హాట్ యోగా.. ఇది చాలా ‘హాట్’గురూ!!!

Published: Wednesday, November 2, 2011, 10:50 [IST]

సమయం ఉదయం ఆరు గంటలే.. కాని ఆ గదిలోకి వెళితే మధ్యాహ్నం ఉన్నంత వేడి శరీరాన్ని తాకుతుంది. ఉదయపు వాతావరణం చల్లగానే ఉంటుంది కదా మరి ఆ గదిలో అంత వేడేంటి అనుకునేలోపే.. ఒక చేతిలో మ్యాట్, మరో చేతితో మంచినీళ్ల బాటిల్ పట్టుకుని కొందరు లోపలకి వచ్చారు. నిశితంగా గమనిస్తే అర్ధమైంది వాళ్లు యోగా చేయటానికి వచ్చారని. ఎవరి స్థానాల్లో వారు నిలుచొని శిక్షకురాలు ఇస్తున్న సూచనలు మేరకు యోగాసనాలు చేయటం ఆరంభించారు. అయినా గదిలో ఏ మాత్రం వేడి తగ్గలేదు. ఒక పక్క విపరీతంగా చెమటలు కారుతున్నా.. టవల్ తో తుడుచుకుంటున్నారే తప్పితే వేడి గురించి ఎవరూ ప్రస్తావించటం లేదు.

ఇలా వేడిలో వ్యయప్రయసాలతో యోగా చేస్తున్నారేంటిని అడిగితే ఇది 'హాట్ యోగా' అని సెలవిచ్చారు. దక్షిన భారతదేశంలోనే మొట్ట మొదటి హాట్ యోగా కేంద్రాన్ని హైదరాబాద్ లో ప్రముఖ యోగా శిక్షకురాలు ఉత్తరాశర్మ ప్రారంభించారు.

హాట్‌యోగాని 'బిక్రమ్‌యోగా' అని కూడా పిలుస్తారు. మామూలు వాతావరణంలో చేసే యోగాకు భిన్నం హాట్‌యోగా. ప్రాణాయామంతో మొదలై, అర్థచంద్రాసనం, పాద హస్తాసనం.. మొత్తం 26 భంగిమలు ఉంటాయి ఇందులో. గంటకి పైగా చేసే ఈ యోగాసనాల్లో మొదటి భాగమంతా శరీరాన్ని బాలెన్స్ చేసే భంగిమలు ఉంటాయి.

Comments

Story first published: Wednesday, November 2, 2011, 10:50 [IST]

Latest Updates

Hot Yoga in Hyderabad | హాట్ యోగా.. ఇది చాలా ‘హాట్’గురూ!!!