సెలబ్రిటీలా మెరవాలంటే పండ్ల రసాల రహస్యం....!

Published: Tuesday, May 8, 2012, 12:38 [IST]

సాధారణంగా సెలబ్రిటీలు, బిజినెస్ పర్సన్స్ ఎంత అందంగా ఉంటారు. వారి అందానికి మరింత మెరుగులు దిద్దుకొని మరింత సౌందర్యంగా కనిపిస్తుంటారు. వారిని చూసిన వారందరూ సెలబ్రిటీల వలే మెరుపులా మెరిసిపోవాలంటూ ఎంతో వ్యయం ఖర్చు చేస్తూంటారు. కొంతమంది సహజ ఉత్పత్తులు వాడితే, మరికొందరు ఖరీదైన కాస్మెటిక్స్ వాడటం చేసి తమ చర్మానికి రంగు తెప్పించుకుంటారు. అయితే, ఇటీవల చాలామంది యువత, మధ్య వయసువారు వారి చర్మ కాంతి కొరకు తాజా పండ్లు, రసాలు తీసుకోవడం మొదలైంది.

పండ్లలో చాలా వాటికి మంచి పోషకాలుంటాయి. చర్మం మెరవాలంటే పండ్ల రసాలు మంచివే. ఆరోగ్యంగా వుంచటమే కాక త్వరగా శరీర చర్మంపై ఫలితాలు చూపుతాయి. అంతేకాదు, తాజా పండ్ల రసాలను శరీరం అతి త్వరగా పీల్చేసుకుని జీర్ణ చేసుకుంటుంది. రోజువారీ జీవితంలోఎవరెంత బిజీ షెడ్యూలు కలిగి వున్నా తప్పకుండా ఒక్క గ్లాసెడు పండ్ల రసం శరీరానికి మేలు చేస్తుందనేది గ్రహించి తాగుతూండాలి.

చర్మం కొరకు మంచి పోషకాలు కల తాజా పండ్ల రసాలు చెప్పాలంటే, ఆరెంజ్ పండ్ల రసం, యాపిల్ రసం, నిమ్మరసం, పుచ్చకాయ రసం తాగాలి. అయితే, బొప్పాయ రసం కూడా బాగా పని చేస్తుంది. కూరగాయలైన బచ్చలి కూర, తోటకూర, క్యాబేజి వంటి రసాలు కూడా అద్భుత ఆరోగ్యాన్ని, చర్మకాంతులను తెచ్చిపెడతాయి.
ఆరెంజ్ లో ఎక్కువ విటమిన్ సి సంవృద్దిగా లభిస్తుంది. దాంతో ముఖం మీద ఉండే నల్లమచ్చల్ని, ముడతల్ని పోగొట్టే దివ్వ వౌషదంగా పనిచేస్తుంది. ఆపిల్ తినడం, లేదా జ్యూస్ తాగడం వల్ల కొలెస్ట్రాల్ ని అదుపులో ఉంచుతుంది. హై ప్రొటీన్స్ ఉన్న యాపిల్ పేస్ట్ ను ఫేస్ ఫ్యాక్ గా ను వేసుకోవచ్చు. దాంతో చర్మ సంబంధిత వ్యాధులను దరిచేరనియ్యకుండా చేయడమే కాక, చర్మం మెరిసేలా చేస్తుంది.

అరటి పండులో విటమిన్స్, మినిరల్స్, ఫైబర్స్ మరియు కార్బోహైడ్రేట్స్, పొటాషయం మెండుగా ఉంటాయి. చర్మం కాంతివంగా తయారు చేస్తుంది. బాదం ఇందులో ఎక్కువగా విటమిన్ ‘ఇ’ ఉంటుంది. ఇది చర్మసంరక్షణకు బాగా దోహదం చేస్తుంది. పైనాపిల్ జ్యూస్ తీసుకోవడం వల్ల అందుల విటమిన్ ‘సి’ ఎక్కువగా ఉంటుంది. విటమిన్ ఎ మరియు విటమిన్ బి కూడా కలిగి ఉంటుంది. ఇది కూడా చర్మం రక్షణకు బాగా పనిచేస్తుంది. మరి మీకు ఏది అందుబాటులో వుంటే దానిని తాగి అందం, ఆరోగ్యం సంరక్షించుకోండి.

Comments

Story first published: Tuesday, May 8, 2012, 12:03 [IST]

Latest Updates

Glowing Skin just a Glass Away...! | సెలబ్రిటీలా మెరవాలంటే....!?