బట్టతల రాకుండా తీసుకోవలసిన జాగ్రత్తలు...

Hair Care

oi-Saraswathi

By Sindhu

Published: Friday, January 13, 2012, 12:53 [IST]

బట్టతల మీద తిరిగి వెంట్రుకలు మొలిపిస్తామంటూ, మోసకారి మందుల నుంచి, మినాక్సిడిల్ దాకా ఎన్నో రకాలు ప్రచారంలోకి వచ్చాయి. కానీ వాటిలో ఏవీ గొప్ప ఫలితాలు మాత్రం చూపలేదు. మానసికంగా ఒత్తిడి ఎక్కువైతే, తలవెంట్రుకలు తెల్లబడతాయని, వెంట్రుకలు బాగా తగ్గుతాయని అందరికీ తెలిసిందే. ఇలా బట్టతలతో ఇబ్బంది పడే వారు చాలా మందే ఉన్నారు. మానసిక వత్తిడి, వాతావరణ కాలుష్యం వంటి విషయంలో తగుజాగ్రత్తలు పాటిస్తే బట్టతల రావడానికి ఆస్కారం ఉండదు.

కొందరికి తల నుదురు బాగంలో వెంట్రుకలు రాలిపోయి, బట్టతల ఏర్పడుతుంది. రోజులు గడచేకొద్ది అది కాస్తా తల మొత్తం పాకి వెంట్రుకలన్నిటినీ హరించి వేస్తుంది. దీంతో ముఖం చూసేందుకు అందవిహీనంగా తయారవుతుంది. ఈ సమస్య నుంచి బయటపడటానికి కొన్ని చిన్న చిట్కాలు పాటిస్తే సరి.

1. మూడు టేబుల్ స్పూన్‌ పాలు తీసుకుని, అందులో ఒక చిన్న వెల్లుల్లి ముక్కను నానబెట్టి, దానిని బాగా నూరుకోవాలి. దీనిని వెంట్రుకలు ఊడిపోయిన భాగంలో పూయాలి. కొంత సమయం తర్వాత స్నానం చేయాలి. ఇలా వారంలో రెండు మార్లు చేస్తే పోయిన వెంట్రుకలు, అందం తిరిగి మీ సొంతమవుతుంది.
2. మానసిక ఒత్తిడి తగ్గించుకోవాలి.
3. సమతుల్య పౌష్ఠికాహారం తీసుకోవాలి.
4. జుట్టు దువ్వుకొనునప్పుడు జాగ్రత్తలు తీసుకోవాలి
5. జుట్టు రాలిపోవడానికి కారణమైన మందులను మార్చాలి.
6. ఫంగల్ ఇన్ ఫెక్షన్ల మూలంగా జుట్టు రాలుతున్న పక్షంలో జుట్టును పరిశుభ్రంగా వుంచుకోవడం. ఎండుగా, జిడ్డు లేకుండా వుంచుకోవడం వంటివి చూసుకోవాలి
7. టోపీలు ఇతరులవి పెట్టుకోకపోవడం ఇతరుల దువ్వెనను వాడక పోవడం వంటి జాగ్రత్తలు పాటించాలి. వంశపార పర్యంగా వచ్చే బట్టతలను కూడ కొన్ని సందర్భాలలో నివారించవచ్చు.
8. ప్యాంట్ జోబిలో పెట్టే దువ్వెనను కనీసం పదిహేను రోజుకొక్కసారైనా శుభ్రపరుచుకోవాలి.
9. ఎప్పుడు వెంట్రుకలను క్లీన్ గా పెట్టుకొవాలి. డాండ్రఫ్, పొక్కు, ఇచ్చింగ్ వంటి రాకుండా చూసుకోవాలి.
10. నెలలో రెండు సార్లైనా కొబ్బరినూనె లేదా ఆలివ్ ఆయిల్ గోరువెచ్చగా చేసి మాడుకు మర్థన చేయాలి. ఇలా చేస్తే జుట్టు రాలడం తగ్గుతుంది.