగా నీటితో శుభ్రం చేసుకోవాలి. ఇప్పుడు దీనిని హనుమంతుని విగ్రహం ముందు కొంత సమయం పాటు ఉంచండి. తరువాత, తిలకంగా ఉపయోగించే కుంకుమను ఉపయోగించి 'శ్రీరామ్' అని దాని మీద రాయాలి. ఈ ఆకుని మీ వాలెట్లో ఉంచుకోండి. మీరు ఇలా చేస్తే కనీసం మరుసటి రోజు వరకైనా, మీ వాలెట్ ఖాళీగా ఉండదు. మరుసటి సంవత్సరం, కొత్త ఆకుని ఉపయోగించి ఇదే పద్ధతిని పాటించండి. పాత ఆకును పారే నీటిలో కలపండి.

ఆలయంలో రామరక్షాస్తోత్రం పఠించండి:

ఒక మంగళవారం నాడు హనుమంతుని దేవాలయానికి వెళ్లి, అక్కడ రామరక్షాస్తోత్రాన్ని పఠించండి. తరువాత, హనుమంతుడికి బెల్లం మరియు వేయించిన శనగలు సమర్పించండి. మీరు జీవితంలో ఏవైనా సమస్యలను ఎదుర్కొంటునట్లైతే, ప్రార్థన ద్వారా ఆయనకు తెలియజేయండి.

శివహనుమంతుల ఆశీర్వాదం పొందడం ఎలా?

శివ చాలిసా మరియు హనుమాన్ చాలిసాలను జపించండి. శ్రావణంలో ఒక మంగళవారం, శివుడు మరియు హనుమంతుని విగ్రహాలు కలిగి ఉన్న దేవాలయాన్ని సందర్శించండి. దేవుని ముందు నెయ్యిదీపం వెలిగించండి. మీతో తీసుకువచ్చిన పూజాసామాగ్రిని భగవంతునికి సమర్పించండి. తరువాత కూర్చుని, ఆపై శివ చాలిసా మరియు హనుమాన్ చాలిసాలను జపించండి. ఇలా చేయడం వలన, శివుడు మరియు హనుమంతుడి ఆశీర్వాదాలు మీకు లభిస్తాయి.