వేసవిలో చర్మ సంరక్షణకు తాజా పండ్లు...పళ్ళరసాలు...

Skin Care

oi-Saraswathi

By Sindhu

Published: Wednesday, March 14, 2012, 11:57 [IST]

వేసవిలో చెమట పట్టటం, చిరాకుగా ఉండటం, ఎండలో తిరిగినప్పుడు చర్మం నల్లబడటం మొదలైన సమస్యలు వేసవితోపాటే మనని వెతుక్కుంటూ వచ్చేస్తాయి. . చర్మంలో తేమ శాతం తగ్గిపోవటం వల్ల చర్మం వాతావరణ కాలుష్యానికి త్వరగా లోనవు తుంది. వేడిగాలులు, ఎండకు కూడా తట్టుకోలేదు. వేసవిలో చమట ఎక్కువగా పట్టడం వల్ల చర్మం మరింత పొడిబారుతుంది. పొడి బారిన చర్మం మరింతగా ఇన్‌ ఫెక్షన్లకు గురయ్యే ప్రమాదం ఉంది. మండే ఎండల్ని ఎదుర్కొనేందుకు తాజా పళ్ళు, కూరగాయలు, మంచి ఆయుధాల్లాగే పనిచేస్తాయి. వీటిని తినటం వల్ల శారీరకంగా ఎంతో ఆరోగ్యాన్ని పొందవచ్చో..చర్మ సంరక్షణకు వాడటం వల్ల అంతే ఆనందాన్ని పొందవచ్చు.

పళ్ళును తీసుకోవడం వల్ల చర్మం బాగా శుభ్రపరచి తాజాగా ఉంచగలుగుతాయి. చర్మం సంరక్షణకు పళ్ళను వినియోగించే ముందు కొన్ని సూచనలు గుర్తుపెట్టుకోవాలి.
1. ముందుగా ముఖాన్ని శుభ్రంగా చల్లటి నీటితో శుభ్రం చేసుకోవాలి.
2. పొడి చర్మం అయితే ముఖానికి ఏదైనా లైట్ క్రీమ్ ని పలుచగా రాయాలి. తర్వాత మెత్తని బట్టని తీసుకుని దానిని పళ్ళరసంలో ముంచి ముఖంపై కప్పుకుని అరగంట పాటు అలాగే ఉంచుకోండి. బట్టకు కళ్ళవద్ద రంధ్రాలు ఉండాలి ఇలా చేయటం వల్ల పళ్ల రసాల వల్ల కళ్ళకు ఎలాంటి ఇబ్బంది ఉండదు. ఇలా తయారు చేసుకునే పళ్ళ మాస్క్‌ లు కోడిగుడ్డు, ఓట్‌మీల్‌ పిండిలతో కూడా తయారు చేసుకోవచ్చు.
3. జిడ్డు చర్మం ఉన్నవారు పళ్ళలో గుడ్డు లోని తెల్లసొనని కూడా కలుపుకోవచ్చు. ఇలా తయారైన మిశ్రమం చిక్కగా ఉంటే దీనిని మొహానికి పట్టించేందుకు బట్టని ఉపయోగించకుండా నేరుగా పూయవచ్చు.
4. పొడిచర్మానికి: అప్రికాట్స్‌, ద్రాక్ష, అరటి, ఖర్బూజా, రేగుపళ్ళు మొదలైనవి వాడొచ్చు. కొంత కేరట్‌ రసాన్ని కూడా కలపొచ్చు. ఇది పొడి చర్మానికి అద్బుతంగా పని చేస్తుంది.
5. జిడ్డు చర్మానికి: క్యాబేజి, టమాట. దోసకాయ, పుచ్చకాయ, కమలా పళ్ళు, ఇవి జిడ్డు, సాధారణ చర్మాలకుకూడా ఉపయుక్తంగా ఉంటాయి. మొహానికి పళ్ళ మాస్కులు వేసుకుంటున్నపుడు మెడని మర్చిపోవద్దు. మొహానికి తీసుకుంటున్న శ్రద్ధని మెడ విషయంలోనూ తప్పనిసరిగా తీసుకోవాలి.