మెరిసే చర్మ సౌందర్యానికి ఫ్రూట్ జ్యూసులు...!

Skin Care

oi-Saraswathi

By Sindhu

Published: Saturday, July 28, 2012, 13:40 [IST]

సాధారణంగా కొందరి ముఖాలు ఏంటో అందంగా, ఆకర్షణీయంగా ఉంటాయి. చర్మం తేజోవంతంగా ప్రకాశిస్తుంటుంది. తమ చర్మం కూడా అలా మెరవాలంటే ఏం చేయాలో తెలీక, వాళ్ళ కాంతి రహస్యం బోధపడక అనేక మంది యువతులు బాధపడుతుంటారు. నిజానికి అదేమంత కష్టమైనా పని కాదు. మన శరీరం మీద మనకు కొంచెం శ్రద్ధ, ఆసక్తి ఉంటే, అలాంటి ఆకర్షణీయమైన చర్మాన్ని మనమూ సొంతం చేసుకోవచ్చని చర్మ సౌందర్య నిపుణులు అభిప్రాయపడుతున్నారు. ప్రధానంగా.. వివిధ రకాల జ్యూస్‌లతో ముఖానికి తేజస్సు సమకూర్చుకోవచ్చని చెపుతున్నారు.

కనుక రోజూ ఓ కప్పు యాపిల్ జ్యూస్ కనుక తాగగలిగితే ఆరోగ్యానికి ఆరోగ్యం. చర్మ సౌందర్యం వస్తుందని చెపుతున్నారు. అలాగే, క్యారెట్ జ్యూస్‌ ఆరోగ్యానికి మహా మంచిదంటున్నారు. ఇది ముఖానికి తేజస్సును ఇవ్వడమే కాకుండా, కళ్ళకు ఏంతో మంచిదని చెపుతున్నారు. అసిడిటీని సైతం తగ్గిస్తుందట. క్యారెట్‌లో విటమిన్ ఏ, సీలు మాత్రమే కాకుండా మరెన్నో పోషక విలువలు ఉంటాయని వారు చెపుతున్నారు.

ఇకపోతే.. బీట్రూట్ జ్యూస్ బీట్రూట్ సైతం చర్మ సౌందర్యాన్ని కాపాడుతుంది. పైగా ఇది లివర్‌‌కు మంచిది. కిడ్నీలను శుద్ధి చేస్తుంది. రక్తంలో ఏమైనా మలినాలు ఉంటె పోతాయాట. అన్నిటికంటే ముఖ్యంగా ఎర్ర రక్త కణాల సమాఖ్య పెంచుతుందంటున్నారు. అలాగే, కడిగిన టొమాటోలు నాలుగు మిక్సీలో వేసి గ్రైండ్ చేసి, చిటికెడు ఉప్పు వేసుకుని తాగితే ముఖానికి మంచి గ్లో వస్తుందని చెపుతున్నారు.

స్కిన్ క్రీములు కొనేందుకు భారీగా వెచ్చిస్తున్నారా.. అయితే ఇకపై ఆ డబ్బును ఆదా చేయండి. ఎలాగంటారా.. టమోటా జ్యూస్ తీసుకోవడం ద్వారానే. అసలు విషయమేమిటంటే... నిత్యయవ్వనులుగా కనిపించాలంటే టమోటా జ్యూస్, సూప్ వంటివి తీసుకుంటే చాలునని తాజా అధ్యయనంలో తేలింది.

వయసు మీదపడటంతో ఏర్పడే ముడతలకు చెక్ పెట్టాలంటే టమోటా గుజ్జుతో ప్యాక్ వేసుకుంటే సరిపోతుందని లండన్‌లోని రాయల్ సొసైటీ ఆఫ్ మెడిసన్ కళాశాల నిర్వహించిన పరిశోధనలో తేలింది. ఎరుపాటి టమోటాల గుజ్జును ముఖానికి ప్యాక్ వేసుకోవడమే గాకుండా.. క్రమం తప్పకుండా టమోటా జ్యూస్ తాగడం, వంటల్లో అధికంగా టమోటాలను చేర్చడంతో మహిళల అందం మరింత పెరుగుతుందని ప్రొఫెసర్ బిర్చ్-మచిన్ తెలిపారు.

టమోటోస్ తీసుకునే మహిళల్లో చర్మ రక్షణ పెరిగిందని తేలింది. ఐదు టేబుల్ స్పూన్లు (55గ్రాములు) టమోటా గుజ్జుకు పది గ్రాముల ఆలివ్ ఆయిల్‌ను ప్రతీరోజూ పన్నెండు వారాల పాటు వాడిన 20 మంది మహిళల్లో సాధారణ మహిళల కంటే చర్మ సౌందర్యం 33 శాతం మరింత పెరిగిందని పరిశోధనలో వెల్లడైంది.

21-47 వయసు గల మహిళలపై ఈ పరిశోధన చేయబడింది. ఈ పరిశోధనలో టమోటాలు తీసుకునే వారిలో సూర్యరశ్మి నుంచి చర్మాన్ని సంరక్షించగల సామర్థ్యం అధికంగా కలదని తెలిసింది.