బాలీవుడ్ భామల ఫిట్ నెస్ రహస్యం!

Diet Fitness

oi-Nageswara

By B N Sharma

Published: Tuesday, October 18, 2011, 10:10 [IST]

బాలీవుడ్ నటీమణుల అందాల వెనుక రహస్యం ప్రతివారూ తెలుసుకోవాలనుకుంటారు. వారి ఫిట్ నెస్, రూపలావణ్యాలు వారు తీసుకునే ఆహారం, చేసే వ్యాయామాల్లోనే వున్నాయి. ముగ్గురు బాలీవుడ్ హాట్ నటీమణుల ఆరోగ్యకరమైన డైట్, వారు చేసే వ్యాయామాల వెనుక వారి సిధ్ధాంతాలు ఎలావుంటాయో చూద్దాం!

1. కత్రినా కైఫ్ - ఆరోగ్యకరమైన మైండ్ మరియు ఆరోగ్యకర ఆహారం అనేది కత్రినా శారీరక లావణ్యం వెనుకగల రహస్యం. ప్రతిరోజూ యోగా, వ్యాయామాలు ఈ నటీమణి మంచి రూపం సంతరించుకునేలా చేశాయి. తీస్ మార్ ఖాన్ సినిమాలో తన పాత్రకుగాను కత్రినా కఠినమైన ఆహార, వ్యాయామ ప్రణాళిక ఆచరించింది.

2. ప్రియాంక చోప్రా - జిమ్ అంటే క్రేజ్ లేదు గానీ, శరీరం మంచి షేప్ లో వుండటానికి ప్రతిరోజూ కొన్ని వర్కవుట్లు చేస్తానంటోంది.. ఈ మాజీ ప్రపంచ సుందరి మరియు బాలీవుడ్ నటీమణి. ఆరోగ్యంగా వుండాలి. అయితే మరీ సన్నగా వుండరాదనేది ఈ నటీమణి సిద్ధాంతం.

3. కరీనా కపూర్ - ఈమె జీరో సైజుల భామగా పేరుపడింది. తన ప్రస్తుత శారీరక రూపానికిగాను ఎంతో కష్టపడింది. శరీరానికి తగిన ఆహారం, ఆహారానికి తగ్గ వ్యాయామం అనేది ఈమె సిద్ధాంతం. సినిమాల్లో ప్రవేశించిన కొత్తల్లో ఈమెను బొద్దుగావుండే పంజాబి అమ్మాయికి ప్రతిరూపం అనేవారు. సన్నగా ఆకర్షణీయంగా శారీరక లావణ్యం కలిగి వుండాలనుకునే నేటి తరం యువతులకు కరీనా ఒక ఉదాహరణగా నిలుస్తుంది.

సన్నగా, ఆకర్షణీయంగా, ఆరోగ్యంగా వుండాలనుకునేవారు వీరిని ఆదర్శంగా తీసుకుని తమ డైలీ వర్కవుట్లు ప్రణాళిక చేసుకుని ఆచరిస్తే...వారు కోరిన రీతిలో చక్కని ఆరోగ్యం, అందాలు వారి స్వంతమవుతాయనటంలో సందేహం లేదు.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.