పీరియడ్స్ కు, సంతానానికి అంతరాయం కలింగే ఓవేరియన్ సిస్ట్ లక్షణాలు..!

పొట్ట ఉబ్బరం, నొప్పి:

ఓవేరియన్ సిస్టులున్నప్పుడు, పొట్ట వాపు, ముఖ్యంగా లోయర్ ఆబ్డోమిన్ లో వాపు తో పాటు నొప్పి కూడా ఉంటుంది. ఈ సంకేతంను గుర్తించినట్లైతే ఓవరీస్ లో సిస్టులున్నట్లు .

పీరియడ్స్ సమయంలో పెల్విక్ పెయిన్:

ఫోలిసెల్స్ బ్రేక్ కాకపోవడం వల్ల అండం విడుదల కాదు, మహిళలకు సరిగా పీరియడ్స్ అవ్వడం లేదంటే సిస్టులు ఏర్పడటంతో పెల్విక్ పెయిన్ ఎక్కువగా ఉంటుంది.

మూత్రవిసర్జనలో సమస్యలు, లేదా తరచూ మూత్ర విసర్జనకు వెళ్లడం:

ఓవరీస్ లో సిస్టులు ఏర్పడి నప్పుడు, మూత్ర విసర్జన చేయడం కష్టం అవుతుంది, ఇది నొప్పికి దారితీస్తుంది. ఇంకా ఇది బ్లాడర్ పెయిన్ కు గురిచేస్తుంది . బ్లాడర్ మీద ఒత్తిడి పెరిగి తరచూ మూత్ర విసర్జన చేయాలనిపిస్తుంది.

వికారం మరియు వాంతులు:

సిస్టులు రప్చర్ అయినప్పుడు, వికారం, వాంతులు లక్షణాలు కనబడుతాయి. ఈ లక్షణాల గురించి తగిన జాగ్రత్తలు తీసుకోవడం చాలా అవసరం. లేదంటే ఇన్ఫెక్షన్ పెరిగే అవకాశాలు ఎక్కువగా ఉన్నాయి.

బరువు పెరగడం :

ఓవరీస్ లో సిస్టులున్నప్పుడు, ఓవరీస్ లో నొప్పితో పాటు, కడుపుబ్బరం, వంటి లక్షణాలు కనబడుతాయి. అంతే కాదు అతి తక్కువ సమయంలోనే బరువు ఎక్కువగా పెరుగుతారు.

బౌల్ మూమెంట్ సమస్యలు:

ఓవరీస్ లో సిస్టులున్నప్పుడు, బౌల్ మూమెంట్ లో సమస్యలుంటాయి. బౌల్ మూమెంట్ పెయిన్ ఫుల్ గా ఉంటుంది. పెద్ద ప్రేగులు లేదా కోలన్ మీద ప్రెజర్ పడటంతో స్టూల్ పాస్ చేయడం కష్టం అవుతుంది.

అజీర్తి లేదా గుండెలో మంట:

చాలా తక్కువ ఆహారం తీసుకున్నా కూడా, మహిళల్లో సిస్టులున్నట్లైతే, చాలా త్వరగా కడుపునిండినట్లు అనిపిస్తుంది. పొట్ట మీద ప్రెజర్ పెరుగుతుంది, దాంతో అన్ని రకాల అజీర్తి సమస్యలను ఎదుర్కోవల్సి వస్తుంది.

లోయర్ బ్యాక్ పెయిన్ :

ఓవరీస్ లో సిస్టులున్నప్పుడు, లోయర్ బ్యాక్ పెయిన్ ఉంటుంది. కొంత మందిలో లోయర్ బ్యాక్ తో పాటు, తొడల్లో కూడా నొప్పి ఎక్కువగా ఉంటుంది. ఈ లక్షణాలు కూడా ఓవేరియస్ సిస్టుల ప్రారంభ సంకేతాలు.