ఆరోగ్యానికే కాదు...అందానికి కూడా నెయ్యి దివ్వ ఔషధమే...

డ్రై స్కిన్ నివారిస్తుంది:

నెయ్యిలో ఫ్యాటీ యాసిడ్స్ పుష్కలంగా ఉన్నాయి . ఈ ఫ్యాటీ యాసిడ్స్ డ్రై స్కిన్ కు తగిన తేమను అందించి. చర్మం కాంతివంతంగా కనబడేలా చేస్తుంది . కొద్దిగా నెయ్యి చేతిలోకి తీసుకొని ముఖానికి అప్లై చేసి మసాజ్ చేయడం వల్ల డ్రై స్కిన్ నివారించబడుతుంది.

మాయిశ్చరైజర్ గా పనిచేస్తుంది:

చర్మానికి చాలా ఎఫెక్టివ్ గా మాయిశ్చరైజర్ ను అందిస్తుంది . చర్మం చాలా సాఫ్ట్ గా ఉండేట్టు చేసే గుణాలు ఇందులో పుష్కలంగా ఉన్నాయి . నెయ్యి మరియు కొద్దిగా నీరు తీసుకొని, రెండింటిని మిక్స్ చేసి, దీన్ని చర్మానికి అప్లై చేయాలి.తర్వాత చల్లటి నీటితో శుభ్రం చేసుకోవాలి.

చర్మ కాంతిని పెంచుతుంది:

చర్మాన్ని ప్రకాశవంతంగా మార్చడంలో నెయ్యి గ్రేట్ గా సహాయపడుతుంది. ఇది చర్మాన్ని ఫ్యూరిఫై చేస్తుంది. నేచురల్ మాయిశ్చరైజర్ ను అందిస్తుంది. దాంతో డల్ అండ్ డ్రై స్కిన్ బ్రైట్ గా మారుతుంది. కొద్దిగా పచ్చిపాలలో నెయ్యి మిక్స్ చేసి ముఖానికి పట్టించి అరగంట తర్వాత చల్లటి నీటితో శుభ్రం చేసుకోవాలి.

ఏజింగ్ స్కిన్ నివారిస్తుంది:

నెయ్యి ఒక యాంటీఏజింగ్ స్కిన్ సొల్యూషన్ . నెయ్యితో చర్మానికి తరచూ మసాజ్ చేయడం వల్ల, స్కిన్ సెల్స్ హెల్తీగా మరియు యుత్ ఫుల్ గా కనబడుతాయి.

డార్క్ సర్కిల్స్ ను తగ్గిస్తుంది:

ప్రతి రోజూ రాత్రి నిద్రించడానికి ముందు కళ్ళ క్రింది బాగంలో నెయ్యిని అప్లై చేయడం వల్ల డార్క్ సెల్స్ నివారించబడుతుంది. మరియు నిర్జీవంగా ఉన్న మరియు డార్క్ సర్కిల్స్ ను మరియు కళ్ళ ఉబ్బును కూడా తగ్గిస్తుంది. కళ్ళ క్రింది బ్రైట్ గా చేసి రిఫ్రెష్ చేస్తుంది.

జుట్టు చిట్లకుండా చేస్తుంది:

డ్రై హెయిర్ వల్ల తరచూ జుట్టు చిట్లుతుంటుంది . ఈ సమస్యలకు నెయ్యి చాలా గ్రేట్ గా సహాయపడుతుంది . నెయ్యి గోరువెచ్చగా కాచి, జుట్టు చివర్లకు అప్లై చేయాలి . 1గంట తర్వాత మన్నికైన షాంపుతో శుభ్రం చేసుకోవాలి.

కండీషనర్ గా:

చిక్కుబడిన మరియు డ్రై గా మారిన జుట్టుకు నెయ్యి అప్లై చేయడం వల్ల ఇది మంచి కండీషనర్ గా పనిచేస్తుంది . నెయ్యిని కొబ్బరి నూనెలో మిక్స్ చేసి తలకు పట్టించి అరగంట తర్వాత శుభ్రం చేసుకోవాలి.

కళ్ళ చుట్టూ మేకప్ తొలగించవచ్చు:

కళ్లకు వేసుకున్న మేకప్‌ని చాలా జాగ్రత్తగా తీసివేయాలి. అందుకు నెయ్యి బాగా ఉపయోగపడుతుంది. కొద్దిగా దూది తీసుకొని నెయ్యిలో ముంచి కళ్ల చుట్టూ ఉండే చర్మాన్ని తుడవాలి.

ఫేస్ ప్యాక్ :

ప్రతిరోజూ స్నానానికి ముందు రెండు చుక్కల నెయ్యితో ముఖాన్ని మసాజ్ చేసుకోవాలి. ఇలా చేసుకోవడం వల్ల ముఖం ఫేషియల్ చేసుకున్నట్టుగా మెరిసిపోతుంది. కొంచెం శెనగ పిండిలో కొన్ని చుక్కలు నెయ్యి, పాలు పోసి కలిపిన మిశ్రమాన్ని ముఖానికి ప్యాక్‌లా వేసుకోవాలి. 15 నిమిషాల తరువాత కడుక్కోవాలి.

లిప్ కేర్ :

పెదవులు బాగా పొడిబారినప్పుడు పడుకునే ముందు పెదాలకు నెయ్యి రాసుకోవడం వల్ల అవి చాలా మృదువుగా తయారవుతాయి.