చుండ్రు (డాండ్రఫ్) ను అరికట్టడంలో అల్లం ఏవిధంగా సహాయపడుతుంది ?

1. అల్లము - కొబ్బరినూనె :-

కావలసిన పదార్థాలు :

1 టేబుల్ స్పూను అల్లం రసం

1 స్పూను కొబ్బరినూనె

తయారీ విధానం :

తాజా అల్లం ముక్కలను తీసుకుని, దాని నుండి రసాన్ని వేరు చేయండి. ఈ రసానికి కొద్దిగా వేడి చేసిన కొబ్బరి నూనెను కలిపి, మీ మాడుపై ఈ మిశ్రమాన్ని అప్లై చేసి 40 నిమిషాలపాటు బాగా ఆరేలా వదిలేయాలి. ఆ తరువాత ఒక తేలికపాటి షాంపూతో మీ తలను శుభ్రంగా కడగాలి.

2. అల్లము-ఆలివ్ ఆయిల్ :-

కావలసిన పదార్ధాలు :

1 టేబుల్ స్పూన్ తరిగిన అల్లం

1 టేబుల్ స్పూన్ ఆలివ్ ఆయిల్

తయారీ విధానం :

తరిగిన అల్లం ముక్కలను ఆలివ్ నూనెలో వేసి బాగా నానబెట్టాలి. ఆ తరువాత దీనిని మీ మాడుపై 5 నిమిషాల పాటు వృత్తాకార కదలికలో మసాజ్ చేస్తూ, అప్లై చేయాలి. 30 నిమిషాలపాటు బాగా ఆరేలా దానిని వదిలేసి, చన్నీటితో మీ తలను శుభ్రం చేసుకోవాలి. అందుకోసం తేలికపాటి షాంపూను ఉపయోగించండి. ఈ పద్ధతిని వారంలో మూడుసార్లు తప్పక పాటించాలి.

3. అల్లము- నిమ్మరసం :-

కావలసిన పదార్ధాలు :

1 టేబుల్ స్పూన్ అల్లం రసం

1 టేబుల్ స్పూన్ నిమ్మరసం

తయారీ విధానం :

ఒక గిన్నెలో అల్లం రసానికి కొన్ని చుక్కల నిమ్మరసమును జోడించి బాగా కలపాలి. ఈ మిశ్రమాన్ని మీ జుట్టు & మాడుపై వేసి, బాగా మర్ధన చేస్తూ 15-20 నిముషాల పాటు బాగా ఆరేలా వదిలేయాలి. ఆ తర్వాత గోరువెచ్చని నీటితో తలస్నానం చేయాలి.

4. అల్లము - రోజ్ వాటర్ :-

కావలసిన పదార్థాలు :

అల్లం రసం

రోజ్ వాటర్

తయారీ విధానం :

మీ జుట్టు పరిమాణానికి తగ్గట్లుగా పై రెండు పదార్థాలను సమాన భాగాలుగా తీసుకొని బాగా మిక్స్ చేసి, దానికి కొద్దిగా నీటిని కలపాలి. మీ జుట్టును శుభ్రం చేయడానికి ఈ నీటిని ఉపయోగించండి. మీరు ఈ పరిహారాన్ని వారానికి 2-3 సార్లు ఉపయోగించవచ్చు.

5. అల్లము - ఉల్లిరసం :-

కావలసిన పదార్థాలు :

అల్లం

ఉల్లిపాయ

తయారీ విధానం :

మొదటగా, తరిగిన అల్లం ముక్కలను తీసుకుని బాగా గ్రైండ్ చేసి మెత్తని పేస్ట్లా తయారు చేసుకోవాలి. ఇదే పద్ధతిలో ఉల్లిపాయను కూడా పేస్ట్గా మార్చుకోవాలి. ఈ రెండు పేస్ట్లను బాగా కలిపి మీ జుట్టుకు & మాడుకు అప్లై చేయాలి. ఒక 30-40 నిమిషాల పాటు దానిని అలాగే వదిలి వేసిన తరువాత గోరువెచ్చని నీటితో స్నానం చేయాలి. కావాలనుకుంటే మీరు ఉల్లిపాయకి బదులు వెల్లుల్లి కూడా ఉపయోగించవచ్చు.

6. అల్లము + ఆపిల్ సైడర్ వెనిగర్ :-

కావలసిన పదార్థాలు :

అల్లం పొడి

ఆపిల్ సైడర్ వెనిగర్

తయారీ విధానం :

1 వంతు అల్లం పొడికి, 3 వంతుల ఆపిల్ సైడర్ వెనిగర్ను కలపాలి. ఈ రెండు పదార్థాలను బాగా కలిపిన తరువాత, దీనిని మీ జుట్టు & మాడుకు అప్లై చేసి 10 నిమిషాల పాటు అలానే వదిలివేయండి. ఆ తర్వాత ఒక తేలికపాటి షాంపూతో తలస్నానం చేయాలి. మీరు ఈ పరిహారాన్ని వారానికి ఒక్కసారి ఉపయోగించడం ద్వారా చుండ్రును సమర్థవంతంగా తొలగించడంలో బాగా సహాయపడుతుంది.

7. అల్లము + బీట్రూట్ రసం :-

కావలసిన పదార్ధాలు :

1 టేబుల్ స్పూన్ అల్లం రసం

1 టేబుల్ స్పూన్ బీట్రూట్ రసం

నిమ్మరసం (కొన్ని చుక్కలు)

తయారీ విధానం :

ఒక గిన్నెలో బీట్రూట్ రసాన్ని, అల్లం రసాన్ని & కొన్ని చుక్కల నిమ్మరసం వేసి బాగా కలుపుకోవాలి.

ఈ మిశ్రమాన్ని మీ జుట్టుకు & మాడుకు అప్లై చేయాలి. ఒక 30-40 నిమిషాల పాటు దానిని అలాగే వదిలి వేసిన తరువాత సల్ఫేట్ లేని తేలికపాటి షాంపూతో తలస్నానం చేయాలి. మెరుగైన ఫలితాల కోసం వారానికి 2 సార్లు ఈ పద్ధతిని పాటించండి.