జుట్టు ఒత్తుగా పెరగాలంటే... !

1. వెంట్రుకల కుదుళ్లు బాగా మసాజ్ చేస్తూ వుండండి. ఎదుగుదల అధికం కావడం, నల్లబడటం కూడా జరుగుతుంది. వెంట్రుకలను షాంపూ చేసే ముందు నూనెతో మర్దన చేయండి. మంచి హెయిర్ ఆయిల్ వాడుతూంటే, జుట్టు మెత్తగా వుండి అణగి వుంటుంది.
2. బాదం లేదా కేస్టర్ నూనె వెంట్రుకలకు మంచి ఎదుగుదలనిస్తుంది. నూనెను వేలి కొనభాగాలతో కుదుళ్ళకు మెల్లగా రాయాలి.
3. తల కడిగేటపుడు కిందకు వంచి కడిగితే రక్త ప్రసరణ అధికమై ఎదుగుదల బాగుంటుంది.
4. వెంట్రుకల తడిని తుడిచేయకుండా, ఒక టవల్ లో చుట్టి పీల్చేలా చేయాలి.
5. జుట్టు తడిగా వున్నపుడు దువ్వకండి. కుదుళ్ళు బలహీనపడి వెంట్రుకలు ఊడతాయి.
6. మెత్తగా వుండే కేశాలంకరణ ఆకర్షణీయం. ఏరకమైన స్టైల్ అయినా కుదురుతుంది.
7. జుట్టు ఆరబెట్టేందుకు డ్రయ్యర్ వాడవద్దు. జుట్టు పాడై, ఎదుగుదల అరికడుతుంది.
8. రోజూ నీరు అధికంగా తాగండి. శరీరం తేమ అధికమై వెంట్రుకలు బాగా ఎదుగుతాయి.
9. వెంట్రుకలు చిక్కులు పడితే, ఎప్పటికపుడు తీసేయండి. లేకుంటే సరైన ఎదుగుదల వుండదు.
10. వెంట్రుకలు గట్టిగా లాగి ముడివేయటం చేయకండి.

ఈ చిట్కాలు పాటిస్తే మీ జుట్టు దట్టంగా, నల్లగా, ఆకర్షణీయంగా వుండి ఏ రకమైన హెయిర్ స్టైల్ అయినా ఆచరించేందుకు సిద్ధమవుతుంది.