నిద్రలేమి సమస్యతో డయాబెటిక్ ముప్పు

రోజూ సరిపడా నిద్ర, పౌష్టికాహారం హెల్తీ లైఫ్ స్టైల్ కి చిహ్నం. ఒకే ఈ రెండింటిలో ఏది గాడీ తప్పినా.. ముప్పే. జీవనశైలి ఆరోగ్యవంతంగా లేకపోవడం, చెడు అలవాట్లు, పౌష్టికాహారలోపం, వ్యాయామం లేకపోవడం, సరైన నిద్ర పొందలేకపోవడం వల్ల అనేక రకాల జబ్బులకు గురికావాల్సి వస్తుంది. నిద్రలేమి సమస్య కూడా సీరియస్ హెల్త్ డిజార్డర్లను సూచిస్తుంది.

నిద్రలేమి వల్ల శరీరంలో హైబ్లడ్ ప్రెజర్, హార్ట్ రిలేటెడ్ సమస్యలు, హార్ట్ బీట్ లో అవకతవకలు, హార్ట్ ఫెయిల్యూర్, స్ట్రోక్ వంటి సమస్యలు ఎదురవుతాయి. ముఖ్యంగా నిద్రలేమి కారణంగా డయాబెటిస్ బారిన పడే అవకాశాలున్నాయని తాజా అధ్యయనాలు హెచ్చరిస్తున్నాయి. శరీరానికి, మెదడుకి కావాల్సిన నిద్ర అందకపోతే డయాబెటిస్ ముప్పు పొంచి ఉంటుందని స్టడీస్ తేల్చాయి. నిద్ర మరీ తక్కువైనా ఇబ్బందేనని, మరీ ఎక్కువైనా ఇబ్బందేనని అంటున్నారు. ఇలాంటి సమస్యలు ఉన్నవారిలో పురుషుల కంటే మహిళలకు డయాబెటిస్ ముప్పు ఎక్కువగా ఉంటుందని చెబుతున్నారు.

సగటున రోజుకు ఆరుగంటల నిద్ర అవసరమని, అంతకంటే రెండు గంటలు తక్కువగా గానీ, రెండు గంటలు ఎక్కువగా గానీ నిద్రపోతే టైప్-2 డయాబెటిస్ సోకే అవకాశాలు 15 శాతం ఎక్కువ అవుతాయని హార్వర్డ్ టీహెచ్ చాన్ స్కూల్ ఆఫ్ పబ్లిక్ హెల్త్ నిపుణులు చెబుతున్నారు. అమెరికాలోని పలువురు మహిళలపై 14 ఏళ్ల పాటు నిర్వహించిన అధ్యయనాలు ఈ విషయం తేలింది. కాబట్టి.. నిద్ర విషయంలో చాలా జాగ్రత్తగా ఉండాలని సూచిస్తున్నారు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.