‘టెన్షన్’ ఎక్కువైతే జుత్తు రాలిపోతుందా...?

అధిక ఒత్తిడి, జీవన శైలిలో మార్పు కారణంగానే ఈ సమస్య ఉధృతమవుతుందని అమెరికా వైద్య నిపుణులు హెచ్చరిస్తున్నారు. ఉద్యోగినిగా, ఇల్లాలిగా ఎన్నో బాధ్యతలను నిర్వర్తిస్తున్న నేటి మహిళ పలు విధాలు ఒత్తిళ్లకు లోనుకావల్సి వస్తుందని ఈ బృందం తేల్చింది.

ముఖ్యంగా భాగస్వామితో మనస్పర్థలు చోటుచేసుకున్న సందర్భాల్లో ఇతర దు:ఖ సమయాల్లో మహిళలు తీవ్ర కుంగుబాటుకు లోనై జుట్టును కోల్పొతారట. అయితే ఈ సమస్యను ఆదిలోనే గుర్తించి ఆరోగ్యకరమైన జీవనశైలిని అలవర్చుకోవాలని వీరు సూచిస్తున్నారు.

ఒత్తిడికి లోనుకాకుండా చూసుకోవడం, కురుల సంరక్షణకు ప్రత్యేక శ్రద్ధ తీసుకోవడం, పోషకాహారం మీద దృష్టి పెట్టడం వంటి అంశాలను నేటి ఆధునిక మహిళలు తప్పనిసరిగా అలవర్చుకోవాలని నిపుణులు బృందం పేర్కొంటుంది. ఏదేమైనా సమస్యను ముందుగానే గుర్తించి సంబంధిత వైద్య నిపుణులను సంప్రదించటం ఉత్తమమైన పనిగా నిపుణులు సూచిస్తున్నారు.