వెన్నుపట్టేసే నొప్పి నుండి ఉపశమనానికి 10 సింపుల్ ఇంటిచిట్కాలు

1.సరిపోయేంత విశ్రాంతి తీసుకోండి

మీకు వెన్ను పట్టేసినట్టు అన్పించగానే, వెంటనే మీ వీపుకి విశ్రాంతినివ్వండి. మీరు కదులుతూనే ఉంటే, అది నొప్పిని మరింత పెంచవచ్చు.

వెల్లకిలా నిటారుగా కదలకుండా పడుకోండి.

దిండును మీ కాళ్ళ కింద పెట్టుకుని వెన్నెముకపై వత్తిడిని తగ్గించండి.

2.తేమ ఉన్న వెచ్చదనాన్ని అందించండి

నొప్పి ఉన్నచోట మొదటి 72 గంటల పాటు తేమ ఉండే వేడిని అందేలా చూడండి. ఇలా చేయటం వలన వెన్ను నొప్పి నుండి ఉపశమనం కలిగి, రక్తప్రసరణ కూడా పెరుగుతుంది.

ఒక తువ్వాలును గోరువెచ్చని నీటిలో ముంచి పిండండి.

ఈ తువ్వాలును నొప్పి ఉన్నచోట 10 నిమిషాలు ఉంచండి.

రోజులో ఇలా చాలాసార్లు చేయండి.

3.చల్లని కాపడం

మీకు ఎప్పుడైనా వెన్నునొప్పి వచ్చినపుడు, ఐస్ ప్యాక్ కాపడం పెట్టుకోండి. ఇది బెణుకులకి, గాయాలకి కూడా మంచిదే. చల్లదనం వాపును తగ్గిస్తుంది, అది నొప్పిని కూడా త్వరగా నెమ్మదింపచేస్తుంది.

కొన్ని ఐస్ క్యూబ్ లను తువ్వాలుతో చుట్టండి.

దాన్ని నొప్పి ఉన్నచోట 15 నిమిషాలు ఉంచండి.

ఈ పద్ధతినే ప్రతి గంటకి ఒకసారి పాటించండి.

4.పచ్చని ఆవాల గింజలను తినండి

పసుపుపచ్చని ఆవాల గింజలను తినటం వలన మీ నోట్లోని నాడులపై అవి ప్రభావం చూపిస్తాయి.అవి వెన్నునొప్పిని కలిగించే నాడులను నియంత్రిస్తాయి.

1 చెంచా పసుపుపచ్చని ఆవగింజలను తిని వెన్నునొప్పి నుండి ఉపశమనం పొందండి.

5.మసాజ్

నొప్పి ఉన్నచోట సింపుల్ గా నెమ్మదిగా మసాజ్ చేస్తే చాలు, వెన్నునొప్పి తగ్గుతుంది. మసాజ్ చేయటం వలన రక్తప్రసరణ పెరుగుతుంది.

గోరువెచ్చని కొబ్బరి నూనె, ఆలివ్ నూనెను కలిపి నొప్పి ఉన్నచోట పట్టించండి.

ఆ ప్రదేశాన్ని నెమ్మదిగా 10 నిమిషాల పాటు మసాజ్ చేయండి.

రోజులో ఇలా చాలాసార్లు చేయండి.

6.ఎండు క్యాప్సికం కారం పొడి

ఎండు క్యాప్సికంలో కాప్సాయిసిన్ అనే పదార్థం ఉంటుంది. ఇది బాధను తగ్గించే, ఇంకా వాపును తగ్గించే లక్షణాలను కలిగి వుండి, వెన్నునొప్పి నుంచి ఉపశమనం అందిస్తుంది.

½ చెంచా ఎండు క్యాప్సికం కారంపొడి, 1 చెంచా గోరువెచ్చని ఆలివ్ నూనెను కలపండి.

ఈ మిశ్రమాన్ని సమస్య ఉన్నచోట రాయండి.

30 నిమిషాల తర్వాత కడిగేయండి.

7.చామంతి

ఆయుర్వేద మొక్క అయిన చామంతిలో వాపు వ్యతిరేక లక్షణాలుండే ఫ్లేవనాయిడ్లు ఎక్కువగా ఉండి, వెన్ను పట్టేయడాన్ని తగ్గిస్తుంది. పట్టేసిన కండరాలకి త్వరగా ఉపశమనం వచ్చేలా చేసి, నొప్పి నుంచి విశ్రాంతిని, ప్రశాంతతని అందిస్తుంది.

కొన్ని చుక్కల చామంతి నూనెను 2 చెంచాల కొబ్బరినూనెతో కలపండి.

నొప్పి ఉన్నచోట దీన్ని రోజుకి 3 సార్లు రాయండి.

8. ఎప్సం సాల్ట్

ఎప్సం ఉప్పులో మెగ్నీషియం ఉండి, పట్టేసిన కండరాలకి ఉపశమనం, విశ్రాంతిని ఇస్తుంది. వెన్నునొప్పి వచ్చిన మొదటి 48 గంటల తర్వాత ఎప్సం ఉప్పును వాడండి. 2 చెంచాల ఎప్సం ఉప్పును మీరు స్నానం చేసే నీరులో కలపండి. 20 నిమిషాలు ఆ నీటిలో ఉంటే, మీ నొప్పి తగ్గుతుంది.

9.స్ట్రెచింగ్ వ్యాయామాలు

మీ కిందివైపు నడుముపై ఎక్కువ వత్తిడి కలగకుండా బలపడేట్లు చేయటానికి కొన్ని స్ట్రెచింగ్ వ్యాయామాలను నెమ్మదిగా చేయండి.

వెల్లకిలా మంచం మీద పడుకుని మీ చేతులను కిందకి మీ పక్కనే పెట్టుకోండి.

మెల్లగా మీ వీపును కిందవైపుకి నెట్టండి.

ఈ స్థితిలో 12 సెకన్ల పాటు ఉంచండి.

10. హైడ్రేషన్

శరీరంలో సరిగ్గా ఎలక్ట్రోలైట్ల సమతుల్యం ఉండకపోతే, అది వెన్నుపట్టేయడానికి దారితీస్తుంది. అందుకని మీ శరీరంలో తగినంత నీరు ఉండాలి.

టైం ప్రకారం మంచి నీళ్ళు తాగుతూ ఉండండి.

నీరు ఎక్కువ ఉండే పండ్లు, కూరలను తినండి.